Mikosi 2:9 - Tshwa Bible

⁹ A tinyangwa takwe ti wile lahasi, a tshoveletela zikwinyaro za kona; A hosi ni tihosana ta kona ti lomu matikweni, a ka ha hi na nayo; A vaprofeti vakwe a va ha kumi miwoniso hi ka Jehova.

Mikosi 2:9 Mawu Ofanana

2 Tihosi 25:7

Va lo daya a vanana va Zedekia kuwoneni kakwe; va lo xokola a mahlo ya Zedekia, va mu boha hi mangenje ya suku, va mu yisa le Babuloni.

2 Kronekele 15:3

Xikhati xo leha a va ka Israeli na va nga hi na Nungungulu wa zinene, ni mupristi wa ku va gonzisa, ni kambe va wa hi handle ka nayo.

Nehemia 1:3

Vaku ka mina: A misalela leyi yi humileko wukhumbini, yi akileko tikweni legiya, va le kuxanisekeni ka hombe nguvu ni nzhukanweni. A ligingisi la Jerusalema kambe li khungumulwe, a tivati ta lona ni hisilwe hi nzilo. 2 Tih. 25:9

Tisimu 74:9

A ha ha zi woni a zikombiso za hina, A ka ha hi na muprofeti; Xikari ka hina a nga kona a tivako lezaku ku tava kala rini. Ezek. 7:26; Am. 8:12

Isaya 24:12

A mutini ku sala marumbi ntsena, Ni nyangwa ya wona yi panzekile.

Jeremia 14:14

Jehova i lo nzi hlamula, aku: A vaprofeti va profeta mawunwa vitweni ga mina. A nzi va rumangi, a nzi va layangi; a nzi wulawulangi nchumu kabye. Va profeta ka nwina a miwoniso ya mawunwa ni kuvumba, a zilo za mahala za kukhohlakala ka timbilu tabye.

Jeremia 23:16

Jehova wa tiyimpi i ngalo: Mu nga ingisi a timhaka ta vaprofeti lava va profetako ka nwina, hakuva va mu kanganyisa; va kanela a miwoniso ya timbilu tabye wutsumbu, na zi nga humi nonwini wa Jehova. Ezek. 13:2; Mat. 7:15

Jeremia 39:2

zonake hi lembe ga wukhume ni ginwe ga Zedekia, ka hweti ya wumune, hi siku ga wuntlhanu ni mune, a muti wu lo botelwa;

Jeremia 39:8

Ni maKaldea ma lo hisa hi nzilo a yindlu ya hosi ni tiyindlu ta vanhu va tiko, va gidlimusela a tigingisi ta Jerusalema.

Jeremia 51:30

A tinhenha ta Babuloni ti tsikile a kulwa, ti tshamile lomu makhokholeni ya tona; ti mbhelelwe hi ntamu, va tlhela vaku khwatsi mbavasati. A miti yakwe ya hisiwa hi nzilo, a zikwinyaro zakwe zi tshobyilwe.

Jeremia 52:14

A yimpi yontlhe ya maKaldea leyi a nduna ya vanyakasani yi nga hi nayo, yi lo khungumula makhurisi wontihe lawa ma nga bhiyele Jerusalema.

Mikosi 1:3

Juda i yile matikweni hi kota ya kuxaniseka ni wunanza ga hombe; I tshama xikari ka vamatiko, a nga kumi kurula; A vaxanisi vakwe vontlhe va mu khamanyetile kubayisekeni kakwe.

Mikosi 4:15

Sukani! ku wa wuliwa kabye. A mu hlazekangi! Sukani, sukani, mu nga va khumbi! Ina, va tsutsumile, va pepetseka; A vamatiko vaku ha vona: Ngha va nga kumi wuakelo! Levi 13:45

Mikosi 4:20

Loyi a totilweko hi Jehova, loyi a nga hi kuhefemula ka hina, i phasilwe marinzini yabye; Loyi hi nga wula ha yena hiku: Hi ta hanyela nzhutini wakwe xikari ka matiko. 2 Tih. 25:5

Ezekieli 12:13

Nzi ta mu phasa hi likoka la mina; nzi mu yisa Babuloni, a tikweni ga maKaldea. Kanilezi a nga ta gi wona, hambu lezi a to fela kona. 2 Tih. 25:4; Jer. 52:11

Ezekieli 17:20

Nzi ta andlala likoka la mina hehla kakwe, i ta phasiwa hi ziyo ga mina, nzi ta mu yisa Babuloni, nzi ya mu lamula hilezi a nga kala ku tsumbeka ka mina.

Ezekieli 7:26

A khombo gi ta lanzelwa hi khombo, a nkosi yi ta lanzelwa hi nkosi; va ta kombela muwoniso ka vaprofeti; kanilezi a vapristi va ta rivakelwa hi nayo, ni masingalakati ma ta vumala wusungukati. Jer. 4:20; 18:18

Hosea 11:6

A supado yi ta daya lomu mitini yakwe, yi tshova a zikwinyaro za yona, yi va hihirita hi kota ya xikungo xabye wutsumbu.

Hosea 3:4

Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

Amosi 1:5

Nzi ta tshova a zikwinyaro za Damasku, nzi lovisa a vaaki va lomu livaleni la le Aveni, ni loyi a khomako a nhonga ya wuhosi le Bet-edeni. Zonake a vanhu va le Siria va ta yiswa wukhumbini le Kira, ku wula Jehova.

Deuteronome 28:36

Jehova i ta ku yisa wena, zinwe ni hosi ya wena leyo u ta nga yi veka hehla ka wena, ka tiko lego u nga gi tiviko, hambu ni vararu va wena, leyo mu taya khozela vanungungulu vanwani va tisinya ni va maribye.

Deuteronome 28:63

Khwatsi hi lezi Jehova a tsakako hi ku mu katekisa a mu enzelekisa, zinghaho kambe Jehova i ta tsaka hi ku mu lovisa ni ku mu mbhetisa; na nwina mu ta hlomulwa lomu tikweni lego mu yako ku ya gi fumela.

1 Samueli 28:6

Saule i lo wutisa Jehova, kanilezi Jehova a nga mu hlamulangi nchumu, hambu ni kulora, hambu ni Urima, ge hambu vaprofeti. Ekso. 28:30; Mitse. 12:6