Mikosi 2:7 - Tshwa Bible

⁷ A Hosi yi tsikile a alati ga yona, yi swireka hi wutshamu gakwe ga kubasa; A makhurisi ya ziluvelo zakwe i ma nyikele mandleni ya nala; Va tlakusile magezu yabye lomu ndlwini ya Jehova khwatsi hi siku ga tlhangano wa ximuse.

Mikosi 2:7 Mawu Ofanana

2 Tihosi 25:9

I lo ta hisa a yindlu ya Jehova ni yindlu ya hosi; a hisetela tontlhe tiyindlu ta le Jerusalema, ni tontlhe tiyindlu ta vahombe.

2 Kronekele 36:19

Va lo hisa a yindlu ya Nungungulu, va khungumula a ligingisi la Jerusalema, va hisa tontlhe tiyindlu ta wuhosi, va xakela zontlhe zilo za malongo.

Tisimu 89:39

U tsikile a xivumelwano lexi u nga xi maha ni nanza ga wena, U nyenyezisile a xidlodlo xakwe, u xi hoxa lahasi.

Isaya 64:9

U nga zangari ku hunzisa, O Jehova, U nga hi alakanyeli kugoha kala kupinzuka! Kanilezi alakanya lezaku hina hontlhe hi vanhu va wena.

Jeremia 21:4

Jehova, a Nungungulu wa ka Israeli i ngalo: Langutani, nzi ta tlhelisela a matlhari lawa ma nga mandleni ya nwina, lawa mu lwako ha wona le handle ka tigingitsi mu vukela a hosi ya Babuloni ni maKaldea lava va mu vimbezeleko, nzi ta ma hlengeletela a mutini lowu.

Jeremia 26:18

Mika wa le Moraxi i lo profeta masikwini ya Hezekia hosi ya ka Juda, a byela vontlhe vanhu va ka Juda, aku: Jehova wa tiyimpi i ngalo: Zioni gi ta rimiwa kota simu, Ni Jerusalema gi tava nhulu ya maribye, Ni xitsunga xa tempeli xi tava xitsunga xa khwati. Mika 3:12

Jeremia 26:6

mina nzi ta maha leyi yindlu kota Xilo, ni muti lowu nzi ta wu maha xiruko ka tontlhe tixaka ta misava.

Jeremia 32:29

A maKaldea ma vimbezelako muti lowu, va ta enghena ka wona va wu hisa hi nzilo, va hisa ni tiyindlu tontlhe leti ku hiselweko ka tona a tibani ka Baali, ni ku nyikelwa a minyikelo ya kunwa ka vanungungulu vanwani, kasi ku nzi zangarisa.

Jeremia 39:8

Ni maKaldea ma lo hisa hi nzilo a yindlu ya hosi ni tiyindlu ta vanhu va tiko, va gidlimusela a tigingisi ta Jerusalema.

Jeremia 4:26

Nzi lo lunguza, languta, a tiko go nona gi wa hunzukile xiwula; Ni yontlhe a miti ya gona yi wa hahlulwe Mahlweni ka Jehova, ni mahlweni ka kuhisa ka zanga yakwe.

Jeremia 4:27

Hakuva Jehova i ngalo: A tiko gontlhe gi ta hahlulwa, Kanilezi nzi nga ta gi mbhetisela magumo.

Jeremia 50:28

A gezu ga lava va ponako tikweni ga Babuloni ga zwakala le Zioni, gi tlhatlhambutela, a ku ti photela ka Jehova, a Nungungulu wa hina, loyi a photelako a tempeli yakwe.

Jeremia 52:13

I lo hisa a yindlu ya Jehova, ni yindlu ya hosi, ni tontlhe a tiyindlu ta lomu Jerusalema, nguvunguvu a tiyindlu leʼta hombe i lo ti hisa hi nzilo.

Mikosi 1:4

A magonzo ma yako Zioni ma rila, hakuva a nga kona a tako hlengeletanweni wa ximuse; A ku na vanhu tinyangweni takwe, a vapristi vakwe va hefemuteka. A vanhwana vakwe va xaniseka, yena wutsumbu i na ni xiviti.

Mikosi 2:1

Hosi yi khubhunyetisile kuyini a nhanyana wa Zioni hi refuga zanga ya yona! A wudzunzo ga Israeli yi gi reletile hi le hehla, a gi wisa misaveni, A sikwini ga zanga yakwe a nga hlayisangi a xikhegetelo xa mikonzo yakwe. 1 Kro. 28:2; Tis. 132:7

Mikosi 2:5

A Hosi yi hunzukile yi maha nala, yi khadamule Israeli; Yi hahlule a tiyindlu takwe tontlhe ta wuhosi, yi khungumulela a makhokhola yakwe wontlhe; Xikari ka nhwana wa Juda yi anzisile a hlomulo ni mikosi.

Ezekieli 24:21

Wulawula ka yindlu ya ka Israeli, uku: Hosi Jehova i ngalo: Langutani, Nzi ta nyenyezisa a yindlu ya mina ya kubasa, ku nga matshanza ya ntamu wa nwina, ni kunavela ka mahlo ya nwina, lezi a moya wa nwina wu zi ranzako; a vafana va nwina ni vanhanyana va nwina lava va mu siyeleko va ta dawa hi supado.

Ezekieli 7:24

Hikwalaho nzi ta va nehela a vamatiko vo biha nguvu, va ta ta teka tiyindlu tabye. Nzi ta bohlisa a matshanza ya laʼva ntamu, a matshamu yabye ma basileko ma ta nyenyeziswa.

Levi 26:31

Nzi ta hahlula a miti ya nwina, yi maha marumbi; nzi ta hangalasa matshamu ya nwina yo basa; cima nzi nga ta ha nuhetela a masema ya minyikelo ya nwina. Isa. 1:13

Levi 26:44

Kanilezi hambu loku va hi lomu ka matiko ya valala vabye, cima nzi nga ta va hoxa, hambu ni ku va tsika go kala nzi va mbheta, nzi tshova xivumelwano xa mina zinwe na vona; hakuva hi mina Jehova, Nungungulu wabye. Isa. 59:20; Rom. 11:26

Amosi 2:5

Kanilezi nzi ta rumela a nzilo hehla ka Juda, wu ta hisa a ziluvelo za Jerusalema.

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Mateu 24:2

Kanilezi yena aku kabye: A mu zi woni zontlhe lezi ke? Hizinene nziku ka nwina: Laha ku nga ta siyiwa a ribye ginwe hehla ka ginwani, legi gi ta nga kala gi nga khungumulwa 1 Tih. 9:7; Jer. 26:18; Lu. 19:44