Mikosi 2:6 - Tshwa Bible

⁶ I hahlule a tabemakeli gakwe aku khwatsi gi wova simu; a fuvisa a wutshamu gakwe ga tihlengeletano. Jehova i mahile a va le Zioni va rivala a mitlhangano ya zimuse ni tisabado, Hi kota ya zanga yakwe a nyenya a tihosi ni vapristi.

Mikosi 2:6 Mawu Ofanana

Tisimu 74:7

Va hisile hi nzilo a wutshamu ga wena ga kubasa, Va hahlulile ni ku hanahanisa a yindlu ya vito ga wena.

Tisimu 76:2

A tenda gakwe gi le Salema; Ni wuakelo gakwe gi le Zioni.

Tisimu 80:12

Hikuyini u hahlulako a lihlavu la yona, Lezaku yi khayiwa hi vontlhe vahunzi ke?

Tisimu 89:40

U hohlomele a lihlavu lakwe lontlhe, A makhokhola yakwe u ma mahile marumbi.

Isaya 1:13

Mu nga ha nzi neheli minyikelo yi nga nyawuliko; a libani li hi manyalataniso ka mina. Nzi nyenya a mibuzo ya hweti yiswa, ni ya masabado, ni tihlengeletano; nza venga ku wona kuonha tihlengeletanweni ti basileko.

Isaya 1:8

Ku sele ntsena a nhanyana wa Zioni khwatsi xikupe le xivineni, khwatsi i xaxa le sinwini ga mariwa, khwatsi i muti wu vimbezelweko.

Isaya 43:28

Hikwalaho nzi tsongahatile a tihosana ta yindlu yo basa, Nzi nyikele Jakobe a kuva a lobyiswa, Na Israeli a kuva a rukiwa.

Isaya 5:5

Nzi ta mu byela lezi nzi ta nga maha ka xivina xa mina: Nzi ta susa libhingo la xona li hiswa, Nzi ta khungumula a tigingisi la xona, ti kanzihelelwa.

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Isaya 63:18

A vanhu va wena va basileko va fumele tiko xikhatanyana ntsena; A valala va hina va kanzihele a yindlu ya wena yo basa.

Isaya 64:11

A yindlu ya hina yi basileko leʼyo saseka, Leyi a vadadani va hina va nga ku dumisa ka yona, Yi swile hi nzilo, Ni zontlhe lezi zi nga hi tsakisa zi wonhilwe. 2 Tih. 25:9; 2 Kro. 36:19

Jeremia 17:27

Kanilezi loku mu nga nzi ingisi, mu nga basisi a siku ga sabado, kanilezi mu rwala a minzhwalo ni ku enghena nayo hi tinyangwa ta Jerusalema hi siku ga sabado; zonake nzi ta dzivela a nzilo tinyangweni ta wona, wu hisa tiyindlu ta wuhosi ta lomu Jerusalema, a nzilo lowu wu nga ta timiwa. Ezek. 20:47; Hos. 8:14

Jeremia 42:18

Hakuva Jehova wa tiyimpi, a Nungungulu wa Israeli, i ngalo: Laha mu ta nga enghena Gipite nzi ta chulula a zanga ya mina hehla ka nwina, khwatsi hilezi nzi nga yi chululisisa zona hehla ka vaaki va Jerusalema. Mu tava xiruko ni xirewukiso, mu rukiwe ni ku xanziwa; mu nga ta ha wona legi wutshamu.

Jeremia 45:4

U ta wula lezi ka yena, uku, Jehova i ngalo: Lexi nzi xi akileko nzi ta xi khungumula, ni lexi nzi xi byalileko nzi ta xi tsuwula, ziva tano misaveni yontlhe.

Jeremia 50:28

A gezu ga lava va ponako tikweni ga Babuloni ga zwakala le Zioni, gi tlhatlhambutela, a ku ti photela ka Jehova, a Nungungulu wa hina, loyi a photelako a tempeli yakwe.

Mikosi 1:4

A magonzo ma yako Zioni ma rila, hakuva a nga kona a tako hlengeletanweni wa ximuse; A ku na vanhu tinyangweni takwe, a vapristi vakwe va hefemuteka. A vanhwana vakwe va xaniseka, yena wutsumbu i na ni xiviti.

Mikosi 4:16

A nghohe ya Jehova yi va hangalasile, a nga ha va khataleli; Va wa nga hi na xichavo ka vapristi, a va zwelangi wuxinji a zikhosana.

Mikosi 4:20

Loyi a totilweko hi Jehova, loyi a nga hi kuhefemula ka hina, i phasilwe marinzini yabye; Loyi hi nga wula ha yena hiku: Hi ta hanyela nzhutini wakwe xikari ka matiko. 2 Tih. 25:5

Mikosi 5:12

A tihosana ti hayekilwe hi mawoko ya tona, A tinghohe ta masingalakati a ti chabyiwangi. Deut. 28:50

Ezekieli 17:18

Hakuva i kanyisile a xifungo xakwe hi ku tshova a xivumelwano; i mahile zontlhe lezi zilo hambu lezi a nga hlambanyile hi canja gakwe; a nga ta pona.

Levi 26:31

Nzi ta hahlula a miti ya nwina, yi maha marumbi; nzi ta hangalasa matshamu ya nwina yo basa; cima nzi nga ta ha nuhetela a masema ya minyikelo ya nwina. Isa. 1:13

Zefania 3:18

Nzita tsombanyisa lava va hulukelako hi kuvumaleka ka tihlengeletano ta ximuse, lava va nga tshamile kule na wena, lava va rweleko a nzhwalo wa nzhukano.

Malaki 2:9

Hikwalaho nzi mu mahile mu soleka ni kuva vo biha mahlweni ka vanhu vontlhe, hakuva a mu hlayisi a tindlela ta mina, kanilezi mu cuwuka a nghohe ya munhu loku mu tlhamusela a nayo. 1 Sam. 2:30