Mikosi 2:3 - Tshwa Bible

³ I tshovile a ntamu wontlhe wa Israeli hi zanga yakwe ya hombe, A khanyeta woko gakwe ga xinene mahlweni ka valala; A vura xikari ka Jakobe khwatsi i langavi ga nzilo lowu wu lovisako kontlhe.

Mikosi 2:3 Mawu Ofanana

2 Kronekele 34:25

Hakuva vona va nzi tsikile, va ya hisela vanwani vanungungulu a tibani, va nzi zangarisa hi mitiro yontlhe ya mandla yabye; hikwalaho a zanga ya mina ya vurela legi wutshamu; cima yi nga ta timeka.

Joba 16:15

Nzi rungele nguwo ya sakwa hehla ka hlonge ya mina, Nzi reletile a limhonzo la mina tshurini.

Tisimu 132:17

Laho nzi ta tiyisa limhonzo la Davida, Nzi yimisile kona a kandiya ka a totilweko wa mina. 1 Tih. 11:36; Lu. 1:69; 2:32

Tisimu 74:11

Hikuyini u alisako a woko ga wena ga xinene ke? Gi humese xifuveni xa wena, u va heta.

Tisimu 75:10

A timhonzo tontlhe ta laʼvo biha nzi ta ti tsema, Kanilezi a timhonzo ta laʼvo lulama ti ta tlakuswa.

Tisimu 75:5

Mu nga tlakusi limhonzo la nwina hehla; Mu nga wulawuli hi matshanza.

Tisimu 79:5

Ku ta kala kuva rini, Jehova, na wa ha zangarile? A xiluse xa wena xi ta vura khwatsi i nzilo kala rini?

Tisimu 89:24

Kanilezi a kutsumbeka ka mina ni wuxinji ga mina zi tava naye, A limhonzo lakwe li ta tlakuswa vitweni ga mina.

Tisimu 89:46

Jehova, ku ta kuva kala rini, U ta ti fihla kala kupinzuka ke? Kala rini a zanga ya wena na ya ha vura kota nzilo ke?

Isaya 1:31

A nhenha yi ta ku khwatsi fufanyi, ni ntiro wa yona wu ta ku khwatsi i hlahle, hi wumbiri gabye va taswa zinwe, a nga kona a ta nga va timela.

Isaya 42:25

Hikwalaho i chulule a zanga yakwe hehla kabye, Ni kuleva ka yimpi. A nzilo wa yona wu va renzelekele, kanilezi a va wu pimangi; Wu va hisile, kanilezi a va wu khatalelangi. Jer. 7:20; Ezek. 20:8; Hos. 5:10

Jeremia 21:14

Nzi ta mu tsayisa maringano ni mbhanzu wa zimaho za nwina, ku wula Jehova. Nzi ta dzivela nzilo khwatini ga nwina, wu ta lambuxa zontlhe zi nga lahandle ka muti. Mav. 1:31

Jeremia 4:4

Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

Jeremia 48:25

A limhonzo la Moabi li tsenwilwe, a woko gakwe gi tshobyilwe, ku wula Jehova.

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Mikosi 1:13

I rumele a nzilo hi le hehla wuta marambyini ya mina, ma lobyiswa hi wona; I dembele mikonzo ya mina a ziyo, a nzi tlhelisela nzhako; I nzi nyikele kuonhekeni, nzi rereka siku gontlhe.

Mikosi 4:11

Jehova i mbhetisile a khulo gakwe, i chulule a zanga yakwe yo tshisa; I dzivele a nzilo le Zioni, lowu wu hisileko a ziseketelo za gona.

Ezekieli 13:13

Hikwalaho Hosi Jehova i ngalo: Nzi ta vuxa a xingulu zangeni ya mina, hi kota ya khulo ga mina ku tana a vula ya hombe, ni maralala ya hombe zangeni ya mina, kasi ku gi hetisa.

Ezekieli 7:14

Va bile mpunzu, va longisile zontlhe, kanilezi a nga kona a yako yimpini; hakuva a zanga ya mina yi hehla ka xidlemo xabye xontlhe.

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Luka 1:69

I hi vuxela a limhonzo la kuhanyisa A ndlwini ka Davida a nanza gakwe, Tis. 132:17

Luka 3:17

A lihlelo lakwe li lomu canjeni gakwe, kasi ku swiyelisisa a nzhimbo wakwe, ni ku hlengeletela a mavele magombeni yakwe; kanilezi a mungu i ta wu hisa hi nzilo wu nga timekiko. Mika 4:12; Mat. 13:30

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.