Mikosi 2:22 - Tshwa Bible

²² U nzi rambele kuchavisa matlhelo wontlhe, khwatsi hi siku ga mutlhangano wa ximuse; A nga kona ni munwe wo pona, a nga sala hi siku ga zanga ya Jehova. Lava nzi nga va wukarela, nzi va wundla, a nala wa mina i va lovisile.

Mikosi 2:22 Mawu Ofanana

2 Kronekele 36:17

Hikwalaho i lo va rumela a hosi ya maKaldea, yi ta daya majaha yabye hi matlhari lomu ndlwini yabye yo basa; a nga nyenyeletelangi majaha, hambu ni vanhanyana, ge hambu zikhosana zi nga ni wuvu; i lo va nyikela vontlhe mandleni yakwe.

Tisimu 31:13

Hakuva nzi zwile vanyingi va hleva ha mina; A kuchava ku nzi ranzele, Loku va tsema xikungo ha mina, Kasi ku susa a wutomi ga mina. Jer. 20:10

Isaya 28:19

Zikhati zontlhe loku a ntalo wu hunza wu ta mu khoma, Hakuva mixo ni mixo wu ta hunza, hlikanhi ni wusiku; Mu ta gonza hi ku dzukiswa ntsena.

Jeremia 11:11

Hikwalaho Jehova i ngalo: Nzi ta neha khombo hehla kabye, va nga ta huluka ka gona; va ta rila ka mina, kanilezi nzi nga ta va ingisa. Mav. 1:28; Isa. 1:15

Jeremia 14:19

Xana Juda u mu tsikele magumo ke? Kutani u ngava u swirekile mbilu hi Zioni ke? Hikuyini u hi bileko lezaku hi nga zi koti ku chumiwa ke? Hi wa lavelele kurula, kanilezi a ku tangi kusasa; Hi lavelele xikhati xo chumiwa, kasi kuchava ku kona!

Jeremia 20:3

Hi manziko wa kona Paxuri i lo humesa Jeremia hi lomu makhotsweni. Zonake Jeremia aku ngalo kakwe: Jehova a nga ku chulangi vito ku u Paxuri, kanilezi u Magor-missabibi.

Jeremia 21:7

Anzhako ka lezo, ku wula Jehova, nzi ta nyikela Zedekia, a hosi ya ka Juda, ni malanza yakwe, zinwe ni vanhu lavo va ta ngava va ponile ntungu a mutini lowu, ni ku pona a supado ni ndlala, nzi va nyikela canjeni ga Nebukadrezzare hosi ya Babuloni, ni canjeni ga valala vabye ni ga lava va hlotako wutomi gabye. Yena i ta va lamata hi supado, a nga ta va nyenyeletela, hambu a ku va zwela, hambu ni kuva ni tipswalo havona.

Jeremia 44:7

Hikwalaho Jehova, a Nungungulu wa tiyimpi tlhelo Nungungulu wa Israeli, i ngalo: Hikuyini mu ti mahelako a khombo legi ga hombe, kala ku lobyiswa a vavanuna; ni vavasati, ni vanana ni zihlangana xikari ka Juda, ku nga sali ni munwe wa nwina?

Jeremia 46:5

Hikuyini nzi va wonako na va rurumela, va tlhelela nzhako? A tinhenha tabye ti hluliwa, Ti tsutsuma ti nga cuwuki nzhako; Matlhelo wontihe ku kona kuchava, ku wula Jehova.

Jeremia 6:25

Mu ngayi masinwini, hambu ku famba tindleleni; Hakuva a supado ya nala yi kona lomo, Ka chavisa a matlhelo wontihe.

Deuteronome 28:18

A khombo gi tava ka pswalo wa miri wa wena, ni mihanzu ya misava ya wena, ni pswalo wa tihomu ta wena ni tiyivu ta wena.