Mikosi 1:9 - Tshwa Bible

⁹ A minzhungo ya tinguwo takwe yi wa hi ni chaka, a nga alakanyangi a magumo yakwe; A kuwa kakwe ka rewukisa, a nga na mutangalisi. Jehova, cuwuka a hlokiselelo wa mina, hakuva a nala wa ti kulisa.

Mikosi 1:9 Mawu Ofanana

2 Samueli 16:12

Kutani Jehova i ta cuwuka kuxaniseka ka mina, zonake a nzi nyika kurula hi kota ya kurukatela kakwe ka nyamutlha.

2 Tihosi 14:26

Hakuva Jehova i wa wonile a mhango ya hombe nguvu ka Israeli, ni lezaku ku wa nga hi na wa ku sala, a va ntamu ni va tsongwani, ku wa nga hi na munhu wa ku hlanguta Israeli. Deut. 32:36

Nehemia 9:32

Hikwalaho wena Nungungulu wa hina, u nga Nungungulu wa hombe, wa ntamu, wo tshisa, loyi a hlayisako xivumelwano ni wuxinji, ngha hlomulo lowu wu ngavi wutsongwani mahlweni ka wena, lowu wu weleko hehla ka hina, ni tihosi ta hina, ni tihosana ta hina, ni vapristi va hina, ni vaprofeti va hina, ni vararu va hina, ni hehla ka vanhu va wena vontlhe kusukela xikhatini xa tihosi ta le Assiria kala lezi.

Tisimu 119:153

Languta kuxaniseka ka mina, u nzi ponisa, Hakuva a nzi rivali a nayo wa wena.

Tisimu 140:8

Jehova, u nga nyiki a wakubiha lezi a zi navelako, U nga vuni makungo yakwe, lezaku a nga dzuki a ti kulisa. (Sela.)

Tisimu 25:18

Cuwuka a hlomulo wa mina ni kubayiseka ka mina, U nzi tsetselela a zionho za mina zontlhe.

Tisimu 69:21

Va lo nziha a nyongwa akuva zakuga za mina, Ni ku tima tora ga mina va nzi nwisa vinagre. Mat. 27:34, 48; Lu. 23:36; Joh. 19:29

Eksodusi 3:17

Mina nzi te ngalo: Nzi ta mu tlhatlhisa hlomulweni wa nwina wa Gipite, nzi mu yisa tikweni ga vaKanani, ni ga vaHiti, ni ga vaAmori, ni ga vaPerezi, ni ga vaHivi, ni ga vajebusi ka tiko ga masi ni wulombe.

Eksodusi 3:7

Jehova aku: Nzi wonile kuxaniseka ka vanhu va mina le Gipite, nzi zwile kurila kabye hi kota ya lava va va xanisako; nza tiva a hlomulo wabye.

Eksodusi 4:31

A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.

Mutshawuteli 4:1

Nzi lo engeta nzi wona a zixaniso zontlhe lezi zi mahiwako lahasi ka gambo. Nzi lo wona mihloti ya lava va xanisiwako, na va nga hi na mutangalisi; a vaxanisi vabye va wa hi ni tihanyi, kanilezi vona va wa nga hi na mutangalisi.

Isaya 3:8

Hakuva Jerusalema gi hahlukile, na Juda i wile, hakuva a tirimi tabye ni zimaho zabye zi vukele Jehova, va tsanwisile a mahlo ya wukulu gakwe.

Isaya 37:17

Jehova, kangatela a ndleve ya wena, u ingisa; Jehova, vulula mahlo ya wena u wona. Zwana timhaka tontlhe ta Sennakeribe leti a ti rumeleko ku ta rukatela ha tona a Nungungulu a hanyako.

Isaya 37:23

Himani loyi u nga mu rukatela u mu tseketsela ke? U tlakusile a gezu ga wena ni mahlo ya wena hehla ka mani? U vukele Loyi a Basileko wa ka Israeli.

Isaya 37:29

Hi kota ya ku nzi vukela ka wena, Ni matshanza ya wena ma chikeleko tindleveni ta mina, Hikwalaho nzi ta ku bhoxa mukhalo nhovini ya wena, Nzi ku vekela matomu ya mina nonwini wa wena, Nzi ku tlhelisa hi ndlela leyi u tileko ha yona.

Isaya 37:4

Kutani Jehova a Nungungulu wa wena i zwile tontlhe a timhaka ta Rabxake leti a nga rumiwa tona hi nwinyi wakwe, a hosi ya le Assiria, a ku ta rukatela a Nungungulu a hanyako; lezaku Jehova a Nungungulu wa wena i ta mu lamula hi kota ya timhaka leti a ti zwileko; hikwalaho kombelela a misalela yi nga kona.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 47:7

Wena u ngalo: Nzi tava muzinza kala kupinzuka. A ku khatalelangi lezi zilo, A ku alakanyangi lezaku zi ta mbhela. Kuv. 18:7

Isaya 51:19

A makhombo mambiri ma ku wela, himani a ku zwelako wusiwana ke? A kuhahlulwa, ni ku lobyiswa, ni ndlala, ni supado, Nzi ta ku chavelelisa kuyini?

Isaya 54:11

O wena loyi u hlokiswako, u nzuliswako hi bhubhutsa, Na u nga hi na muchaveleli, Nzi ta ku akisa hi maribye ya lisima, Nzi aka a ziseketelo za wena hi masafire. Kuv. 21:19

Jeremia 13:27

Nzi wonile a wubhayi ga wena ni kurila ka kunavela ka wena, A wugango ga wena go hunzeleta le zitsungeni ni lomu masinwini. Khombo ka wena Jerusalema! Xana u ta rinzela kala rini na u nga basiswi ke?

Jeremia 16:7

Kambe a nga kona a to phameliwa wuswa ga xirilo, kasi ku mu miyeta hi kota ya ku felwa; kambe a nga ta hiwa a gombe go mu chavelela hi kota ya raru wakwe kutani nyine wakwe.

Jeremia 2:34

Ni lomu minzhungweni ya nguwo ya wena ku kumiwa a nkhata Wa zisiwana lezi zi nga hiko na nanzu, Lava u nga va kumangiko na va bhoxa a yindlu ya wena, Kanilezi u va dele, hakuva u ranza a zakunghahi. Ekso. 22:2

Jeremia 48:26

Mu popiseni, hakuva i ti kulisile mahlweni ka Jehova. Moabi i ta puluwunza mahlateni yakwe, A maha xihlekiso na yenawu.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 50:29

Vitaneni vontlhe a vaweleli va mawura va ta vukela Babuloni, mu goveleni matlhelo wontihe, ku nga poni ni munwe. Mu tlheliseleni hi mitiro yakwe; zontlhe lezi a nga wa zi maha, mahaniwo zalezo kakwe, hakuva i wa ti kulisa mahlweni ka Jehova, a vukela Loyi a Basileko wa ka Israeli.

Mikosi 1:17

Zioni i nawulutile a mawoko yakwe, a nga kona a mu chavelelako; Jehova i leletela a valala va Jakobe lezaku va mu renzelekela xikari; Jerusalema i hunzukile manyalataniso ka vona.

Mikosi 1:21

Va zwile lezaku nzi hefumuteka, kanilezi a nga kona ni munwe a nzi chavelelako; A valala va mina vontlhe va zwile hi khombo ga mina, va tsakela lezi u zi mahileko; Va ta fanana na mina loku ku chikele a siku legi u nga kanela ha gona.

Mikosi 2:13

Nzi ta ku kustumunyela yini? nzi ta ku fananisa ni yini, wena nhwana wa Jerusalema? Nzi ta ku ringanisa ni yini, wena nhwana wa Zioni, kasi nza ku chavelela? Hakuva a mole wa wena ngwa hombe ku fana ni bimbi, himani a nga zi kotako ku ku chuma?

Mikosi 4:1

Yi hunzulukisile kuyini a nzalama yi nga hatimako? A nzalama leyi yi ringilweko yi hunzulukisile kuyini? A maribye ya wutshamu ga kubasa ma hangalasilwe mahanzakanyeni wontlhe ya maruwa.

Mikosi 5:1

Jehova, alakanya lezi zi bi humeleko, Cuwukisisa a kurukatelwa ka hina.

Hosea 2:14

Hikwalaho nzi ta mu kupeta nzi mu yisa xiwuleni, nzi wulawula ni mbilu yakwe.

Zefania 2:10

Lezo va ta tlheliselwa hi kota ya matshanza yabye, hakuva va rukatele, va ti kulisa ka vanhu va Jehova wa tiyimpi.

Johani 11:19

A vaJuda vanyingi va wa tile ka Marta na Maria a ku ta va chavelela hi kota ya kufa ka makabye wabye.

Deuteronome 26:7

Kanilezi hi lo rila ka Jehova Nungungulu wa vadadani va hina, zonake Jehova i lozwa a gezu ga hina, a wona kutsimbeketwa ka hina, ni mitiro ya hina, ni kuxaniseka ka hina.

Deuteronome 32:27

Loku ku wa nga hi lezo nzi chavako a kutikulisa ka valala vabye; Lezaku a valala va ta kala va nga nzi pimi, Vaku: A mandla yahina ma tlakusilwe, A hi Jehova a nga maha lezi zilo zontlhe. Mitse. 14:15; Ezek. 20:14

Deuteronome 32:29

Loku va wa tlharihile ngha va zi pimile, Va alakanya kugumelwa ka vona.

1 Pedro 4:17

Hakuva hi xona xikhati xa kuva a kulamulwa ku sangula ndlwini ya Nungungulu; loku ku ranga ha hina, ku ta kuyini a kugumelwa ka vona lava va nga ingisiko a ivangeli ya Nungungulu ke? Jer. 25:29; Lu. 10:12; 23:31

1 Samueli 1:11

a hlambanya, aku: Jehova wa tiyimpi, loku u wa cuwuka a hlomulo wa nanza ga wena, u nzi alakanya, u nga rivali a nanza ga wena, u nyika a nanza ga wena a nwanana wa mufana, minawu nzi wa ta mu nyikela ka Jehova wontihe masiku ya kuhanya kakwe, ni likari cima li nga ta henya a hloko yakwe. Mitse. 6:5; Vala. 13:5