Mikosi 1:20 - Tshwa Bible

²⁰ Jehova, languta a hlomulo wa mina, a moya wa mina wa karateka, A mbilu ya mina yi hunzukile nzeni ka mina, hakuva nzi ti alisile; Le handle a supado yi nzi dayela a vana va mina, te kaya kufa ntsena. Deut. 32:25; Isa. 16:11

Mikosi 1:20 Mawu Ofanana

Joba 30:27

A marumbu ya mina ma vila, a ma kumi kuhumula; A masiku ya kuhlokiswa ma tile hehla ka mina.

Joba 33:27

A yimbelela mahlweni ka vanhu, aku: Nzi onhile, nzi tshovile nongameto, Kambe a nzi bhinzulangi nchumu.

Tisimu 22:14

Nzi halatilwe lahasi kota mati, A marambu, ya mina ma khuyukele; A mbilu ya mina yi fanana ni sera, Yi nyekile nzeni ka mina.

Tisimu 38:8

Nzi rerekile, nzi khubazilwe nguvu; Nzi keta hi kota ya kuxaniseka ka mbilu ya mina.

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Isaya 16:11

Lomu nzeni ka mina ka kowutana kota xitende hi kota ya Moabi, Ni mbilu ya mina hi kota ya Kir-harese.

Isaya 38:14

Nzi wa rila kota mbewulwani, ni kukotisa a nyawukolwe, Nzi tsikwila kota tuva, A mahlo ya mina ma wa karala hi ku cuwuka le hehla; Jehova, nzi le kubayisekeni, nzi hlangute!

Jeremia 14:18

Loku nziya masinwini ku kona lava va delweko hi supado, Ni loku nzi enghena mutini nzi wona lava va swodokako hi ndlala: Ina, hi wumbiri gabye a muprofeti ni mupristi va nzulanzula na va nga ku tivi laha va yako kona.

Jeremia 14:20

Hina ha tiva a kubiha ka hina, O Jehova, Ni zigoho za vararu va hina; Hakuva hina hi ku onhele.

Jeremia 2:35

Hambu zi hi tano, u ngalo: Kota lezi nzi nga hava nanzu, A zanga yakwe yi sukile ka mina. Languta, nzi ta ku kecara, Lezi u nge ngalo: A nzi onhangi!

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Jeremia 4:19

Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

Jeremia 48:36

Hikwalaho a mbilu ya mina ya vuma kota nanga hi kota ya Moabi, ni vanhu va le Kir-heresi. Hakuva lezi va nga zi hlengeletele zi lahlekile.

Mikosi 1:11

A vanhu vakwe vontlhe va keta, va lava zakuga; Va humesile titshomba tabye kasi va xava zakuga, kasi ku vuxa wutomi gabye. Jehova, hi nga nzi wona, nzi mahile munhu wo nyenyeza.

Mikosi 1:18

Jehova i lulamile, kanilezi nzi alile a zileletelo zakwe. Zwanani nwina nwentlhe matiko, mu wona a kuxaniseka ka mina! A vanhwana va mina ni majaha ya mina va yisilwe wukhumbini.

Mikosi 1:8

Jerusalema i onhile nguvu, hi kwalaho i mahile manyalataniso; Wa kanyiswa hi vontlhe lava va nga mu dzunza loku va wona wumbyiri gakwe. Ina, wa hefemuteka, a tlhelela nzhako.

Mikosi 1:9

A minzhungo ya tinguwo takwe yi wa hi ni chaka, a nga alakanyangi a magumo yakwe; A kuwa kakwe ka rewukisa, a nga na mutangalisi. Jehova, cuwuka a hlokiselelo wa mina, hakuva a nala wa ti kulisa.

Mikosi 2:11

A mahlo ya mina ma mbhela hi mihloti, a mbilu ya mina ya karateka, A nyongwa ya mina ya halakela lahasi hi kota ya mbanga ya nhanyana wa tiko ga mina; Hakuva a zihlangana ni tisana za titivala lomu maruweni ya muti.

Mikosi 5:16

A zidlodlo za tihloko ta hina zi wile, I khombo ka hina, hakuva hi onhile.

Ezekieli 7:15

Lehandle ku na ni supado, lomu mutini ku na ni ntungu ni ndlala. Loyi a nga le masinwini i ta dawa hi supado, loyi a nga lomu mutini i ta lova hi ndlala ni ntungu.

Danieli 9:5

hi onhile, hi hambunyetile, hi gohile, ni ku hluwuka, hi fularele a zilayelo za wena, ni zileletelo za wena.

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Habakuka 3:16

Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.

Deuteronome 32:25

Lahandle va ta dawa hi tlhari, Ni lomu tindlwini va ta dawa hi kutshisa; A jaha gi ta lova khwatsi hi nhanyana, Ni loyi a anwako khwatsi hi xikhosana.