Mikosi 1:2 - Tshwa Bible

² Wa rila ni wusiku, a mihloti yakwe yi xilila marameni yakwe; Xikari ka ziranzwa zakwe zontlhe a ku na munwe a nga mu tangalisako. A vanghana vakwe vontlhe va mu tsikile, va hunzukile va maha valala vakwe.

Mikosi 1:2 Mawu Ofanana

Joba 6:15

A vanakulori va tele hi kukhohlisa khwatsi i congwana, Va fanana ni mati ya zicongwana ma khulungako ma nyamalala;

Joba 7:3

Zinghaho nzi nyikilwe a tihweti ta zikarato, Nzi avelwe wusiku ga hlomulo.

Tisimu 126:5

Lava va byalako na va kari va rila mihloti, Va ta hula hi litsako.

Tisimu 31:11

Hi kota ya valala va mina vontlhe nzi mahile xiruko, Nguvunguvu ka vaakelwani va mina; Nzi mahile xidzukiso ka maxaka ya mina, Lava va nzi wonako lahandle va tsutsuma.

Tisimu 6:6

Nzi karele hi kuketa, Wusiku ni mumu nzi tsakamisa a sango ga mina hi kurila, Nzi tsakamisa a wuriri ga mina hi mihloti.

Tisimu 69:21

Va lo nziha a nyongwa akuva zakuga za mina, Ni ku tima tora ga mina va nzi nwisa vinagre. Mat. 27:34, 48; Lu. 23:36; Joh. 19:29

Mavingu 19:7

A xisiwana xi vengiwa hi vontlhe vanakulobye; vanghana vakwe va fambela kule kakwe: a va khongotela, kanilezi vo ti sukela.

Jeremia 13:17

Kanilezi loku mu nga zi ingisi, Nzi ta rila zihundleni hi kota ya matshanza ya nwina, A mahlo ya mina ma ta rila nguvu, ma humesa mihloti, Hakuva a tlhambi wa Jehova wu yisiwa wukhumbini.

Jeremia 2:25

Chela kota lezaku a nkonzo wa wena wu nga lahlekelwi hi xilato, Ni nkolo wa wena a kuva ni tora. Kanilezi wena u ngalo: Wa ti karatela mahala, Hakuva nzi ranza a vanungungulu va vamatiko, Nza ha ta va lanzela.

Jeremia 3:1

Ve ngalo: Loku a wanuna a hlongola sati wakwe, loye wasati a ti fambela, a ya tekiwa hi munwani wanuna, xana loyi wanuna a nga zi kota ku mu tlhelela kambe ke? A tiko lego gi nga ta swariswa hi ku maha lezo ke? Kanilezi wena loyi u gengileko hi wubhayi ni zigango zo tala, xana u ta tlhelela ka mina, ku wula Jehova. Deut. 24:4

Jeremia 30:14

A varanziwa va wena vontlhe va ku rivele, A va ku khataleli. Hakuva nzi ku porongetile kota nala, Hi tsayiso wu hlokisako; Hi kota ya wukulu ga kubiha ka wena, Ni wunyingi ga zionho za wena.

Jeremia 4:30

U ta maha yini lezi xana, wena loyi u hahlulweko? Hambu loku u ambala xiwunguwungu, U ti bombisa hi wuhati-hati ga nzalama, Ni loku u sasisa a mahlo ya wena hi antimonio, Wo ti bombisela mahala. A zigango za wena za ku nyenya, zi lava ku ku daya.

Jeremia 9:1

O mayiwako! loku a hloko ya mina yi wa hi mati, Ni mahlo ya mina a kuva xibuka xa mihloti, Kasi nzi zi kota mumu ni wusiku a ku rilela Lava va delweko va nhwana wa vanhu va mina!

Mikosi 1:19

Nzi vitanile a vanghana va mina, kanilezi va nzi kanganyisile; A vapristi va mina ni masingalakati ya mina va lovile le mutini, Na va kari va lava vakuga lezi zi nga hanyisako wutomi gabye.

Mikosi 1:21

Va zwile lezaku nzi hefumuteka, kanilezi a nga kona ni munwe a nzi chavelelako; A valala va mina vontlhe va zwile hi khombo ga mina, va tsakela lezi u zi mahileko; Va ta fanana na mina loku ku chikele a siku legi u nga kanela ha gona.

Mikosi 1:9

A minzhungo ya tinguwo takwe yi wa hi ni chaka, a nga alakanyangi a magumo yakwe; A kuwa kakwe ka rewukisa, a nga na mutangalisi. Jehova, cuwuka a hlokiselelo wa mina, hakuva a nala wa ti kulisa.

Mikosi 2:11

A mahlo ya mina ma mbhela hi mihloti, a mbilu ya mina ya karateka, A nyongwa ya mina ya halakela lahasi hi kota ya mbanga ya nhanyana wa tiko ga mina; Hakuva a zihlangana ni tisana za titivala lomu maruweni ya muti.

Ezekieli 16:37

hikwalaho, nzi ta tsombanyisa a zigangu zontlhe za wena, lezi u nga tsakisana nazo, ni lava u nga va ranza, zinwe ni lava u nga kala ku va ranza; nzi ta va tsombanyisa matlhelo wontihe, nzi va funungulela a wumbyiri ga wena, kasi va fela ku wona gontlhe wumbyiri ga wena.

Hosea 2:7

I ta lanzela a zigangu zakwe, kanilezi a nga va kumi. I ta va hlota, kanilezi a nga ta va kuma. Zonake i taku: Nzi ta tlhelela ka nuna wa mina wo ranga, hakuva zi wa hi chukwana ka mina ku hunza lezi.

Mika 7:5

Mu nga tsumbeni vanghana, mu nga veki kutsumba ka nwina ka maxaka. Valele loyi a etleleko xifuveni xa wena a tinyangwa ta nomu wa wena.

Kuvululelwa 17:13

Ti hi ni kupima kunwe, ti nyika a ntamu wa tona ni wuhosi ga tona ka xihari.

Kuvululelwa 17:16

Ni khume ga timhonzo leti u nga ti wona, ni xihari, zi ta venga xibhayi, zi mu maha xisiwana ni ximbyiri, zi taga nyama yakwe, zi mu hisa hi nzilo. Jer. 50:41, 42; Ezek. 16:37-44