Mikosi 1:18 - Tshwa Bible

¹⁸ Jehova i lulamile, kanilezi nzi alile a zileletelo zakwe. Zwanani nwina nwentlhe matiko, mu wona a kuxaniseka ka mina! A vanhwana va mina ni majaha ya mina va yisilwe wukhumbini.

Mikosi 1:18 Mawu Ofanana

1 Tihosi 13:21

I loba huwa ka munhu wa Nungungulu loyi a tileko hi tikweni ga ka Juda, aku: Kota lezi u nga kala ku ingisa a gezu ga Jehova, a ku hlayisangi a xileletelo lexi Jehova Nungungulu wa wena aku leleteleko;

Ezra 9:13

Kota lezi hi humelweko hi makhombo yo tala, hi kota ya zimaho za hina za kubiha, ni milanzu ya hina ya hombe, na hi wona lezaku wena Nungungulu wa hina a ku hi tsayisangi maringano ni kuonha ka hina, kanilezi u hi lonzowotela misalela ya kunghahi,

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Nehemia 9:33

Ahemba, ka zontlhe zi hi humeleko, wena u mahile nongameto, hakuva u mahile zinene, hina hi maha kubiha. Dan. 9:7, 14

Tisimu 107:11

Hakuva va wa alile timhaka ta Nungungulu, Va kanyisa a makungo ya loyi a Hunzeleleko Kutlakuka,

Tisimu 119:137

Jehova, u lulamile, Ni kulamula ka wena ku nene. Deut. 32:4

Tisimu 119:75

Jehova, nza zi tiva lezaku a kulamula ka wena ku lulamile, Lezaku u nzi hlokisile hi kutsumbeka.

Tisimu 145:17

Jehova i lulamile tindleleni takwe tontlhe, I na ni tipswalo mitirweni yakwe yontlhe.

Eksodusi 9:27

Zonake Faro i lo vitana Mosi na Aroni, aku ka vona: Makunu mina nzi onhile; Jehova i lulamile, mina ni vanhu va mina hi vaonhi.

Jeremia 12:1

A lulamileko hi wena, O Jehova, loku nzi kanetana na wena; Hambu zi hi tano nzi ta bhula na wena hi malamulela ya wena. Hikuyini a ndlela ya vakubiha yi vuvuma ke? Va kateka hikuyini vontlhe lava va nga tsumbekangiko? Joba 21:7; Tis. 73:3; Mat. 3:15

Jeremia 32:23

va lota va gi khozisa, kanilezi a va ingisangi gezu ga wena, hambu a ku famba hi nayo wa wena; ni zontlhe lezi u nga va layile a ku zi maha, a va zi mahangi; u kala u va humesela wontihe makhombo lawa.

Jeremia 4:17

Va mu renzelekele xikari kota a varinzeli va simu, Hakuva i nzi hluwukile, ku wula Jehova. Lu. 19:43

Jeremia 49:12

Hakuva Jehova i ngalo: Lava va nga yimelwe hi ku kala va nganwi a gombe, va tanwa futsi. Hi wena loyi u to kala u nga tsayisiwi ke? U nga ta tsikiwa, u tanwa futsi. Mik. 4:21; 1 Ped. 4:17

Mikosi 1:12

Xana a mu cheli kota ha zona, nwina vahunzi ke? A ha nga cuwukani, mu wona loku ku hi kona kuxaniseka kunwani ko ringana ni loku ku nzi weleko, Loku Jehova a nga nzi hlokisa ha kona hi siku ga khulo gakwe.

Mikosi 3:42

Hi gohile hi ti alisa; Wena a ku hi tsetselelangi.

Mikosi 5:16

A zidlodlo za tihloko ta hina zi wile, I khombo ka hina, hakuva hi onhile.

Danieli 9:5

hi onhile, hi hambunyetile, hi gohile, ni ku hluwuka, hi fularele a zilayelo za wena, ni zileletelo za wena.

Danieli 9:7

Hosi, a kululama ku le ka wena, kanilezi hina hi na ni tingana a nyamutlha lezi; hina vavanuna va ka Juda, ni vaaki va Jerusalema, ni vaIsraeli vontlhe, lava va nga kusuhi ni va nga le kule, xikari ka wontihe matiko lawa u va hangalasileko ka wona, hi kota ya zihambunyeto lezi va ku maheleko.

Amosi 8:13

Hi siku lego a vanhwana va timbhuri ni majaha va ta karala hi tora.

Zefania 3:5

Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

Zakaria 1:6

Kanilezi a timhaka ta mina ni zilayelo za mina, lezi nzi nga zi leletela ka vaprofeti a malanza ya mina, a zi kamanyetangi a vadadani va nwina ke? kasi va hunzuluka, vaku: Khwatsi hilezi Jehova wa tiyimpi a xuvileko ku maha zona ka hina, maringano ni tindlela ta hina ni zimaho za hina, i hi mahele lezo.

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Va le Roma 3:19

Makunu ha zi tiva lezaku zontlhe lezi a nayo wu zi wulako, wa wula zona ka lava va nga lahasi ka nayo; lezaku kasi ku valiwa milomu yontlhe, ni misava yontlhe yiva ni nanzu mahlweni ka Nungungulu. Ezek. 16:63; Xip. 2:2

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Valamuli 1:7

Adoni-bezeki aku: 70 wa tihosi, laha ti nga wa tsemilwe titiho ta tona ta hombe ta mandla ni ta mikonzo, ti wa rolela matlhatlha lahasi ka meza ya mina. Nungungulu i nzi tlhelisela zimaho za mina. Vona va lo mu yisa le Jerusalema, laho a nga ya fela kona. Ekso. 21:23

1 Samueli 15:23

Hakuva a kuhluwuka ku fanana ni wutumbe, ni xikanikani xi fanana ni ku khozela xifananiso ni terafime. Makunu kota lezi u alileko a gezu ga Jehova, yenawu i ku alile; u nga ha ta kuva hosi kambe.