Mikosi 1:16 - Tshwa Bible

¹⁶ Hi lezi zi nzi rilisako, mahlo ya mina ma halaka mihloti; Hakuva a muchaveleli loyi a nga te ngha a vuxa moya wa mina i le kule. A vana va mina va le kuxanisekeni hakuva a nala i hlulile.

Mikosi 1:16 Mawu Ofanana

Tisimu 106:42

A valala vabye va lo va tsimbeketa, Va tsongahatiwa canjeni gabye.

Tisimu 119:136

A mahlo ya mina ma khulunga a micongo ya mati, Hakuva a va hlayisi nayo wa wena.

Tisimu 69:20

A kurukiwa ku panzile mbilu ya mina, ya nzi tikela; Nzi cuwukela a kuxanisekelwa, kanilezi a ku kona; Ni vatangalisi, kanilezi a nzi va kumangi.

Mutshawuteli 4:1

Nzi lo engeta nzi wona a zixaniso zontlhe lezi zi mahiwako lahasi ka gambo. Nzi lo wona mihloti ya lava va xanisiwako, na va nga hi na mutangalisi; a vaxanisi vabye va wa hi ni tihanyi, kanilezi vona va wa nga hi na mutangalisi.

Isaya 54:11

O wena loyi u hlokiswako, u nzuliswako hi bhubhutsa, Na u nga hi na muchaveleli, Nzi ta ku akisa hi maribye ya lisima, Nzi aka a ziseketelo za wena hi masafire. Kuv. 21:19

Jeremia 13:17

Kanilezi loku mu nga zi ingisi, Nzi ta rila zihundleni hi kota ya matshanza ya nwina, A mahlo ya mina ma ta rila nguvu, ma humesa mihloti, Hakuva a tlhambi wa Jehova wu yisiwa wukhumbini.

Jeremia 14:17

U ta va byela, uku: A mahlo ya mina ma chilila mihloti a wusiku ni mumu, a yi yimi; Hakuva a nhwana wa vanhu va mina I panzekile hi mbanga ya hombe, ni khoro gi tshisako.

Jeremia 15:5

Himani a to ku zwela wusiwana, O Jerusalema? Himani a to ku xanisekela? Himani a to ku yela kasi ku wutisa wutomi ga wena ke?

Jeremia 8:18

Nzi ta ti chavelelisa kuyini a kubayisekeni ke? A mbilu ya mina ya xaniseka.

Jeremia 9:1

O mayiwako! loku a hloko ya mina yi wa hi mati, Ni mahlo ya mina a kuva xibuka xa mihloti, Kasi nzi zi kota mumu ni wusiku a ku rilela Lava va delweko va nhwana wa vanhu va mina!

Jeremia 9:10

Nzi ta halata mihloti nziba nkosi hi kota ya zitsunga, Nzi rilela a wuriselo ga xiwula, hakuva gi swile; A ka hi na munhu a hunzako kona, Hambu kuzwa a kubhoma ka tihomu; A tinyanyani ta tilo ni zihari zi tsutsumile, zi fambile.

Jeremia 9:21

Hakuva a kufa ku nomile ku enghena ka tinjhanela ta hina, Ku enghenile tindlwini ta hina ta wuhosi; Ka daya vanana maruweni ni majaha laha maphangweni.

Mikosi 1:2

Wa rila ni wusiku, a mihloti yakwe yi xilila marameni yakwe; Xikari ka ziranzwa zakwe zontlhe a ku na munwe a nga mu tangalisako. A vanghana vakwe vontlhe va mu tsikile, va hunzukile va maha valala vakwe.

Mikosi 1:9

A minzhungo ya tinguwo takwe yi wa hi ni chaka, a nga alakanyangi a magumo yakwe; A kuwa kakwe ka rewukisa, a nga na mutangalisi. Jehova, cuwuka a hlokiselelo wa mina, hakuva a nala wa ti kulisa.

Mikosi 2:11

A mahlo ya mina ma mbhela hi mihloti, a mbilu ya mina ya karateka, A nyongwa ya mina ya halakela lahasi hi kota ya mbanga ya nhanyana wa tiko ga mina; Hakuva a zihlangana ni tisana za titivala lomu maruweni ya muti.

Mikosi 2:18

A timbilu tabye ti rilile ka Hosi: Khurisi ga nhanyana wa Zioni, a wusiku ni mumu a mihloti ngha yi khulunga ku fana ni congo; U nga dzuki u humula, a tihlo ga wena gi nga tsiki ku rila.

Hosea 9:12

Hambu loku va wundla vanana, nzi ta va tekela vona, ku nga sali munhu. I khombo ka vona loku nzi va tsika.