Mikosi 1:15 - Tshwa Bible

¹⁵ A Hosi a yi khatalelangi a tinhenha ta mina tontlhe, I rambile a yimpi a ku ta hlasela a majaha ya mina. A Hosi yi kanzihelele a nhanyana wa ka Juda khwatsi hi loku yi vuva vinya.

Mikosi 1:15 Mawu Ofanana

2 Tihosi 9:33

Mu hoxeni lahasi! Va lo mu hoxa lahasi, a nkhata wakwe wu phandlukele laha khurisini ni lomu ka mahaxi, yena a mu kanzihela hi mikonzo ya wona.

Tisimu 119:118

U kanyisa vontlhe va hambunyetako milayo ya wena. Hakuva a kukhohlisa kabye a ku vuni nchumu.

Isaya 28:18

A xivumelwano xa nwina ni kufa xi ta vinyetelwa, Ni kuzwanana ka nwina ni Xeoli ku nga ta yima; Loku wuta a ntalo wa tsayiselelo nwina mu ta kanzihelwa.

Isaya 41:2

Himani a vuxileko munhu hi Mutsuwuka-gambo, Loyi a hlulako ni kwihi a yako kona? A wuya a mu nyika matiko ni ku khozisa tihosi? Himani a hunzulako tisupado ta tona tiva ntshuri, Ni mawura yabye ma maha mungu wu kukuletwako hi mheho?

Isaya 5:5

Nzi ta mu byela lezi nzi ta nga maha ka xivina xa mina: Nzi ta susa libhingo la xona li hiswa, Nzi ta khungumula a tigingisi la xona, ti kanzihelelwa.

Isaya 63:3

Nzi wa kanzihele lomu xigowolweni xa vinya na nzi hi nzoce, Ni munwe xikari ka matiko nzi wa nga hi naye. Ina, nzi va kanzihelele zangeni ya mina, Nzi va ganyetela hi kota ya khulo ga mina; Ni nkhata wabye wu phandlukele a tinguwo ta mina, Nzi nyenyezisa a nguwo ya mina yontlhe.

Jeremia 13:24

Hikwalaho nzi ta va hangalasa a ku fanana ni mungu Lowu wu hahiswako hi mheho ya xiwula.

Jeremia 14:17

U ta va byela, uku: A mahlo ya mina ma chilila mihloti a wusiku ni mumu, a yi yimi; Hakuva a nhwana wa vanhu va mina I panzekile hi mbanga ya hombe, ni khoro gi tshisako.

Jeremia 18:21

Hikwalaho nyiketa vanana vabye ndlaleni, U va hendleleta ku dawa hi supado; Kasi a vasati vabye va felwa hi vanana, ni ku maha tinoni. A vanuna vabye a va dayiwe hi ntungu. Ni majaha yabye a ma dayiwe hi supado kulweni.

Jeremia 37:10

Hakuva hambu loku mu wa lo hihirita a yimpi yontlhe ya maKaldea lawa ma mu vukelako, na ku sele ntsena vo bayisiwa, a munwe ni munwani wabye i wa ta huma hi lomu tendeni gakwe, a ta hisa lowu muti hi nzilo.

Jeremia 50:26

Tanani, mu mu vukela matlhelweni wontihe, mu phanga a zihlangala zakwe. Mu vingereteleni aku khwatsi tinhulu, mu mu lovisa aku bhi, mu nga siyi nchumu.

Jeremia 51:34

Nebukadrezzare a hosi ya le Babuloni i hi gile, i hi rizile; i hi mahile a zibya za maphanga, i hi mitile khwatsi i dragoni, i tatile khwiri gakwe hi malongo ya hina, i hi hlongole.

Jeremia 6:11

Hikwalaho nzi tele hi zanga ya Jehova, Nzi karele hi ku ti khoma. Yi chulule hehla ka vanana lomu maruweni, Ni hehla ka tihlengeletano ta majaha, A nuna ni sati va ta khonwa zinwe, A zikhosana ni loyi a teleko hi masiku.

Mikosi 2:21

A vanana ni zikhosana va wile lahasi lomu maruweni, A vanhwana va mina ni majaha ya mina va delwe hi supado. U va dele hi siku ga zanga ya wena; u va hihiritile u nga va tsetsi.

Mikosi 3:34

A ku tsimbeketa a tiperesu to ntlhe ta tiko,

Danieli 3:13

Nebukadnezzare i lo vunjukelana hi zanga, a vitanisa Xadrake, na Mexake, na Abed-nego. Laha a vavanuna lava va nga tiswa mahlweni ka hosi,

Joeli 3:13

Khomani sikela hakuva a mavele ma buvile. Tanani mu kanzihela, hakuva xigowolo xi tele, ni maphiso ma halakela, hakuva a kubiha kabye ka hombe.

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Malaki 4:3

Mu ta kanzihela a vakubiha, hakuva va ta fanana ni khuma lahasi ka mikonzo ya nwina, a sikwini legi nzi ta nga tira a ntiro wa mina, ku wula Jehova wa tiyimpi.

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Deuteronome 28:33

A vanhu lava u nga va tiviko va taga a mihanzu ya misava ya wena ni ya mitiro ya wena yontlhe; wena u ta tsimbeketwa ni ku khinyelelwa wontihe masiku; Vala. 6:3

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

Kuvululelwa 19:15

Ku huma nonwini wakwe a supado yo kariha, leyi a ta ngaba matiko ha yona. I ta ma fumela hi nhonga ya xiketse; i ta kamela xigowolweni xa vinya ga zanga yi tshisako ya Nungungulu Nyamintamu. Tis. 2:9; Isa. 11:4; 3:3; Xip. 1:16; 2:27

Valamuli 10:8

Gwalego lembe va lo xanisa a vanana va ka Israeli va va tsimbeketa, 18 wa malembe na va xanisa vontlhe va ka Israeli lava va nga le tlhatukweni wa Jordani, lomu tikweni ga vaAmori, legi gi nga le Gileade.