Mikosi 1:14 - Tshwa Bible

¹⁴ A muyoka wa zihambunyeto za mina wu bohilwe hi canja gakwe, Zi bohene khatiginwe nhanwini ya mina, a mbheta ntamu wa mina. A Hosi yi nzi nyikele mandleni ya lava nzi nga zi kotiko kulwa navo.

Mikosi 1:14 Mawu Ofanana

Mavingu 5:22

A wakubiha i ta phasiwa hi kugoha kakwe, ta bohiwa hi magota ya kuonha kakwe wutsumbu.

Isaya 14:25

Nzi ta tshova Assiria lomu tikweni ga mina, Nzi mu kanzihela hi mikonzo lomu zitsungeni za mina; Zonake va ta ruliwa muyoka wakwe, Ni nzhwalo wakwe wu susiwa makatleni yabye.

Isaya 47:6

Nzi wa zangarele a tiko ga mina, Nzi nyenyezisa a tshomba ya mina, Nzi va nyikela mandleni ya wena. A ku va mahelangi wuxinji; U lo binzisa nguvu a muyoka wa wena hehla ka zikhosana.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 27:12

A twaleto timhaka nzi ti wulile ka Zedekia, hosi ya ka Juda, nziku: Enghenisani a tinhamu ta nwina lomu ka muyoka wa hosi ya Babuloni; mu ta hanya loku mu yi tirela ni vanhu va yona.

Jeremia 27:8

A tiko kutani mufumo lowu wu to kala ku khoza ka Nebukadnezzare, hosi ya Babuloni, va ta nga ala ku veka tinhamu tabye hasi ka muyoka wa hosi ya Babuloni, nzi taba a tiko lego hi supado, ni ndlala, ni ntungu, ku wula Jehova, kala nziku gi bhi hi woko gakwe.

Jeremia 28:13

Famba u ya byela Hanania, uku: Jehova i ngalo: U tshoveletele a muyoko wa sinya, kanilezi a wutshanwini ga wona u tava ni muyoko wa xiketse.

Jeremia 28:14

Hakuva Jehova wa tiyimpi, a Nungungulu wa Israeli i ngalo: Nzi khonekile a muyoko wa xiketse hehla ka tinhamu ta wontihe matiko lawa, lezaku ma tirela Nebukadnezzare, hosi ya Babuloni; va ta mu tirela. Nzi mu nyikile ni zihari za khwati.

Jeremia 32:3

Hakuva Zedekia hosi ya ka Juda i wa mu valele kona, aku: U profetela yini uku: Jehova i ngalo: Nzi ta nyikela muti lowu canjeni ga hosi ya Babuloni, yi ta enghena ka wona;

Jeremia 32:5

i ta yisa Zedekia le Babuloni, a ya tshama kona kala mina nzimu enzela, ku wula Jehova. Loku muiwa ni maKaldea mu nga ta humelela?

Jeremia 37:17

hosi Zedekia i lo rumisa a ku ya mu humesa, zonake hosi yi lo mu vitana ndlwini ya yona xihundleni, yiku: Xana gi ngava kona a gezu hi ka Jehova ke? Jeremia a hlamula, aku: Gi kona. A engeta aku; Wena u ta nyikelwa a canjeni ga hosi ya Babuloni.

Ezekieli 11:9

Nzi ta mu humesa xikari ka muti, nzi mu nyikela mandleni ya vamatiko, nzi wuya nzi mu lamula.

Ezekieli 21:31

Nzi ta chulula a zanga ya mina hehla ka wena, nzi ta ku pupuxela hi nzilo wa khulo ga mina, nzi ku nyikela mandleni ya vanhu va tihanyi, lava va tlharihileko kuloviseni.

Ezekieli 23:28

Hakuva Hosi Jehova i ngalo: Nzi ta ku nyikela mandleni ya lava u va vengako, lava a moya wa wena wu hambeneko navo.

Ezekieli 25:4

hikwalaho nzi ta ku nyikela akuva u fumelwa hi vana va Mutsuwuka-gambo, va ta gwimba matenda yabye xikari ka wena, va aka ka wena; va taga mihanzu ya wena, vanwa a masi ya wena.

Ezekieli 25:7

hikwalaho nzi ta nawuluta a canja ga mina hehla ka wena, nzi ku nyikela akuva muphango ka matiko; nzi ta ku fuvisa xikari ka vanhu, nzi ku lovisa matikweni; nzi ta ku hetisa, hi kona u ta nga zi tiva lezaku hi mina Jehova.

Hosea 5:14

Hakuva ka Efraime nzi ta fanana ni nghala, nzi fanana ni xinghalana a ka yindlu ya ka Juda. Mina wutsumbu nzi ta hanzula nzi ti fambela; nzi ta rwala a pfimba, ku nga hi kona a to nzi wutlela wona.

Mika 2:3

Hikwalaho Jehova i ngalo: Langutani, nza alakanyela a khombo hehla ka lixaka leli, legi mu to kala mu nga zi koti ku humesa a tinhamu ta nwina ka gona, mu nga ha ta famba hi matshanza, hakuva a xikhati xi bihile.

Deuteronome 28:48

Na wena u ta khozela valala va wena lava Jehova a ta nga va rumela ku ta ku vukela, na u hi ni ndlala ni tora, ni wuna, ni ku vumala zilo zontlhe; na yena i ta khoneka muyoko wa xiketse lomu nhanwini ya wena, U kala u lobyiswa hi yena.