Mikosi 1:11 - Tshwa Bible

¹¹ A vanhu vakwe vontlhe va keta, va lava zakuga; Va humesile titshomba tabye kasi va xava zakuga, kasi ku vuxa wutomi gabye. Jehova, hi nga nzi wona, nzi mahile munhu wo nyenyeza.

Mikosi 1:11 Mawu Ofanana

2 Tihosi 6:25

A ndlala yi lo kula nguvu lomu mutini wa Samaria, kuva ni hlomulo wa hombe nguvu, laha ka kuva a hloko ya mbongola yi xabyiwa hi 80 wa maxekeli, a xipanze xa wumune xa wubheketse ga swanyi wa tuva xi xabyiwa hi ntlhanu wa maxekeli ya siliva.

Joba 40:4

Languta, a nzi wa nchumu, nzi ta ku hlamula yini? Nzi ta ti khoma a nomu wa mina.

Tisimu 79:4

Hi mahile a xiruko ka vaakelwane va hina, Hi maha a tseketselo ni xihlekiso ka lava va hi ranzelako.

Jeremia 15:19

Hikwalaho Jehova i ngalo; Loku u tlhelela ka mina Nzi ta ku wuyisa lezaku u maha nanza ga mina. Ni loku u neha leʼza lisima, u tsika leʼzo biha, Wena u tava kota nomu wa mina. Vona va ta tlhelela ka wena, Kanilezi u nga ta tlhelela kabye.

Jeremia 19:9

Nzi ta va maha vaga a nyama ya vana vabye va xinuna ni va xisati, munwe ni munwani i taga a nyama ya xaka gakwe a xikhatini xa kuvimbezelwa kabye ni kumanyiwa kabye, loku va ta nga ku wa tshidi hi valala lava va hlotako a wutomi gabye. Levi 26:29; Deut. 28:53; Lu. 19:43

Jeremia 38:9

Hosi, nwinyi wanga, a vavanuna lava va mahile za hava ka zontlhe lezi va nga zi mahela muprofeti Jeremia, loyi va mu hoxileko rinzini; i tafa hi ndlala laha a nga kona, hakuva a ku na kuga lomu mutini.

Jeremia 52:6

Hi hweti ya wumune a siku ga 9, ku wa hi ni ndlala ya hombe lomu mutini, laha kaku a vanhu va tiko va vumala zakuga.

Mikosi 1:8

Jerusalema i onhile nguvu, hi kwalaho i mahile manyalataniso; Wa kanyiswa hi vontlhe lava va nga mu dzunza loku va wona wumbyiri gakwe. Ina, wa hefemuteka, a tlhelela nzhako.

Mikosi 1:9

A minzhungo ya tinguwo takwe yi wa hi ni chaka, a nga alakanyangi a magumo yakwe; A kuwa kakwe ka rewukisa, a nga na mutangalisi. Jehova, cuwuka a hlokiselelo wa mina, hakuva a nala wa ti kulisa.

Mikosi 2:11

A mahlo ya mina ma mbhela hi mihloti, a mbilu ya mina ya karateka, A nyongwa ya mina ya halakela lahasi hi kota ya mbanga ya nhanyana wa tiko ga mina; Hakuva a zihlangana ni tisana za titivala lomu maruweni ya muti.

Mikosi 2:12

Ve ngalo ka vanyine vabye: Zi kwihi a zakuga ni vinya? Va maha lezo na va titivala lomu maruweni ya muti khwatsi hi lava va tlhabyilweko, Na va kari va nyiketa mihefemulo yabye zifuveni za vanyine vabye.

Mikosi 2:20

Jehova, languta loyi u mu maheleko a zakunghahi! A vavasati va taga a mbhanzu wabye, a vanana lava va va wukareleko mawokweni yabye ke? A vapristi ni vaprofeti va nga dawa lomu wutshanwini ga kubasa ga Hosi ke? Levi 26:29; Deut. 28:53

Mikosi 5:1

Jehova, alakanya lezi zi bi humeleko, Cuwukisisa a kurukatelwa ka hina.