Mikosi 1:10 - Tshwa Bible

¹⁰ A nala i wutlile a makatekwa yakwe wontlhe, I wonile vamatiko na va, enghena wutshanwini gakwe ga kubasa. Lava u va aleleko a ku enghena hlengeletanweni wa wena. Deut. 23:3; Neh. 13:1; Ezek. 44:9

Mikosi 1:10 Mawu Ofanana

2 Kronekele 36:18

Zontlhe a zibya za yindlu ya Nungungulu, a za hombe ni zitsongwani, ni wukosi ga yindlu ya Jehova, ni ga hosi, ni ga tinduna takwe, Nebukadnezare i lo yisa zontlhe le Babuloni.

Nehemia 13:1

A siku lego ku lo gonziwa a bhuku ga Mosi tindleveni ta vanhu; bhukwini lego ku lo kumeka na ku tsalilwe lezaku a vaAmoni ni vaMoabi ni kanwe va nga dzuki va enghena hlengeletanweni wa Nungungulu; Deut. 23:3

Isaya 63:18

A vanhu va wena va basileko va fumele tiko xikhatanyana ntsena; A valala va hina va kanzihele a yindlu ya wena yo basa.

Jeremia 15:13

Nzi ta nyikela a nhunzu ya wena ni titshomba ta wena zi phangiwa, na zi nga xabyiwangi, hi kota ya zionho zontlhe za wena tikweni ga wena gontlhe.

Jeremia 20:5

Tlhatakumbiri, nzi ta nyikela kontlhe a kufuma ka muti lowu ni mabhinzu ya kona, ni zontlhe zilo za tsengo, ni titshomba tontlhe ta tihosi ta ka Juda nzi ta zi nyikela canjeni ga valala vabye, lava va ta nga zi teka ziva muphango, va zi yisa Babuloni.

Jeremia 27:19

Hakuva Jehova wa tiyimpi i ngalo xungetano hi timhanze, ni bimbi, ni zikhatelo, ni zibya zinwani leʼzi seleko mutini lowu, 1 Tih. 7:15, 23, 27; 2 Tih. 25:13

Jeremia 27:21

ina, Jehova wa tiyimpi, a Nungungulu wa Israeli, i ngalo xungetano hi zibya leʼzi seleko ndlwini ya Jehova, ni lomu ndlwini ya hosi ya ka Juda ni le Jerusalema:

Jeremia 50:28

A gezu ga lava va ponako tikweni ga Babuloni ga zwakala le Zioni, gi tlhatlhambutela, a ku ti photela ka Jehova, a Nungungulu wa hina, loyi a photelako a tempeli yakwe.

Jeremia 51:51

Hazwa tingana hakuva hi zwile a nzhukano, a tinghohe ta hina ti fenengetilwe hi kukanganyiseka, hakuva a vamatiko va enghenile matshanwini ya kubasa ndlwini ya Jehova.

Jeremia 52:13

I lo hisa a yindlu ya Jehova, ni yindlu ya hosi, ni tontlhe a tiyindlu ta lomu Jerusalema, nguvunguvu a tiyindlu leʼta hombe i lo ti hisa hi nzilo.

Mikosi 1:7

Masikwini ya hlomulo ni kuxaniseka Jerusalema wa alakanya A makatekwa yakwe wontihe ya kale ka matiko; Laha a vanhu vakwe va weleko canjeni ga nala, na ku nga hi na muvuni, A valala va mu hleka, va mu tseketsela kuhahlukeni kakwe.

Ezekieli 44:7

hakuva mu enghenisile a vamatiko, va nga makhuna timbilwini ni nyameni, a kuva ndlwini ya mina ya kubasa, va yi nyenyezisa laha mu nyikelako a mafura ni nkhata zi nga kuga ka mina; mu tshovile a xivumelwano xa mina hi manyalataniso ya kunghahi. Mitse. 18:4; Jox. 9:27; Ezra 8:20

Ezekieli 7:22

Nzi ta va fularela, zonake va ta nyenyezisa a wutshamu ga mina gi basileko; a makhamba ma ta enghena ma gi nyenyezisa.

Ezekieli 9:7

Aku ka vona: Nyenyezisani a yindlu, tatani a tihubye hi zirumbi… Humani! Va lo huma va ya hlasela lomu mutini.

Marku 13:14

Kanilezi laha na mu wona a manyalataniso ya mbhangalakasa na ma yimile laha ku nga faneliko (ngha loyi a gonzako a pima), zonake lava va nga le Judia a va chavele zitsungeni; Dan. 9:27; Mat. 24:15; Lu. 21:21

Deuteronome 23:3

Va ka Amoni ni vaMoabi va nga ta enghena tlhanganweni wa Jehova; hambu ka xizukulwana xabye xa wukhume cima va nga ta enghena mutlhanganweni wa Jehova. Neh. 13:1

Deuteronome 23:4

Hakuva a va mu khingangi nwina ni zibaba ni mati laha na muta hi le Gipite, ni kambe vona va rihele Balaami a nʼwana wa Beori, wa kuta hi le Petora, wa le Mesopotamia, kasi a fela ku ta mu phunga.