Mikosi 1:1 - Tshwa Bible

¹ Hikuyini wu nga ni xiwunza a muti lowu wu nga tele hi vanhu! Loyi a nga hi wahombe xikari ka mifumo i mahile noni; Loyi a nga hi muzinza xikari ka matiko i mahile hlonga hikuyini?

Mikosi 1:1 Mawu Ofanana

1 Tihosi 4:21

Solomoni i lo fumela wontihe matiko kusukela Congweni wa Eufrate kala le tikweni ga vaFilistia ni le mbhinganweni wa le Gipite; va wa luva ka Solomoni ni ku mu tirela wontihe masiku ya kuhanya kakwe.

2 Tihosi 23:33

Faro-Neko i lo mu khotsela le Ribla, a tikweni ga Hamate, lezaku kasi a nga fumi le Jerusalema; zonake i lo leletela lomu tikweni ga ka Juda lezaku va neha a nzhuvo wa 100 wa titalenta ta siliva, ni talenta yinwe ya nzalama.

2 Tihosi 23:35

Jehoiakimu i lo nyika Faro a siliva ni nzalama; kanilezi yena i lo leletela a vanhu a ku humesa mali ya nzhuvo leyo, khwatsi hi kuleletela ka Faro. Yena i lo kurumeta lezaku a vanhu va tiko, a siliva ni nzalama, munwe ni munwani a humesa kota lipimo lakwe kasi ku ya nyika Faro-Neko.

2 Kronekele 9:26

I wa fumela tontlhe tihosi kusukela Congweni kala le tikweni ga vaFilistia, ni le mbhinganweni wa Gipite.

Ezra 4:20

Ni kambe Jerusalema i muti wu nga fumelwa hi tihosi ta tinhenha ti nga wa fumela matiko wontihe ya le tlhatuko wa congo, ti khupelwa, ni ku lubyiwa, ti humeselwa hlengo. 1 Tih. 4:21

Nehemia 5:4

A vanwani vaku: Hi pembile a mali ya nzuvo wa hosi, hi zima seve hi masimu ya hina ni zivina za hina.

Nehemia 9:37

gi nyika pfuno wa hombe ka tihosi leti u ti yimisileko a ku hi fumela, hi kota ya zionho za hina. Ni kambe va na ni ntamu hehla ka mimiri ya hina, ni tihomu ta hina, va maha kuranza kabye, va hi hlokisa.

Tisimu 122:4

Laho ti kanzihako tiya kona a tixaka ta Jehova, Khwatsi hi nayo wa Israeli, Kasi ku ya dumisa a vito ga Jehova. Ekso. 23:17

Isaya 14:12

U wisile kuyini hi le tilweni, wena mahlahle wa mixo, U wisisilwe kuyini lahasi, wena loyi u wisileko matiko.

Isaya 22:2

Wena muti lowu wu teleko hi tihuwa, A muti wa zolonga ni litsako; A vadelweko va wena a va dawangi hi tisupado, Hambu ku fela le yimpini.

Isaya 3:26

A tinyangwa ta Zioni ti tava hlomulweni ni kurileni; yena i tava loyi a phangilweko a tshama lahasi.

Isaya 49:21

Zonake u taku mbilwini ya wena: Himani a nzi pswaleleko vana lava? Mina loyi nzi nga kala nzi nga hi na vana, nzi hi ngonwa, Nzi wa hi khumbi, nzi hi nyapepe; himani a va wundlileko? Nzi wa sele nzoce, vona lava va wa hi kwihi?

Isaya 50:5

Hosi Jehova i nzi vululele a ndleve, A nzi alangi, a nzi tlhelelangi nzhako.

Isaya 52:2

Ti phuhunhe a tsutsungwani, vuka u tshama xitshanwini xa wena, o Jerusalema; Tlhatlha magota ma nga nhanwini ya wena, O khumbi, nhwana Zioni!

Isaya 52:7

Yi sasekisile kuyini le zitsungeni A mikonzo ya loyi a nehako a mahungu yo saseka, Loyi a wulawulako kurula; Loyi a nehako mahungu yo saseka yo tsakisa, A kanelako hi kuhanyisa; Loyi a nge ngalo ka Zioni: Nungungulu wa wena wa fuma! Nah. 1:15; Rom. 10:15

Isaya 54:4

U nga chavi, hakuva u nga ta wiswa tingana; U nga kanganyiseki, hakuva u nga ta su koyo tingana; U ta rivala a tingana ta wuswa ga wena, U nga ta ha alakanya a xiruko xa wunoni ga wena.

Jeremia 31:7

Hakuva Jehova i ngalo: Yimbelelani hi litsako ha Jakobe, Khanelani loyi a nga hosi ya matiko; Yimbelelani tisimu, muku: Jehova, hanyisa vanhu va wena, a misalelwa ya Israeli.

Jeremia 40:9

Zonake Gedalia a nʼwana Ahikamu wa Xafani i lo hlambanya ka vona ni ka vanhu vabye, aku: Mu nga chaveni a ku tirela a maKaldea! Tshamani lomu tikweni, mu tirela a hosi ya le Babuloni, mu ta tshameka khwatsi.

Jeremia 42:2

va loya ka muprofeti Jeremia, va yaku kakwe: Ha ku kombela lezaku u amukela a xikombelo xa hina, xa kuva u hi kombelela ka Jehova a Nungungulu wa wena, hina hontlhe hi seleko; hakuva hi vatsongwani hi seleko khwatsi hilezi u zi wonako hi mahlo ya wena;

Jeremia 44:2

Jehova wa tiyimpi a Nungungulu wa Israeli, i ngalo: Mu wonile a makhombo wontihe lawa nzi ma nehileko hehla ka Jerusalema ni miti yontlhe ya ka Juda. Hi nga wonani, inyamutlha yi mahile marumbi, a ka hi na munhu ka yona,

Jeremia 44:6

Hikwalaho a khulo ga mina ni zanga ya mina zi lo chululeka zi vura lomu mitini ya ka Juda ni lomu maruweni ya Jerusalema; inyamutlha lezi zi hahlulwe zi maha marumbi.

Jeremia 50:23

A hamela leyi yi ngaba tiko gontlhe yi tshovekisile kuyini! Babuloni i hahlulisilwe kuyini xikari ka matiko!

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Mikosi 1:19

Nzi vitanile a vanghana va mina, kanilezi va nzi kanganyisile; A vapristi va mina ni masingalakati ya mina va lovile le mutini, Na va kari va lava vakuga lezi zi nga hanyisako wutomi gabye.

Mikosi 2:1

Hosi yi khubhunyetisile kuyini a nhanyana wa Zioni hi refuga zanga ya yona! A wudzunzo ga Israeli yi gi reletile hi le hehla, a gi wisa misaveni, A sikwini ga zanga yakwe a nga hlayisangi a xikhegetelo xa mikonzo yakwe. 1 Kro. 28:2; Tis. 132:7

Mikosi 2:10

A masingalakati ya nhanyana wa Zioni ma tshamile lahasi, ma ti miyelela; Va ti cheletele khuma tihlokweni tabye, va ambele a tinguwo ta xirilo. A vanhwana va Jerusalema vazwa tingana, vo zi lahasi.

Mikosi 4:1

Yi hunzulukisile kuyini a nzalama yi nga hatimako? A nzalama leyi yi ringilweko yi hunzulukisile kuyini? A maribye ya wutshamu ga kubasa ma hangalasilwe mahanzakanyeni wontlhe ya maruwa.

Mikosi 5:16

A zidlodlo za tihloko ta hina zi wile, I khombo ka hina, hakuva hi onhile.

Ezekieli 26:16

Zonake a tihosana tontlhe ta bimbi ti ta chika hi le xitshanwini za tona za wuhosi. Ti veka tinguwo ta tona tlhelweni, Ti runzuwula a tinguwo ta tona ta mavalavala; Ti ta ambala kuchava, Ti tshama lahasi hi kururumela xikhati xontlhe, Ti rewukiswa hi wena.

Ezekieli 26:2

Nʼwana wa munhu, kota lezi Tire a nga hlekula Jerusalema, aku: Ha-ha, a nyangwa ya matiko yi khungumulwe, Yi vululekile ka mina; Makunu nzi ta vuvuma hakuva i hahlulwe.

Ezekieli 5:5

Hosi Jehova i ngalo: Hi loyi Jerusalema! nzi mu vekile xikari ka mifumo, a matiko ma mu ranzele.

Levi 26:31

Nzi ta hahlula a miti ya nwina, yi maha marumbi; nzi ta hangalasa matshamu ya nwina yo basa; cima nzi nga ta ha nuhetela a masema ya minyikelo ya nwina. Isa. 1:13

Levi 26:33

Na nwina nzi ta mu hangalasa lomu matikweni, nzi mu hlongorisa hi matlhari, a tiko ga nwina gi sala gi maha xiwula, ni miti ya nwina yi maha marumbi.

Zefania 2:15

Hi wona a muti wa litsako, lowu wu nga tshama hi ku nga khatali, na wuku mbilwini ya wona; Hi mina nzoce, a ku na munwani ahandle ka mina! Wu hunzulukisile kuyini wu maha marumbi, wu maha wutshamu go etlela kona zihari? Loyi ni loyi a hunzako mahlweni ka wona i ta wu bela noti, a ninginiza woko gakwe.

Kuvululelwa 18:7

Mu nyikeni kuxaniseka ni hlomulo, ku ringana ni lezi a nga ti dumisa ni ku ti tsakisa hi za nyama; hakuva mbilwini yakwe i ngalo: Nzi muzinza, a nzi noni; cima nzi nga ta wona hlomulo. Ekso. 28:2; Isa. 47:7, 8