Mika 7:9 - Tshwa Bible

⁹ Nzi ta rwala a zanga ya Jehova, hakuva nzi mu onhele, a kala a yimela a mhaka ya mina a nzi lamula. I ta nzi humesela kuwonekeleni, nzi wona a kululama kakwe.

Mika 7:9 Mawu Ofanana

2 Samueli 24:17

Laha Davida a nga wa wonile a ngelosi ya Jehova leyi yi lovisako vanhu lomu xikari ka tiko i lo wulawula ka Jehova, aku: Languta, mina hi mina nzi onhileko, hi mina nzi mahileko loku kubiha; kanilezi a tiyivu leti ti onhile yini ke? Ngha canja ga wena gi hi hehla ka mina ni hehla ka yindlu ya dadani wa mina!

Joba 23:10

Yena wa tiva a ndlela leyi nzi fambileko ha yona, Loku a nzi ringa, nzi ta huma nzi basile kukotisa nzalama.

Joba 35:14

Hambu loku u wula lezaku a ku mu woni, A mhaka yi le mahlweni kakwe, mu rinzele.

Tisimu 119:154

Yimela a mhaka ya mina, u nzi tlhatlhisa, Nzi hanyise kota kuwula ka wena.

Tisimu 37:6

I ta wonekelisa a kululama ka wena khwatsi hi kuwonekela, Ni fanelo ya wena kota laha munwini.

Tisimu 43:1

Nungungulu, tsema mhaka ya mina, u nzi yimela Ka lixaka leli li nga hiko na wunene; Nzi hlangute ka vakhohlisi ni lava va nga lulamangiko.

Tisimu 7:6

Vuka zangeni ya wena, Jehova; Suka u vukela a kuleva ka valala va mina, Suka u nzi yimela kulamuleni loku u ku yimisileko.

Tisimu 94:15

A kulamula ku ta tlhela ku mahiwa hi nongameto, Ni lava va kubasa timbilu va ta ku lanzela.

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 42:7

Lezaku u vulula a mahlo ya zikhumu, U tlhatlhisa tiperesu lomu paxweni. Ni ku humesa wukhumbini lava va tshamileko munyameni,

Isaya 46:13

Nzi tshinetile a kululama ka mina, Ni kuhanyisa ka mina ku nga ta hlwela; Nzi ta veka kuhanyisa ka mina le Zioni, Ni wudzunzo ga mina ka Israeli.

Isaya 51:22

Hosi Jehova, Nungungulu wa wena. Loyi a lwelako a tiko gakwe, e ngalo: Languta, nzi susile canjeni ga wena a gombe gi popisako, U nga ta hanwa a gombe ga zanga ya mina.

Isaya 56:1

Jehova i ngalo: Hlayisani nongameto mu maha kululama, Hakuva a kuhanyisa ka mina ku laha kusuhani ni kuta, Ni kululama ka mina ku ta wonekeliswa lokuloku. Rom. 13:11

Jeremia 10:19

Yowee! nzi tshovekile! A mbanga ya mina ya panza. Kanilezi nzi ngalo: Hakunene, hi gona khombo ga mina, Nzi fanele a ku gi rwala.

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Jeremia 51:10

Jehova i yimele a mhaka ya hina. Tanani hi ta bikela Zioni a ntiro wa Jehova a Nungungulu wa hina.

Mikosi 1:18

Jehova i lulamile, kanilezi nzi alile a zileletelo zakwe. Zwanani nwina nwentlhe matiko, mu wona a kuxaniseka ka mina! A vanhwana va mina ni majaha ya mina va yisilwe wukhumbini.

Levi 26:41

kota lezi minawu nzi hambene navo, nzi va yisa matikweni ya valala vabye; loku a timbilu tabye leti ti nga hiko minkwera ti ti solisa, ni loku va amukela zitsayiso za kuonha kabye,

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Timote 4:8

Makunu nzi vekelwe a xidlodlo xa kululama, lexi a Hosi a nga mulamuli a lulamileko, yi ta nga nzi nyika xona sikwini lego, na ku nga hi mina nzoce, kanilezi ni ka vontlhe lava va ranzileko a kuwoneka ka yena. Kuv. 2:10

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49

1 Samueli 24:15

Jehova i tava mulamuli; i ta lamula xikari ka mina na wena! A nzi cuwuke, a tsanza mhaka ya mina, ni ku nzi ponisa lomu canjeni ga wena!

1 Samueli 25:39

Laha Davida a nga zwile lezaku Nabali i file, i te ngalo: A ku bongiwe Jehova loyi a nga vikela a mhaka ya mina le ka nanza gakwe a ku maha kubiha. Jehova i tlhelisele a kubiha ka Nabali hlokweni ya yena nwinyi. Zonake Davida i lo ruma a vanhu ka Abigaili a ku ya mu wutela yena.

1 Samueli 26:10

Davida i te ngalo: Nzi hlambanya hi Jehova a hanyako, Jehova yece hi yena a ta nga mu lovisa, kutani ku chikelelwa hi masiku ya kufa kakwe, kutani kuya le yimpini aya dawa kona!

1 Samueli 3:18

Zonake Samueli i lo hlawutela zontlhe, a nga mu fihlelangi ni xilo xinwe. Zonake Eli i te ngalo: Hi Jehova; a mahe lezi zi sasekileko kuwoneni kakwe.