Mika 7:6 - Tshwa Bible

⁶ Hakuva a mufana wa kanyisa a raru wakwe, a nhanyana a vukela a nyine wakwe, ni katamwane i vukela a nwingi wakwe; a valala va munhu hi va yindlu ya ka kabye. Mat. 10:35; Lu. 12:53

Mika 7:6 Mawu Ofanana

Genesisi 49:4

Wa chachara kota mati! Cima u nga tava murangeli, Hakuva u lo kanziha hehla ka mubhedi wa raru wa wena, U gohile mubhedi wa mina. Ina, i yile sangweni ga mina. Gen. 35:22

2 Samueli 16:11

Davida aku ka Abixai ni ka wontihe malanza yakwe: Languta, a nʼwana wa mina wo huma xiwunwini xa mina, i hlota wutomi ga mina; nguvunguvu a muBenjamini loyi i ta gi lavisisa hi ntamu! Mu tsikeni a rukatela, hakuva hi zalezo a nga byelwa hi Jehova.

Tisimu 41:9

Ina, ni munghana wa mina, loyi nzi nga mu tsumba, Loye a ngaga zakuga za mina, i nzi tlakusele xirenze. Mat. 26:14; Lu. 22:4; Miti. 1:16

Mavingu 30:11

Li kona lixaka li rukako dadani wa lona, i nga dzunziko nyine wa lona.

Mavingu 30:17

A tihlo ga munhu loyi a tseketselako dadani wakwe, i nga vumeliko ku ingisa a nyine wa gona, xikunguwa xa nkova xi ta gi xokola, i mavinyani ya gama ma ta giga. Deut. 27:16

Isaya 3:5

A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Jeremia 12:6

Hakuva na vona vanakuloni ni yindlu ya raru wa wena va ku khohlisile; Va ku kulumela. U nga va kholwi hambu loku vo wulawula a magezu yo saseka.

Jeremia 20:10

Hakuva nzi zwile vanyingi na va nzi hleva, Matlhelweni wontihe ku kona kuchava. Vaku: Mu kecareni, hi ta mu kecara. A vanghana lava nzi toloveleneko navo Va langutela a kuwa ka mina, vaku: Kutani a nga kucetelwa, zonake hi ta mu hluthula, Kasi hi ti photela ka yena.

Jeremia 9:4

Ti woneleni nwentlhe hi kota ya vaakelwani, Mu nga tsumbi vanakuloni; Hakuva vamakabye vontlhe va ringa ku kanganyisa, Ni muakelwani munwe ni munwani mbo lumbetana. Mika 7:5; Mat. 10:35

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Obadia 1:7

Wontlhe matiko lawa u mahileko nawo xivumelwano, ma ku tlhelisele mbhinganweni wa wena; a vanghana va wena va ku khohlisile, va ku hlula. Lava va gako zakuga za wena va ta ku dembela ziyo laho u to kala u nga gi woni.

Mateu 10:21

A munhu i ta nyikela nakulobye kufeni, ni raru i ta nyikela nʼwana wakwe; a vanana va ta vukela vabeleki vabye, va va dayisa.

Mateu 26:23

I lo hlamula, aku: Loyi a nusako zinwe na mina lomu ngelweni, hi yena a ta nga nzi tokometa. Tis. 41:9; Lu. 22:21; Joh. 13:18

Luka 12:53

A raru i ta hambana ni nʼwana wakwe, ni nʼwana i ta hambana ni raru wakwe; a nyine i ta hambana ni nhanyana wakwe, ni nhanyana a hambana ni nyine wakwe; a mwingi i ta hambana ni katamwane wakwe, ni katamwane a hambana ni mwingi.

Luka 21:16

Mu ta nyikelwa hi vapswali va nwina, ni vanakuloni, ni va ka nwina, ni maxaka; va ta daya vanwani va nwina. Mika 7:6; Mar. 13:12; Miti. 7:59

Johani 13:18

A nzi wulawuli ha nwina nwentlhe; nza tiva lava nzi va hlawulileko; aku kasi wu fela ku tatiseka a mutsalo lowu wu nge ngalo: Loyi a gako zibaba za mina, i nzi tlakusele xirenze. Tis. 41:9; Mat. 26:23