Mika 7:2 - Tshwa Bible

² A vanhu va nene va nyamalele misaveni, ku hava loyi a lulamileko xikari ka vanhu. Vontlhe va xiyelela ku halata nkhata, a munwe ni munwani i hlota nakulobye hi tlhamu.

Mika 7:2 Mawu Ofanana

Tisimu 10:9

I rinzela xihundleni khwatsi i nghala nzawini wa yona, A tumbela a xiyelela ku khoma a xisiwana, A xi kokovisela hi ntlhamu wakwe. Tis. 17:12; 59:3; Mika 7:2

Tisimu 12:1

Hanyisa, Jehova, hakuva lava va lulamileko va mbhelile, A va kholekileko a va ha hi kona xikari ka vanana va vanhu. Isa. 57:1; Mika 7:2

Tisimu 12:2

Va hembelana mawunwa ni vaakelane vabye, Va xengetela hi milomu yabye, Va wulawula hi timbilu timbiri.

Tisimu 57:6

Va dembile mitlhamu lahasi ka mikonzo ya mina; A muhefemulo wa mina wu koramile; Va nzi kelele rinzi, Vona wutsumbu va tlhela va wela ka gona. (Sela.)

Mavingu 1:11

Loku vaku: A hi fambe zinwe, iya xiyelela lava va nga hiko na nanzu, asi ku halata nkhata wabye;

Mavingu 12:6

A timhaka ta va kubiha ti ongozela nkhata; anilezi a nomu wa valulamileko wu ta va tlhatlhisa.

Isaya 3:5

A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

Isaya 57:1

Loyi a lulamileko wafa, Kanilezi a ku na munhu zi mu henyako mbilu; A vakhongeli va susiwa, Kanilezi a nga kona a zi khatalelako. Loyi a lulamileko a susiwa mahlweni ka leʼzo biha

Isaya 59:7

A mikonzo yabye yi tsutsumela kubiheni, Yi hatlisela ku ya halata a nkhata wu nga hiko na nanzu; A maalakanyo yabye maalakanyo ya kubiha, A kuhahlula ni kulovisa zi lomu tindleleni tabye.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Jeremia 16:16

Nzi ta vitana a vakukuti vo hlaya, ku wula Jehova, va ta va kukuta; zonake nzi ta vitana a vahloti vo tala, va ta va hlota zitsungeni zontlhe, ni ka yontlhe miganga, ni ka yontlhe a mikovotlo ya maribye. Hab. 1:14

Jeremia 5:16

A kocelo wabye wu khwatsi i tshisa gi vululekileko, vontlhe tinhenha.

Jeremia 5:26

Hakuva lomu tikweni ga mina va kona vanhu va bihileko, va nyanimela kota vaxiyi va zinyanyani; va demba mitlhamu, va phasa vanhu.

Jeremia 8:6

Nzi riyile ndleve, nzi ingisa, Kanilezi a va wuli zinene; A nga kona a hunzulukako kubiheni kakwe, Aku: Xini nzi xi mahileko? Vontlhe va tsutsuma kota mahaxi ma hatliselako kulweni,

Mikosi 4:18

Va xiya kufamba ka hina, lezaku hi nga dzuki hi fambafamba maruweni ya hina. A kugumelwa ka hin, ku tshinele, a masiku ya hina ma mbhelile, hakuva a kugumelwa ka hina ku chikele.

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Ezekieli 24:6

Hikwalaho Hosi Jehova i ngalo: Yowe, a muti lowu wa nkhata, a mbita leyi yi tshutshumbeleko, leyi a kutshutshumbala ka yona ku nga sukiko! Zi tsawule a zitluwu za yona, mu nga zi mahi khwatsi tihlolo.

Hosea 5:1

Zwanani a mhaka leyi nwina vapristi, ingisani nwina va yindlu ya ka Israeli, mu kangatela ndleve nwina va yindlu ya hosi, hakuva a lamulelo lowu ngwa nwina; hakuva nwina mu ti mahile a ziyo le Mizpa ni likoka li anekilweko hehla ka Tabora. 1 Tih. 12:32

Hosea 6:9

Khwatsi mitlhawa ya vaphangi lawa ma xiyako vanhu, hilezo a xidlemo xa vapristi va daya vanhu lomu ndleleni yi yako Xekemi; ina, va maha wugevenga.

Mika 2:8

Kanilezi a masiku laya a tiko ga mina gi nzi mahile a nala wa gona. Mu runzuwulela a mikumba ya vanhu lava va hunzako hi kurula lava va nga ranziko ku holova.

Mika 3:10

Nwina mu akako Zioni hi nkhata ni Jerusalema hi kubiha. Jer. 22:13; Hab. 2:12

Mika 3:2

Nwina mu venga zinene, mu ranza kubiha; nwina mu yewula a hlonge yabye, mu hletela a nyama marambyini yabye.

Zakaria 11:6

Hakuva nzi nga ta ha va zwela wusiwana a vaaki va tiko, ku wula Jehova. Kanilezi nzi ta nyikela munwe ni munwani mandleni ya muakelane wakwe, ni mandleni ya hosi yakwe. Va ta onha tiko, kanilezi nzi nga ta va tlhatlhisa mandleni yabye.

Mitiro 24:9

A vaJuda va lo mu yimela, va tiyisa vaku hi zona lezo.

1 Samueli 24:11

Tlhatakumbiri, dada, hi nga wona a nguwo ya wena mandleni ya mina, nzi yi tsemileko laha ka nguwo ya wena; cima a nzi ku dayangi. Cuwukake u zi tiva lezaku ku hava wulala ni kubiha canjeni ga mina, ni lezaku mina a nzi ku gohelangi nchumu. Kanilezi wena wa hlota wutomi ga mina.

1 Samueli 26:20

Hikwalaho a nkhata wa mina wu nga dzuki wu wela lahasi kule ni nghohe ya Jehova, hakuva a hosi ya ka Israeli yi humile a ku ta hlota a cuwani, khwatsi hi loku munhu a hlongolisa tihwari lomu zitsungeni.