Mika 6:7 - Tshwa Bible

⁷ Jehova i ta xalaliswa hi makume mazana ya tihamba, kutani hi mazanazana ya micongo ya mafura ke? Nzi ta nyikela a matewula ya mina hi zihambunyeto za mina, ni mbhanzu wa miri wa mina hi kota ya kuonha ka muhefemulo wa mina ke?

Mika 6:7 Mawu Ofanana

2 Tihosi 16:3

I lo lanzela tindlela ta tihosi ta ka Israeli; i lo hisa a nʼwana wakwe laha nzilweni, a lanzela mahanyela ya vamatiko, lava Jehova a nga va hlongola mahlweni ka vanana va ka Israeli. Levi 18:21; Deut. 18:10

2 Tihosi 21:6

I lo hisa a nʼwana wakwe nzilweni, a namarela wutumbeni ni wuloyini, a yimisa vangoma ni vavumbi, a maha kubiha ko hunzeleta mahlweni ka Jehova, a mu zangarisa. Levi 18:21; 19:26; Jer. 32:35

2 Tihosi 23:10

A hosi yi lo nyenyezisa Tofeti legi gi nga le koveni wa vanana va ka Hinome, kasi a ngave kona munhu a ta nga hisa a nʼwana wakwe wa mufana kutani wa nhanyana laha nzilweni wa Moloke. Levi 18:21; Jer. 7:31

2 Tihosi 3:27

Zonake yi lo teka a nʼwana wa yona wa matiwula, loyi a nga ta ngha a fuma wutshanwini gakwe, a mu nyikela a maha muphahlelo wa kuhiswa le hehla ka khurisi. Ku lo vutsuka a zanga ya hombe yi vukela Israeli. Va lo tsika a hosi ya vaMoabi, va suka va tlhelela tikweni gabye.

Joba 29:6

A xikhatini lexo nzi nga wa hlaza mikonzo ya mina hi mawomba, Ni maribye ma nzi humesela mi congo ya mafura;

Tisimu 50:9

Nzi nga ta teka ni nkuzi yinwe ndlwini ya wena, Hambu ni timhongo marangeni ya wena.

Tisimu 51:16

Hakuva a ku xalaliswi hi miphahlo, nzi wa ta ku nyika yona; A ku ranzi a minyikelo ya kuhiswa.

Tisimu 51:18

Maha khwatsi ka Zioni hi wuxinji ga wena, Aketa a tigingisi ta Jerusalema.

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Mavingu 21:3

A ku maha kululama ni nongameto, a amukeleka ka Jehova ku hunza muphahlo. 1 Sam. 15:22; Isa. 1:11; Hos. 6:6

Isaya 1:1

A miwoniso ya Isaya, a nʼwana Amozi, leyi a nga yi wona xungetano na Juda ni Jerusalema a masikwini ya Uzzia, Jotamu, Ahazi, na Hezekia, a tihosi ta ka Juda.

Isaya 40:16

A khwati ga Lebanoni a gi ringani a nzilo wa ganzelo, Ni zifuyo za kona a zi na ku ringana a timhamba ta ku hiswa.

Jeremia 19:5

na va akele Baali a matshamu ma tlakukileko, kasi va hisa kona a vana vabye hi nzilo a kuva miphahlo yo hiswa ya Baali; lezi nzi nga va layangiko, hambu a ku va byela, ne ni ku zi alakanya.

Jeremia 6:20

Ma nzi vuna yini a makha ya le Xeba, ni mipepo ya tiko ga le kule ke? A minyikelo ya nwina ya kuhiswa a yi nzi xalalisi, ni miphahlo ya nwina a yi nzi tsakisi. Isa. 1:11; Am. 5:21; Mika 6:6

Jeremia 7:31

A matshamu ma tlakukileko ya Tofeti va ma akile lomu nkoveni wa nʼwana wa Hinome, kasi ku hisela kona a vafana ni vanhanyana vabye hi nzilo; lezo cima na nga layangiko, ne ni ku zi alakanya. Levi 18:21; 2 Tih. 23:10

Ezekieli 23:37

Hakuva va bhayile, a nkhata wu namarela mandleni yabye, va bhayile ni zifananiso zabye; ni vana vabye lava va nga nzi belekela, va va nyikele, a kuva kuga ka zona,

Hosea 5:6

Va ta hlota Jehova ni mitlhambi yabye ya tiyivu ni ya tihomu, kanilezi va nga ta mu kuma; i humele xikari kabye.

Hosea 6:6

Hakuva nzi ranza wuxinji, a nzi ranzi miphahlelo; ni ku tiva Nungungulu ka hunza a minyikelo ya kuhiswa. 1 Sam. 15:22; Mat. 9:13; 12:7

Levi 18:21

U nga nyikeli a vana va wena va mahiwa muphahlo ka Moloki. U nga nyenyezisi a vito ga Nungungulu wa wena. Hi mina Jehova.

Levi 20:1

Jehova i lo wulawula ka Mosi, aku:

Amosi 5:22

Ina, hambu loku mu nzi mahela a minyikelo ya nwina ya kuhiswa ni ya tinzhoho nzi nga ta yi amukela; ge hambu a minyikelo ya nwina ya kurula ya zihari zi nonileko.

Filemoni 1:12

Hi yena nzi mu tlhelisako ka wena; nzi mu rumela aku khwatsi i nkhata wa mina,

Valamuli 11:31

lexi xi ta nga huma hi laha nyangweni ya yindlu ya mina xi nzi khinga, a siku lego nzi ta nga tlhela hi kurula loku nzi hlulile a va ka Amoni, xwalexo nzi ta maha ha xona a munyikelo wa kuhiswa ka Jehova.

Valamuli 11:39

Laha tihweti timbiri ti nga wa mbhelile, i lo tlhelela ka raru wakwe. A raru a maha ka yena khwatsi hi lezi a nga wa hlambanyile; i wa nga tivangi wanuna.

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7