Mika 6:16 - Tshwa Bible

¹⁶ Hakuva u hlayisa a zilayelo za Omri, ni matirela wontlhe ya yindlu ya ka Ahabi, u famba hi tindlela tabye. Hikwalaho nzi ta ku hahlula, a vaaki va wena va hlekulwa; zonake u ta rwala a nzhukano ya vanhu va mina. 1 Tih. 16:25, 26, 30-33

Mika 6:16 Mawu Ofanana

1 Tihosi 18:4

hakuva xikhatini lexo Jezebeli a nga hlasela a vaprofeti va Jehova, Obadia i wa tekile a zana ga vaprofeti, a va avanyisa hi mitlawa mimbiri ya 50 a munwe, a va fihla lomu muhumeni, a va phamela ni ku va nwisa.

1 Tihosi 9:8

Ni yindlu leyi, hambu loku yi tlakukile kota lezi, ni wihi loyi a ta nga hunza hi laha kusuhani ka yona, i ta hlamala, aba noti, aku: Hi kuyini Jehova a maha za kunghahi ka tiko legi ni yindlu leyi ke?

2 Tihosi 16:3

I lo lanzela tindlela ta tihosi ta ka Israeli; i lo hisa a nʼwana wakwe laha nzilweni, a lanzela mahanyela ya vamatiko, lava Jehova a nga va hlongola mahlweni ka vanana va ka Israeli. Levi 18:21; Deut. 18:10

2 Tihosi 21:3

I lo aketa a matshamu ma tlakukileko lawa ma nga wa khungumulwe hi raru wakwe Hezekia, a aketa ni alati ga Baali, a maha xifananiso xa Axtarte, khwatsi hi lezi a nga wa mahile Ahabi a hosi ya ka Israeli; i lo khizamela wontihe mabandla ya tilo a ma khozela.

2 Kronekele 22:4

I lo maha kubiha mahlweni ka Jehova, a lanzela zimaho za yindlu ya ka Ahabi, hakuva hi vona va nga hi masungukati yakwe anzhako ka kufa ka raru wakwe, kala a lobyiswa.

2 Kronekele 34:25

Hakuva vona va nzi tsikile, va ya hisela vanwani vanungungulu a tibani, va nzi zangarisa hi mitiro yontlhe ya mandla yabye; hikwalaho a zanga ya mina ya vurela legi wutshamu; cima yi nga ta timeka.

Tisimu 1:1

I katekile a munhu loyi a nga fambiko xikungweni xa vakubiha, Loyi a nga yimiko ndleleni ya vaonhi, Hambu ni ku tshama hlengeletanweni wa vatseketseli; Tis. 26:4; Mav. 1:10; Jer. 15:17

Tisimu 44:13

Wena u lo hi maha a xiruko ka vaakelwane va hina; Hi tseketselwa ni ku hlekiwa hi lava va hi ranzelako.

Tisimu 44:14

U hi mahile a vingu xikari ka matiko, A vamatiko va hi zivizela tihloko.

Isaya 25:8

I ta fuvisa kufa kala ku pinzuka; Hosi Nungungulu i ta hlanguta mihloti tinghoheni tontlhe; I ta susa tingana ta vanhu vakwe misaveni yontlhe, Hakuva Jehova i wulile lezo. 1 Kor. 15:26, 54; 2 Tim. 1:10; Kuv. 7:17

Isaya 9:16

Hakuva a varangeli va tiko legi va gi hambukisa, Ni lava va rangelwako ha vona va lobyiswa.

Jeremia 19:8

Nzi ta maha muti lowu wuva xirewukiso ni xiruko; wihi ni wihi a to hunza ha kona i ta rewuka le go kala aba noti hi ku hlamala hi kota ya wontihe a makhombo lawo.

Jeremia 25:18

Hi Jerusalema ni miti ya ka Juda, ni tihosi ta kona ni tihosana tabye, lezaku ma maha marumbi, ni xirewukiso, ni xiruko, kota ma nga zona nyamutlha;

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 29:18

Nzi ta va hlongolisa hi supado, ni ndlala, ni ntungu; nzi ta va maha a xichaviso xikari ka mifumo yontlhe ya misava, ni kuva xiruko, ni xirewukiso ni xihlekiso, ni xixovo a ka wontihe matiko nzi to va hangalasela ka wona;

Jeremia 51:51

Hazwa tingana hakuva hi zwile a nzhukano, a tinghohe ta hina ti fenengetilwe hi kukanganyiseka, hakuva a vamatiko va enghenile matshanwini ya kubasa ndlwini ya Jehova.

Jeremia 7:24

Kanilezi a va ingisangi, hambu ku riya tindleve; kanilezi va lo famba lomu makungweni yabye ni lomu ka kunonoha ka timbilu tabye ta kubiha, va lo tlhelela nzhako, a va yangi mahlweni.

Mikosi 5:1

Jehova, alakanya lezi zi bi humeleko, Cuwukisisa a kurukatelwa ka hina.

Ezekieli 39:26

Va ta rivala a tingana tabye ni zihambunyeto zabye lezi va nzi maheleko, laha va ta nga aka hi kurula tikweni gabye, a ku na munhu a ta nga va dzuxa.

Danieli 9:16

Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Hosea 12:14

Efraime i zangarisile nguvu Jehova; hikwalaho a milanzu yakwe ya nkhata yi tava hehla kakwe, a Hosi yakwe yi ta mu tlhelisela a tinzhukano takwe.

Hosea 5:11

Efraime i tsimbeketilwe, i tshovekile kulamuleni; hakuva i wa lanzela a zileletelo lezi zi mu tsakisako.

Mika 2:6

Va profeta vaku: Mu nga profeteni! Ngha va nga byabyatsi hi lezi zilo; a tinzhukano tabye a ti mbheli!

Mika 6:13

Hi kota ya lezi nzi ta kuba a mbanga yi hlokisako, nzi ku hahlula hi kota ya zionho za wena.

Kuvululelwa 2:20

Kanilezi nzi na ni xisolo lexi ha wena, lezaku u vumela Jezebeli, a wasati loyi a ti wulako ku muprofeti, a gonzisa ni ku xengetela a malanza ya mina a kuva ma bhaya, ni kuga nyama yi phahlelweko zifananisweni. Ekso. 34:15; 1 Tih. 16:31; Miti. 15:20