Mika 5:2 - Tshwa Bible

² Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Mika 5:2 Mawu Ofanana

Genesisi 35:16

Va lo suka Beteli. Na ka ha hi pfhukana ku chikela Efrata; Rakeli i lo lunwa, kanilezi ku hefemula ku wa tsanza.

Genesisi 35:19

Zinghaho Rakeli i lofa a lahliwa laha ndleleni ya kuya Efrata, ku nga Betlehema.

Genesisi 48:7

Laha nzi nga sukile le Padani, nzi lo felwa hi Rakeli le tikweni ga Kanani, laha ndleleni, na ku hi pfhuka ku chikela Efrata; nzi lo mu lahla laha ndleleni ya kuya Efrata, ku nga Betlehema.

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

1 Kronekele 2:54

A vana va Salma: Betlehema, ni va ka Netofate, na Atrote-Bet-Joabe, na Hazi-Manahate, ni va ka Zora.

1 Kronekele 4:4

Penueli i wa hi raru wa Gedera, Ezeri i wa hi raru wa Huxa. Lava hi vana va Hura; a matewula wa Efrata, a raru wa Betlehema.

1 Kronekele 5:2

Hakuva Juda i wa hi wa hombe xikari ka vanakulobye; a hosi yi humile hi ka yena, kanilezi a wutewula gi wa hi ga Josefa.)

Tisimu 132:6

Languta, hi zi zwile le Efrata, Hi yi kumile sinwini ga Jaar.

Tisimu 90:2

Hi mahlweni a zitsunga na zi nga se ku huma, Na u nga se ku vanga misava ni tiko, Kusukela kupinzukeni kala kupinzuka wena u hi Nungungulu.

Eksodusi 18:21

Kanilezi hlawula xikari ka vanhu vontlhe a vavanuna lava va va nene, lava va chavako Nungungulu, a vavanuna lava va lulamileko, lava va vengako bhinzu legi gi nga lulamangiko; u va yimisa a kuva tinduna ta mazanazana, ni ta zana, ni ta ntlhanu wa makume, ni ta makume; Mitse. 11:16; Deut. 1:13

Eksodusi 18:25

Makunu Mosi i lo hlawula xikari ka vanhu va ka Israeli vontlhe vavanuna lava va lulamileko, a va yimisa kuva tinduna ta vanhu. Ti lo maha tinduna ta mazanazana, ni ta mazana, ni ta ntlhanu wa makume, ni ta makume,

Isaya 11:1

Lomu ka xibho xa Jese ku ta huma a hluke, Ni ximilwa xi ta huma hi le mitswini yakwe, xi pswala mihanzu.

Isaya 53:2

Hakuva i lo kula mahlweni kakwe ku fanana ni hluke, Aku khwatsi i mutsu lowu wu kulako misaveni yi womileko. I wa nga hi ha dzumba, ge hambu kusaseka ku kokako mahlo; Ni, laha hi nga mu wona i wa nga hi na wumbhuri go hi tsakisa.

Isaya 55:4

Langutani, nzi mu yimisile a kuva mboni ka vamatiko, A hosana ni murangeli wa matiko.

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Jeremia 30:21

A hosana yabye yi ta huma ka vona venyi, Ni mufumeli wabye i ta huma xikari kabye wutsumbu, Nzi ta mu tshineta, i tata ka mina; Hakuva himani a nga tiyako a tshinela ka mina ke? Ku wula Jehova.

Hosea 6:3

A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Amosi 9:11

Hi siku lego nzi ta vuxa a tenda ga Davida legi gi wileko, nzi lema a tifa ta gona; nzi ta vuxa marumbi yakwe, nzi ta gi aketa khwatsi hi lezi gi nga hi zona kale;

Mika 4:10

Wena nhanyana wa Zioni, lunwa u bayiseka, kukotisa a wasati loyi a nga xikhatini xa kubeleka; hakuva makunu u ta huma mutini u ya tshama khwatini, u chikela ni le Babuloni. Hi laho u ta nga tlhatlhiswa kona, laho Jehova i ta ku tirula canjeni ga valala va wena.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mateu 2:1

Laha Jesu na belekilwe Betlehema wa le Judia, a masikwini ya hosi Herodi, a vanhu vo tlhariha va le Mutsuwuka-gambo va lota le Jerusalema, vaku: Lu. 2:4, 6, 7

Mateu 2:6

Na wena Betlehema, tiko ga Juda, A ku tsongwanyani xikari ka ti hosana ta ka Juda; Hakuva hi ka wena ku ta huma mufumeli, Loyi a ta nga maha murisi wa vanhu va mina va Israeli. Mika 5:2; Joh. 7:42; Kuv. 2:27

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Luka 23:2

va sangula ku mu kecara, vaku: Hi kumile loyi munhu na a kari a kucetela a tiko ga hina, a tsimbeta vanhu ku khupa khupo ka Kesari, na a ti wula lezaku yena i Kristu a hosi. Joh. 19:12; Miti. 17:7

Luka 23:38

Kambe ku wa hi ni mutsalo hehla kakwe, wu nge ngalo: Loyi hi hosi ya vaJuda. Mat. 27:37; Mar. 15:26; Joh. 19:19

Johani 7:42

Kasi mitsalo a yi wuli lezaku Kristu i ta huma lixakeni la Davida ke, hi le Betlehema, a mutini lowu Davida a nga hi ka wona ke? 1 Sam. 16:1; Tis. 132:11; Jer. 23:5; Mika 5:2; Mat. 2:5; Lu. 2:4

Deuteronome 1:15

Hikwalaho mina nzi tekile a madota lomu ka tinyangwa ta nwina, a vavanuna va kupima, va tibyiwako, nzi va yimisa hehla ka nwina a kuva tinduna ta 1,000, ni tinduna ta 100, ni tinduna ta 50, ni tinduna ta 10, kasi va maha vahlayisi lomu ka tinyangwa ta nwina.

Va le Kolosi 1:17

Hi yena a nga rangela zilo zontlhe, zontlhe zi te tsoma ha yena.

Maheberu 13:8

Jesu Kristu hi yaloyi wa tolo ni nyamutlha ni ku kala kupinzuka. Joh. 8:58; Kuv. 1:4

Maheberu 7:14

Hakuva zi la su dlunya lezaku a Hosi ya hina yi humile lixakeni la ka Juda; a lixaka lolu Mosi a nga wulangiko nchumu ha lona hi tlhelo ga wupristi. Isa. 11:1; Mat. 1:3; Kuv. 5:5

1 Johani 1:1

Lexi xi nga wa hi kona hi le kusanguleni, lexi hi xi zwileko, lexi hi xi wonileko hi mahlo ya hina, ni ku xi khumba hi mandla ya hina, xungetano ni Gezu ga wutomi. Lu. 24:39; Joh. 1:1, 14; 20:27

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4

Kuvululelwa 2:8

Tsalela a ngelosi ya bandla ga le Smirna, uku: Loyi wa kusangula ni wa kugumesa, loyi a nga file a tlhela a hanya, i ngalo:

Kuvululelwa 21:6

I lo engeta aku ka mina: Zi mahekile. Hi mina Alfa na Omega, a kusangula ni kugumesa. Loyi a zwako tora nzi ta mu nyika mahala a kuva anwa hlobyeni ya mati ya wutomi. Isa. 55:1; Xip. 1:8; 16:17; 22:17

Valamuli 17:7

Ku wa hi kona a jaha ga le Betlehema-Juda wa lixaka la ka Juda, a nga wa hi muLevi, na hi muluveli laho.

Rute 1:1

Xikhatini xa kufuma ka valamuli, ku wa hi ni ndlala lomu tikweni ga ka Israeli. A munhu wo kari wa le Betlehema-Juda i loya ni sati wakwe ni vafana vakwe va vambiri le Moabi aya luvela.

Rute 4:11

A vanhu vontlhe lava va nga wa hi laho hubyeni ni masingalakati, va te ngalo: Hina hi timboni! Jehova a mahe loyi wasati a enghenako ndlwini ya wena a fanana na Rakeli na Lea, lava hi wumbiri gabye va nga aka a yindlu ya ka Israeli. Hikwalaho tiyahlana lomu Efrata, ni vito ga wena a gi dume lomu Betlehema!

1 Samueli 10:19

Kanilezi inyamutlha mu alile Nungungulu wa nwina, loyi a nga mu ponisa timhangweni ta nwina tontlhe, ni le kuxanisekeni ka nwina, muku kakwe: Hi yimisele hosi leyi yi ta nga hi fumela! Makunu humelelani mahlweni ka Jehova hi tixaka ta nwina ni matala ya nwina.

1 Samueli 17:12

Makunu Davida i wa hi mufana wa muEfrate wa le Betlehema wa ka Juda, loyi a vito gakwe a nga hi Jese, a munhu loyi a nga hi ni ntlhanu wa vafana ni vanharu, kanilezi xikhatini xa Saule yena i wa khosahele nguvu.

1 Samueli 17:18

U ta ya nyikela ni zikhekhetselo lezi za khume za masi ka nduna yabye ya hombe; u ta ya tiva ni kuhanya ka vanakuloni, u fela ku wuya u ta nzi byela zinene.

1 Samueli 23:23

Mu ta ya wona ni ku tiva kontlhe lomu a tumbelako kona; zoriake mu ta wuya ka mina mu ta nzi byela lisine, kasi nza famba na nwina. Loku a hi kona lomu tikweni lego, nzi ta mu hlota lomu xikari ka mazanazana ya ka Juda.

1 Samueli 8:12

A vavanuna va ta yimiswa a kuva tinduna ta hombe, ni titsongwani, a vanwani va ta mu rimela masimu yakwe, ni ku hula mavele yakwe, ni ku fula matlhari ya yimpi, ni mitiro ya tikareta takwe.