Mika 4:9 - Tshwa Bible

⁹ Hikuyini u kanyulukako makunu ke? A wa ha hi na hosi ke? A sungukati ga wena gi lovile ke, lezi u khomilweko hi kubayiseka khwatsi wasati alunwako?

Mika 4:9 Mawu Ofanana

Isaya 13:8

Va chava, va khomiwa hi hlenekera ni kuxaniseka, Va tava kubayisekeni kukotisa a wasati loku a lunwa. Va cuwukana hi ku hlamala, a tinghohe tabye tiku khwatsi i nzilo.

Isaya 21:3

Hikwalaho a xiwunu xa mina xa bayisa; A kubayiseka ku nzi khomile khwatsi hi kubayiseka ka wasati a lunwako. Nza xaniseka laha kaku a nzi zi koti ku ingisa, Ni ku dzukiswa laha kaku a nzi zi koti ku wona.

Isaya 26:17

Khwatsi hi wasati loyi a nga ni rumbu, Loku a chikelelwe hi masiku ya kuhefemula kakwe, Izwa kubayisa, aba huwa kubayisekeni kakwe, Hinawu hi wa hi lezo, O Jehova.

Jeremia 22:23

Wena loyi u akileko Lebanoni, U nga ni xisaka xa wena maravini ya tisedare, Kuxaniseka ka kuyini u tova nako Loku u humelwa hi makhombo, A kubayisa kota a wasati a lunwako;

Jeremia 30:10

Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Jeremia 4:21

Nzi ta wona a nghapa kala rini, Ni kuzwa a gezu ga mpunzu ke?

Jeremia 4:31

Hakuva nzazwa a gezu go fanana ni ga wasati a lunwako, Na gi tsikwila kota wasati loyi a ha sangulako ku tewula. I gezu ga nhwana wa Zioni a hefemutekako ni ku nawuluta mandla yakwe, Aku: Yowe, Nzi file, a vadayi vata!

Jeremia 48:41

Keriote i hlulilwe, a makhokhola ma enghenilwe, ni timbilu ta tinhenha ta Moabi hi siku lego ti ta fanana ni mbilu ya wasati loyi a lunwako.

Jeremia 50:43

A hosi ya le Babuloni yi zwile hi wudumo gabye, hikwalaho a mawoko yakwe ma mbhela ntamu. Yi telwe hi hlenekera ni kubayisa ko kota wasati a lunwako.

Jeremia 8:19

Hi ngazwa a gezu ga xirilo ga nʼwana wa xisati wa vanhu va mina, Legi gi humako tikweni ga le kule, giku: Kasi Jehova a nga kona le Zioni ke? Xana a Hosi yakwe a yi kona kakwe ke? Hikuyini va vindlukisileko a zanga ya mina hi zifananiso zabye, Ni vanungungulu va vamatiko ke? Mika 4:9

Mikosi 4:20

Loyi a totilweko hi Jehova, loyi a nga hi kuhefemula ka hina, i phasilwe marinzini yabye; Loyi hi nga wula ha yena hiku: Hi ta hanyela nzhutini wakwe xikari ka matiko. 2 Tih. 25:5

Hosea 10:3

Hizinene vona ta taku: A hi na hosi, lezi hi nga chaviko Jehova; kanilezi a hosi yi nga hi vuna yini?

Hosea 13:13

A kubayiseka ka wasati a lunwako ku ta wela hehla kakwe. Yena i nʼwana loyi a nga xipumbu, hakuva a nga humi kubelekiweni hi xikhati xa kona. 2 Tih. 19:3; Isa. 37:3

Hosea 3:4

Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

Mika 5:3

Hikwalaho i ta va nyikela valala kala xikhatini lexo loyi a lunwako a ta nga hefemula ha xona; zonake a Vanakulobye lava va seleko va ta tlhelela ka vana va ka Israeli.

Johani 16:21

A wasati loku a ha lunwa wa xaniseka, hakuva xi chikele a xikhati xakwe; kanilezi loku a belekile a xinwanana, a nga ha ku alakanyi a kubayisa, hakuva wa tsaka hilezi ku belekilwe munhu misaveni. Isa. 26:17

Kuvululelwa 12:2

Yena i wa sikile, i loba huwa, a xaniseka hi kulunwa, ni kubayiseka ka kubeleka. Isa. 66:7