Mika 4:8 - Tshwa Bible

⁸ Wena khokhola ga tlhambi, xitsunga xa nhanyana wa. Zioni, ku tata ka wena a wukosi go ranga, wu nga mufumo wa nhanyana wa Jerusalema.

Mika 4:8 Mawu Ofanana

Genesisi 35:21

Israeli i lo suka, a gwimba tenda gakwe mahlweni ka Migdal-Edere.

2 Samueli 5:7

Kanilezi Davida i lo hlula, a teka a khokhola ga Zioni, wu nga wona muti wa Davida.

Nehemia 3:25

Palala nʼwana Uzai i lo aka kusukela gwitsini ga ligingisi kala le khokholeni legi gi wonekako le hehla ka yindlu ya hosi, gi nga kusuhani ka hubye ya varinzeli. Anzhako kakwe ku lo gamela Pedaia nʼwana Paroxi.

Tisimu 24:7

Tinyangwa, tlakusani tihloko ta nwina; Ti tlakuseni nwina tivati ta pinzukelwa, Kasi ku enghena a Hosi ya kungangamela.

Tisimu 48:3

Lomu tindlwini ta wona ta wuhosi Nungungulu i tibyiwa kota wuchavelo.

Tisimu 61:3

Hakuva u wuchavelo ga mina, U khokhola gi tiyileko mahlweni ka nala. Mav. 18:10; Nah. 1:7

Xizimba xa ka Solomoni 4:4

A nhamu ya wena yi fanana ni khokhola ga Davida Legi gi akelweko matlhari, Laha ku hayekilweko kona 1,000 wa zitlhangu, Zontlhe na zi hi zitlhangu za tinhenha.

Isaya 1:26

Nzi ta ku tlhelisela a Valamuli vo fanana ni laʼvo ranga, ni manghanakana lawa ma fananako ni ya ku sangula. Zonake u ta vitanwa lezaku u muti wa kululama, a muti wu tsumbekileko.

Isaya 10:32

Hi siku gwalegi i ta chikela le Nobe, A kombisa xibhakela ka Nhwana wa Zioni, ni ka xitsunga xa Jerusalema.

Isaya 5:2

I lo xi rima, a susa maribye, A byala ka xona a mavina ma hlawulekako; A aka a tshala xikari ka xona, A xi vatlela a xigayo xa vinya. I lo tsumba lezaku xi ta pswala a mauva yo nanziha, Kanilezi xi lo pswala mauva yo bava.

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Danieli 7:18

Kanilezi a vobasa va Loyi a Hunzeleleko Kutlakuka va ta nyikwa mufumo va fuma kala kupinzuka ni kupinzuka.

Obadia 1:21

A vahanyisi va ta kanziha a xitsunga xa Zioni, kasi ku ta lamula xitsunga xa Esau; zonake a mufumo wu tava wa Jehova. Mik. 4:7; Lu. 1:33, 71

Mika 2:12

Nzi ta tsombanyisa a vanhu vontlhe va wena Jakobe, nzi hlengeletela a misalela ya ka Israeli, nzi ta va tlhanganyisa wutshamu ginwe khwatsi tiyivu lomu rangeni, kukotisa tlhambi laha wuriselweni ga wona, va ta maha guwa ga hombe hi kota ya wunyingi ga vona.

Zakaria 9:10

Nzi ta fuvisa a tikareta lomu Efraime, ni mahaxi le Jerusalema, ni mawura ya yimpi ma ta fuviswa. I ta wulawula kurula a ka mifumo; a kufuma kakwe ku ta sukela bimbini ginwe kala ka ginwani, ni kusukela Congweni kala magemetamusi ya misava.

Zakaria 9:12

Tlhelelani khokholeni, nwina tiperesu ti ftga ni kutsumba. Inyamutlha nza tiyisa lezaku nzi ta mu tlhelisela ha kumbiri.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mitsengo 24:19

Hi ka Jakobe ku ta huma mufumeli, I ta lovisa lava va salako lomu mitini.

Mateu 21:33

Ingisani munwani mufananiso: Ku wa hi kona a nwinyi wa yindlu, a nga byala a xivina, a xi bhiyela lihlavu, a kehla xigowolo xo kamela mihanzu ya kona, ni ku aka tshala; i lo xi nyikela mandleni ya varimi, a enzela ginwani tiko. Mar. 12:1; Lu. 20:9

Marku 12:1

Zonake i lo sangula ku kanela kabye hi mifananiso, aku: A munhu i lo byala xivina, a xi bhiyela lihlavu, a kehla a xigowolo xo hlutela vinya, ni ku aka tshala; zonake i lo xi nyikela ka varimi, aya matikweni. Mat. 21:33; Lu. 20:9

Va le Efesusi 1:21

a hehla ka mifumo, ni mintamu, ni wukulu, ni wuhosi, ni mavito wontihe ma vitanwako, na ku nga hi ka xikhati lexi ntsena, kanilezi ni ka xikhati xi tako. Fil. 2:9

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17