Mika 4:5 - Tshwa Bible

⁵ Hakuva a matiko wontlhe, a ginwe ni ginwani gi famba vitweni ga nungungulu wa gona, kanilezi hina hi ta famba vitweni ga Jehova a Nungungulu wa hina kala kupinzuka ni kupinzuka.

Mika 4:5 Mawu Ofanana

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

2 Tihosi 17:29

Hambu zi hi tano a tiko ginwe ni ginwani gi lo ti mahela a nungungulu wa gona lomu mitini ya gona, va veka lomu tindlwini ta matshamu ma tlakukileko, ti akilweko hi vaSamaria.

2 Tihosi 17:34

Ni nyamutlha lezi va ha lanzela mikhuwo yabye yo sangula, a va chavi Jehova; ni kambe a va lanzeli milayo ni mikhuwo yakwe, hambu ni zileletelo lezi Jehova a leleteleko a vanana va Jakobe loyi a chulilweko vito ga Israeli. Gen. 32:28; 35:10; 1 Tih. 18:31

Tisimu 20:6

Makunu nza zi tiva lezaku Jehova wa hanyisa a totilweko wakwe, I ta mu hlamula na a hi tilweni gakwe go basa, A mu ponisa hi ntamu wa canja gakwe ga xinene.

Tisimu 48:14

Hakuva Nungungulu loyi, i Nungungulu wa hina kala kupinzuka; I tava murangeli wa hina kala kufeni.

Tisimu 71:16

Nzi ta kombisa a mitiro ya ntamu wa Hosi Nungungulu, Nzi kulisa a kululama ka wena ntsena.

Isaya 2:5

Yindlu ya Jakobe, ngonani hi famba kuwonekeleni ka Jehova!

Isaya 26:13

O Jehova, Nungungulu wa hina, Hina hi fumelwe hi tinwani ti hosi a handle ka wena, Hi kota ya wena hi ta dumisa vito ga wena.

Isaya 26:8

Ina, hi ku langutele a ndleleni ya kulamula ka wena, O Jehova; Hi navela a vito ga wena ni xialakanyiso xa wena.

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Mitiro 14:16

loyi hi zizukulwana zi hunzileko a nga tsika matiko wontihe lezaku ma famba tindleleni ta wona.

Deuteronome 27:10

Hikwalaho ingisa a gezu ga Jehova Nungungulu wa wena, u hlayisa milayo yakwe ni zileletelo zakwe lezi nzi ku leletelako inyamutlha.

Va le Kolosi 2:6

Hikwalaho khwatsi hilezi mu nga amukela Kristu Jesu a Hosi, fambisani zalezo ka yena,

Va le Kolosi 3:17

Kani hi xihi lexi mu xi mahako, kani hi kuwulawula kutani hi kutira, mahani zontlhe vitweni ga Hosi Jesu, mu bonga Nungungulu Dadani ha yena. Rom. 1:8; 1 Kor. 10:31; Efe. 5:20; Xip. 2:7

Joxua 24:15

Kanilezi loku zi woneka na zi bihile mahlweni ka nwina a ku khozela Jehova, hlawulani legi siku loyi mu ta nga mu khozela; kutani mbanungungulu lava a vararu va nwina va nga wa va khozela le tlhatukweni wa congo, kutani mbanungungulu va maAmori, lava mu akileko tikweni gabye. Kanilezi mina ni ngango wa mina hi ta khozela Jehova.