Mika 4:3 - Tshwa Bible

³ I ta lamula matiko manyingi, a kawuka a matiko laʼya ntamu ma nga le kule. Va ta betha tisupado tabye ti maha zikomu, a matlhari yabye ma maha tipanga. A tiko ginwe gi nga ta vukela ginwani hi matlhari, cima va nga ta ha gonza kulwa kambe.

Mika 4:3 Mawu Ofanana

Tisimu 46:10

Yimani, mu tiva lezaku mina nzi Nungungulu; Nzi ta tlakuswa xikari ka matiko, nzi ta tlakuswa misaveni. Isa. 30:15

Tisimu 46:9

Yena i maha a tiyimpi ti khawula kala magumelweni ya misava, Wa tshova wura, ni ku tsema tlhari gi pulakanyeka; A hisa tikareta nzilweni.

Tisimu 72:3

A zitsunga zi ta neha kurula vanhwini, Ni miganga kambe hi kota ya kululama. Isa. 2:4; 9:6

Tisimu 72:7

A masikwini yakwe a wakululama i ta hluka; Ni kurula ku ta anza, kala a hweti yi ngave kona. Lu. 2:14

Tisimu 82:8

Vuka, Nungungulu, u lamula misava, Hakuva wontihe matiko ma lumba wena.

Tisimu 96:13

Mahlweni ka Jehova hakuva wata, Hakuva i tela ku ta lamula misava, I ta lamula tiko hi nongameto, Ni matiko hi kutsumbeka kakwe. Miti. 17:31

Tisimu 98:9

Mahlweni ka Jehova, hakuva wata a ku ta lamula misava; I ta lamula tiko hi nongameto, Ni matiko hi kululama kakwe. Miti. 17:31

Isaya 2:4

I ta lamula xikari ka mifumo, a tsema timhaka ta matiko manyingi. Va ta tlomba tisupado tabye ti maha zikomu, hi matlhari yabye va ta fula mibhera. A tiko gi nga ha talwa ni ginwani, ge hambu a ku gonza kulwa. A siku ga Jehova.

Isaya 25:3

Hikwalaho a vanhu va ntamu va ta ku dumisa, A muti wa vamatiko laʼvo tshisa wu ta ku chava.

Isaya 51:5

A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 60:12

Hakuva a tiko ni mufumo wu to kala wu nga ku tireli wu ta lova, Ina, a matiko lawo ma ta hahlulwa maku bhi!

Isaya 65:25

A hlolwa ni yivana zi taga zinwe A nghala yi taga byanyi khwatsi i homu; Ni nyoka yi taga ntshuri. Va nga ta lamata hambu ku lovisa Lomu xitsungeni xontlhe xa mina xi basileko, Ku wula Jehova.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Hosea 2:18

Hi siku lego nzi ta va mahela a xivumelwano ni zihari za khwati, ni tinyanyani ta tilo, ni zikokakoka za misava. Nzi ta tshova a mawura ni tisupado, nzi fuvisa yimpi laha tikweni, nzi va maha va tshama hi kurula.

Hosea 2:20

Nzi ta ku teka hi kutsumbeka, na wena u ta tiva Jehova.

Joeli 3:2

Nzi ta tsombanyisa wontlhe matiko, nzi ma yisa nkoveni wa Jehoxafate, nzi ta va ranisa hi kota ya Israeli, a vanhu va mina ni tshomba ya mina, lava va va hangalasileko xikari ka matiko, va avelana a tiko ga mina.

Mika 5:15

Nzi ta ti photela hi zanga ni khulo hehla ka matiko lawa ma nga ingisiko.

Zakaria 14:3

Zonake Jehova i ta huma a yalwa ni matiko lawo, khwatsi hilezi a nga lwisa zona a sikwini ga yimpi.

Zakaria 8:20

Jehova wa tiyimpi i ngalo: Ka ha tata laha a vanhu ni vaaki va miti yinyingi.

Zakaria 9:10

Nzi ta fuvisa a tikareta lomu Efraime, ni mahaxi le Jerusalema, ni mawura ya yimpi ma ta fuviswa. I ta wulawula kurula a ka mifumo; a kufuma kakwe ku ta sukela bimbini ginwe kala ka ginwani, ni kusukela Congweni kala magemetamusi ya misava.

Mitiro 17:31

Hakuva i vekile a siku legi a ta nga lamula ha gona tiko hi kululama hi munhu loyi a mu yimisileko; hi ka kona i nyikile a xitsumbiso ka vanhu vontlhe, hilezi a nga mu vuxa hi ka vafileko. Xip. 2:24; 10:42; Rom. 2:16

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5

1 Samueli 2:10

A valala va Jehova va ta pswandlaswa, I ta va dzinzela na hi tilweni. Jehova i ta lamula a magumeso ya misava; I ta nyika ntamu ka hosi yakwe, A tlakusa a limhonzo la a totilweko wakwe.