Mika 3:6 - Tshwa Bible

⁶ Hikwalaho mu ta humelwa hi wusiku, kasi mu nga hi na miwoniso; ku tava munyama ka nwina kasi mu nga ha vumbi. A gambo gi ta pelela a vaprofeti, ni hlikanhi wu ta phuma hehla kabye.

Mika 3:6 Mawu Ofanana

Tisimu 74:9

A ha ha zi woni a zikombiso za hina, A ka ha hi na muprofeti; Xikari ka hina a nga kona a tivako lezaku ku tava kala rini. Ezek. 7:26; Am. 8:12

Isaya 29:10

Hakuva Jehova i mu chululela a moya wa wurongo, I valile mahlo ya nwina vaprofeti, I fenengetile a tihloko ta vavumbi, va nga varangeli va nwina.

Isaya 59:10

Hi hulumetela lomu makhurisini khwatsi zikhumu, Ina, hi hulumetela kota lava va nga hiko na mahlo; Hi khubeka ni hlikanhi khwatsi hi loku ku hi wusiku, Xikari ka lava va nga ni ntamu hi fanana ni vanhu va fileko.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Jeremia 15:9

Loye a psweleko ntlhanu wa vana ni vambiri i hohovele, i file; A gambo gakwe gi pelile kasi lezo ga hi mumu; I rwele tingana ni ku jujeka hloko. Lava va seleko nzi ta va nyikela supadweni mahlweni ka valala vabye, ku wula Jehova.

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Ezekieli 13:9

A canja ga: mina gi ta vukela a vaprofeti lava va wonako miwoniso ya hava, ni lava va vumbako mawunwa. Va nga ta hlayiwa hubyeni ya vanhu va mina, va nga ta tsaliwa bhukwini ga yindlu ya ka Israeli, ge hambu ku enghena tikweni ga ka Israeli; zonake mu ta zi tiva lezaku hi mina Hosi Jehova.

Ezekieli 7:26

A khombo gi ta lanzelwa hi khombo, a nkosi yi ta lanzelwa hi nkosi; va ta kombela muwoniso ka vaprofeti; kanilezi a vapristi va ta rivakelwa hi nayo, ni masingalakati ma ta vumala wusungukati. Jer. 4:20; 18:18

Amosi 8:11

Hosi Jehova i ngalo: Ma hata masiku lawa nzi ta nga rumela a ndlala misaveni, na ku nga hi ndlala ya zakuga, kutani a tora go lava mati, kanilezi a ndlala yo lava timhaka ta Jehova.

Mika 2:6

Va profeta vaku: Mu nga profeteni! Ngha va nga byabyatsi hi lezi zilo; a tinzhukano tabye a ti mbheli!