Mika 3:5 - Tshwa Bible

⁵ I wula lezo Jehova xungetano ni vaprofeti lava va pengisako a vanhu va mina; loku va hi ni nchumu xo tlukuluta hi meno yabye, vaku: Kurula! kanilezi loku va nga nyikwangi nchumu, va va vuxela yimpi.

Mika 3:5 Mawu Ofanana

Mavingu 28:21

A ku chava dzumba ga munhu a zi sasekangi; akuva hi xipanze xa xibaba, a munhu a nga tshova nayo.

Isaya 3:12

A vanhu va mina va tsimbeketiwa hi nwanana, va fumelwa hi vavasati. O tiko ganga, a varangeli va wena va ku hambukisa, va gohile a ndlela leyi u fambako ha yona.

Jeremia 23:27

Na va alakanya lezaku va ta maha vanhu va mina va rivakelwa hi vito ga mina hi kota ya miloro yabye, leyi munwe ni munwani a byelako a muakelwane, kotisa lezi a vakoko vabye va nga rivala a vito ga mina hi kota ya Baali. Vala. 3:7; 8:33

Jeremia 23:32

Ina, nza vukela lava va profetako miloro ya mawunwa, ku wula Jehova, loku va yi hlawutela va hambukisa a vanhu va mina hi mawunwa yabye ni kubyabyatsa kabye. Kasi mina a nzi va rumangi, hambu ni ku va laya; a va vuni nchumu ka lava vanhu, ku wula Jehova.

Jeremia 6:14

A va khatalangi ku chuma a ti mbanga ta vanhu va mina, Vaku: Ku rulile, ku rulile! Na ku nga hi na kurula. Mika 3:5; 1 Tes. 5:3

Jeremia 6:4

Sangulani a kulwa naye! Vukani hiya kona ni hlikanhi. Yowe, a gambo gi hlwile, Ni minzhuti ya kupeta ka gona yi lehile.

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Ezekieli 13:9

A canja ga: mina gi ta vukela a vaprofeti lava va wonako miwoniso ya hava, ni lava va vumbako mawunwa. Va nga ta hlayiwa hubyeni ya vanhu va mina, va nga ta tsaliwa bhukwini ga yindlu ya ka Israeli, ge hambu ku enghena tikweni ga ka Israeli; zonake mu ta zi tiva lezaku hi mina Hosi Jehova.

Hosea 4:5

U ta khunguvanyeka ni hlikanhi, ni muprofeti i ta wawu na wena ni wusiku; nzi ta lovisa ni nyine wa wena.

Joeli 3:9

Banani nyiwo xikari ka matiko lezaku va hloma yimpi, va vuxa tinhenha! Vontlhe vavanuna va yimpi a vate va tshinela!

Mika 2:11

Loku a munhu a famba hi moya wa kukhohlisa, a hemba wunwa aku: Nzi ta ku profetela hi vinya ni byala, a muprofeti loye i sasekele lava vanhu. Isa. 30:10; Mik. 3:5

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Malaki 2:8

Kanilezi nwina mu hambukile; hi kugonzisa ka nwina mu khunguvanyisile vanyingi; mu wonhile a xivumelwano xa Levi, ku wula Jehova wa tiyimpi.

Mateu 15:14

Va tsikeni; zikhumu, zi rangelako zikhumu-kulobye. Loku xikhumu xi koka xikhumu, zi ta wela rinzini hi wumbiri ga zona.

Mateu 7:15

Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Deut. 13:3; Jer. 23:16; Rom. 16:17

Va le Roma 16:18

Hakuva a va kunghahi a va tireli a Hosi ya hina Kristu, kanilezi va tirela a rumbu gabye ntsena; va xengetela lava va nga hiko na nanzu hi timhaka tabye to saseka ni kunanziha. Fil. 3:19; Kol. 2:4; 1 Tim. 6:5