Mika 2:2 - Tshwa Bible

² Va navela masimu ni tiyindlu, va zi teka; va tsimbeketa a munhu ni yindlu yakwe, ni munhu loyi a nga ni tshomba yakwe. Ekso. 20:17; 1 Tih. 21:1

Mika 2:2 Mawu Ofanana

1 Tihosi 21:1

Anzhako ka lezo, Nabote a muJezreeli i wa hi ni simu ga xivina le Jezreeli, kusuhani ni yindlu ya wuhosi ya Ahabi a hosi ya le Samaria.

2 Tihosi 9:26

Hizinene, kota lezi nzi wonileko a nkhata wa Nabote tolo, ni nkhata wa vana vakwe, nzi ta tlhelisela ka wena kota zalezo ka legi simu. Hikwalaho mu tlakule u mu hoxa lomu ka gona, khwatsi hi lezi Jehova a wulileko.

Joba 31:38

Loku a simu ga mina gi rila gi nzi vukela, Ni loku a tinzima ta gona ti rila mihloti hi kota ya mina,

Eksodusi 20:17

U nga naveli a yindlu ya wakelane wa wena. U nga naveli sati wa wakelane wa wena, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xinwanyani xilo xa wakelane wa wena. Rom. 7:7; 13:9

Isaya 3:14

Jehova i ta lamula a masingalakati ya tiko gakwe, ni tihosana ta gona, aku: Mu gile xivina, lezi zi phangilweko ka zisiwana zi lomu tindlwini ta nwina. Isa. 5:7; Mat. 21:33

Isaya 5:8

Khombo ka vona va ti wutlelelako tiyindlu, Ni lava va engetelako masimu hi masimu Kala ku nga have na wutshamu, Kasi va aka voce xikari ka tiko.

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Ezekieli 18:12

a onhela a nyakeke ni muvumali, a phanga, loyi a, nga tlhelisangiko a seye, loyi a tlakusileko mahlo yakwe a cuwuka zifananiso, loyi a mahileko manyala,

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Ezekieli 22:13

Nzi phakatele a mandla ya mina hi zanga hi kota ya kukalavela ka wena, ni nkhata lowu wu halatilweko xikari ka wena.

Ezekieli 33:26

Mu ti tiyiseta hi tisupado ta nwina, mu maha manyalataniso, a munwe ni munwani a nyenyezisa a sati wa muakelane; mu ta fumela a tiko ke?

Ezekieli 45:9

Hosi Jehova i ngalo; Nwina tihosana ta ka Israeli, zi ringene! Tsikani tihanyi ni kuphanga, mu maha nongameto ni kululama, mu nga ha hlongoli vanhu va mina tindlwini tabye, ku wula Hosi Jehova. Levi 19:35

Ezekieli 46:18

A hosana ngha yi nga teki a tshomba ya munhu hi ku mu hlongola ka lezi a nga nazo. Yi ta avela a vana va yona a tsomba leyi yi nga yakwe wutsumbu; kasi ku nga hlongolwi munhu ka lezi a nga nazo xikari ka vanhu va mina.

Ezekieli 8:17

Zonake i te ngalo ka mina: Nʼwana wa munhu, wa zi wona lezi ke? Xilo xo hehuka ka yindlu ya ka Juda a ku maha manyalataniso khwatsi hi lezi va zi mahako laha ke? Hakuva va tatile a tiko hi tihanyi, va tlhela va vuxa a zanga ya mina; languta, va tshineta a ravi tinhovini tabye.

Amosi 2:7

Va navela ni tshuri wa misava wu nga tihlokweni ta lava va vumalako, va onha a mhaka ya lava va koramileko. A munhu ni raru wakwe va enghena ka nhwana munwe, va nyenyezisa a vito ga mina go basa.

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Amosi 8:4

Zwanani lezi mu ti yimiseleko ku mita vavumali, mu lovisako a vatsongwani va tiko, mu nge ngalo:

Mika 3:9

Zwanani lezi nwina tihosi ta ka Jakobe, na nwina vafumeli va ka Israeli, nwina mu nyenyako nongameto, mu bihisako kontlhe kululama.

Mika 6:12

Hakuva a vafumileko va muti va tele hi tihanyi, ni vaaki va wona va wulawula mawunwa, ni tirimi tabye mbakhohlisi milonwini yabye.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.

1 Timote 6:10

Hakuva a ku ranza mali hi mutsu wa tixaka tontlhe ta kubiha; a vanwani hi ku yi navela va pengile kukholweni, va ti phoroketile hi kuxaniseka kunyingi. Ekso. 23:8