Mika 1:7 - Tshwa Bible

⁷ A zifananiso zakwe zontlhe zi vatlilweko zi ta fayetelwa, ni minzhiho leyi a yi amukeleko hi wubhayi yi ta hiswa hi nzilo, nzi khungumulela a zifananiso zakwe za vanungungulu; hakuva i zi kumile hi nzhiho wa wubhayi, zi ta tlhela zi maha hakhelo ya xibhayi. Deut. 23:18; Hos. 2:5

Mika 1:7 Mawu Ofanana

2 Kronekele 31:1

Makunu laha zontlhe lezi zi nga wa mbhetekile, vontlhe va ka Israeli lava va nga wa hi kona va lo suka vaya mitini ya va ka Juda va ya fayetela zifananiso, va tsema matshamu ya zifananiso za Axtarte, va khungumula matshamu ma tlakukileko ni maalati tikweni gontlhe ga va ka Juda ni ga ka Benjamini, ni ga ka Efraime, ni ga va ka Manasa kambe, va kala va mbheta zontlhe. Zonake vontlhe va ka Israeli va lo tlhelela mitini yabye.

Isaya 2:18

A zifananiso zi ta fuviswa bhi!

Isaya 23:17

Hakuva loku ku hunzile 70 wa malembe, Jehova i ta enzela Tire, wu ta engeta wu lava hakhelo ya wona, wu ta maha wuoswi ni matiko wontihe ya misava.

Isaya 27:9

Hikwalaho a kugoha ka Jakobe ku ta basiswa; Lowu hi wona mbhanzu wa kutsetselelwa ka xionho xakwe; Laha maribye wontihe ya maganzelo ma panzekile kota maribye ya mhemba, A maAxera ni zifananiso za gambo zi nga ha ta yima. Levi 26:30; Isa. 2:20

Ezekieli 6:6

Kontlhe lomu mu akileko kona, a miti ya nwina yi ta maha marumbi, ni matshamu ya nwina ma tlakukileko ma ta khungumulwa; kasi a maganzelo ya nwina ma hahluliwa, ni zifananiso za nwina zi fayetelwa zi mbhela, a zifananiso za nwina za gambo zi ta khungumulelwa, ni yontlhe a mitiro ya nwina yi fuvisiwa.

Hosea 2:12

Nzi ta hahlula a zivina zakwe, ni mikuwu yakwe leyi a nga wula ha yona, aku: Leyi i hakhelo nzi nyikilweko hi zigangu za mina. Nzi ta zi hunzula zi maha khwati, zi giwa hi zivanza za khwati. Deut. 23:17; Isa. 5:5

Hosea 2:14

Hikwalaho nzi ta mu kupeta nzi mu yisa xiwuleni, nzi wulawula ni mbilu yakwe.

Hosea 2:5

Hakuva a nyine wabye i mahile wuoswi, loyi a va belekileko i mahile zilo za tingana. I te ngalo: Nzi ta lanzela a zigangu za mina, lava va nzi phamelako va nziha mati, va nzi nyika a woya ga tiyivu, ni wukene, a mafura ya mina ni zakunwa.

Hosea 8:5

A role ga wena Samaria ga nzi hlamukisa; a zanga ya mina ya va vindlukela. Va ta ala ku basiswa kala rini?

Hosea 8:6

Hakuva gona gita hi ka Israeli; mufuli a gi mahileko, gona a hi Nungungulu. Ina, a role ga Samaria gi ta tshobyiwe fufanyi.

Joeli 3:3

Va avelene a vanhu va mina hi ku va hlahluvela; va humesa a mufana kuve a hakhelo ya xibhayi, va xava vinya hi nhanyana, va fela kunwa.

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Deuteronome 23:18

U nga nehi lomu ndlwini ka Jehova Nungungulu wa wena a hakhelo ya xibhayi, hambu ni kurihwa ka mbyana, a ku rihela xifungo xa kuhlambanya; hakuva lezo zilo manyala ka Jehova Nungungulu wa wena.

Deuteronome 9:21

A xionho xa nwina, gi nga gona role legi mu gi mahileko, nzi lo gi teka nzi gi hisa, ni ku gi fayetela, nzi gi gaya nzi gi silisisa, nzi maha tsutsungwani ha gona, zonake nzi wu chela lomu congweni lowu wu tako hi le xitsungeni.

Kuvululelwa 18:3

Hakuva a matiko wontihe ma nwile a vinya ga zanga ya kubhaya kakwe; a tihosi ta misava ti bhayile zinwe naye, ni vamahungani va misava va fumile hi kota ya wubhayi gakwe; Isa. 47:15; Xip. 14:8

Kuvululelwa 18:9

A tihosi ta misava leti ti bhayileko ni ku ti tsakisa zinwe naye, ti ta mu rilela ti hlaluka, loku ti wona a musi wa kuhiswa kakwe. Jer. 50:46; Ezek. 26:16, 17; Xip. 19:3

1 Samueli 5:4

A siku gi lanzelako, a vanhu va le Axdode va lo vuka kambe ni mixo va wona Dagoni na a wile hi nghohe yakwe mahlweni ka arke ga Jehova; a hloko ya Dagoni ni mandla yakwe zi wa tsemekile, na zi hi laha xipimbitsini xa nyangwa, na ku sele miri woce.