Mika 1:1 - Tshwa Bible

¹ A mhaka ya Jehova leyi yi tileko ka Mika wa le Moraxte, masikwini ya Jotamu, na Ahazi, na Hezekia, a tihosi ta ka Juda, leyi a nga nyikwa xungetano na Samaria na Jerusalema.

Mika 1:1 Mawu Ofanana

2 Tihosi 15:32

Hi lembe ga wumbiri ga kufuma ka Peka nʼwana Remalia a hosi ya ka Israeli, Jothamu nʼwana Uzzia a hosi ya ka Juda i lo sangula ku fuma.

2 Tihosi 15:5

Jehova i loba a hosi hi hlokonho leyi a nga babya ha yona kala kufeni kakwe, na tshama lomu ndlwini ya vababyi. Jothamu a nʼwana wa hosi i lo fumela a yindlu ya hosi, na a lamula a vanhu va tiko. Levi 13:46

2 Tihosi 16:1

Hi lembe ga wu 17 ga kufuma ka Peka nʼwana Remalia, Ahaza nʼwana Jothamu a hosi ya ka Juda i lo sangula ku fuma.

2 Tihosi 18:1

Hi lembe ga wunharu ga kufuma ka Hoxea nʼwana Ela hosi ya ka Israeli, Hezekia nʼwana Ahaza a hosi ya ka Juda i lo sangula ku fuma.

2 Kronekele 28:1

Ahaza i wa hi ni 20 wa malembe a xikhati a nga sangula ku fuma; i lo fuma 16 wa malembe le Jerusalema. A nga mahangi kululama mahlweni ka Jehova khwatsi hi dadani wakwe Davida.

2 Kronekele 29:1

Hezekia i lo sangula ku fuma na hi ni 25 wa malembe; i lo fuma 29 wa malembe le Jerusalema. A vito ga nyine wakwe i wa hi Abija nʼwana Zakaria.

Isaya 1:1

A miwoniso ya Isaya, a nʼwana Amozi, leyi a nga yi wona xungetano na Juda ni Jerusalema a masikwini ya Uzzia, Jotamu, Ahazi, na Hezekia, a tihosi ta ka Juda.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 7:1

A masikwini ya Ahazi, nʼwana Jotamu, a nʼwana Uzzia, a hosi ya ka Juda, Rezini a hosi ya Siria, na Peka, a nʼwana Remalia, a hosi ya ka Israeli, va lo kanziha Jerusalema a ku yalwa zinwe nago, kanilezi a va gi Wulangi.

Isaya 7:9

A zinza ga Efraime hi Samaria, ni hloko ya Samaria hi nʼwana Remalia. Loku mu nga kholwi, cima mu nga ta tiya.

Jeremia 26:18

Mika wa le Moraxi i lo profeta masikwini ya Hezekia hosi ya ka Juda, a byela vontlhe vanhu va ka Juda, aku: Jehova wa tiyimpi i ngalo: Zioni gi ta rimiwa kota simu, Ni Jerusalema gi tava nhulu ya maribye, Ni xitsunga xa tempeli xi tava xitsunga xa khwati. Mika 3:12

Hosea 1:1

A mhaka ya Jehova yi tileko ka Hosea a nʼwana Beeri, masikwini ya Uzzia na Jotamu na Ahazi na Hezekia, a tihosi ta ka Juda, ni masikwini ya Jeroboamu nʼwana Joaxi, a hosi ya ka Israeli.

Hosea 4:15

Loku wena Israeli u maha wubhayi, Juda ngha a nga ti kokeli nanzu. Mu ngati le Gilgale, mu ngayi le Betavene, ge hambu ku hlambanya, muku: Ha Jehova a hanyako! Deut. 6:13; 1 Tih. 12:29; Am. 5:5

Hosea 8:14

Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.

Amosi 1:1

A timhaka ta Amosi, a munwe wa varisi va le Tekoa, leti a ti wonileko xungetano na Israeli masikwini ya Uzzia hosi ya ka Juda, ni masikwini ya Jerobpamu a nʼwana wa Joaxi a hosi ya ka Israeli, hi mahlweni ka xitsekatseka xa misava lexi xi humeleko anzhako ka malembe mambiri.

Amosi 6:1

I khombo ka lava va te ku tikatika le Zioni, ni ka vona va te ku nja le xitsungeni xa Samaria, a tihosana ta tiko go ranga xikari ka matiko, lava a yindlu ya ka Israeli yi tako kabye.

Mika 1:5

Zontlhe lezo zi ta maheka hi kota ya zihambunyeto za Jakobe ni zionho za yindlu ya ka Israeli, A xihambunyeto xa Jakobe xi huma kwihi? A hi le Samaria ke? Hi wahi a matshamu yo tlakuka ya ka Juda? A hi Jerusalema ke?

Mika 3:9

Zwanani lezi nwina tihosi ta ka Jakobe, na nwina vafumeli va ka Israeli, nwina mu nyenyako nongameto, mu bihisako kontlhe kululama.

Habakuka 1:1

A xiprofeto, a muwoniso lowu Habakuka a wu wonileko.

2 Pedro 1:21

Hakuva cima a ku na kuprofeta loku ku tileko hi kuranza ka munhu; kanilezi vanhu na va susumetilwe hi Moya wa ku Basa va lo kanela lezi zi nyikilweko vona hi Nungungulu. Lu. 1:70; Miti. 1:18; 2 Tim. 3:18