Mavingu 8:13 - Tshwa Bible

¹³ A ku chava Jehova ku venga kubiha; ina nza venga matshanza, kutikulisa, ni mahanyela yo biha, i nomu wu khohlakalisako.

Mavingu 8:13 Mawu Ofanana

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Tisimu 101:3

Nzi nga ta langutela a zilo zi bihileko. Nza venga a zimaho za vagohi, Cima zi nga ta nzi namarela.

Tisimu 119:104

A zileletelo za wena za nziha kupimisisa, Hikwalaho nza venga tontlhe tindlela ta mawunwa.

Tisimu 119:128

Nza wona lezaku a zileletelo za wena zontlhe zi lulamile, Nzi venga a tindlela tontlhe ta mawunwa.

Tisimu 138:6

Hambu lezi Jehova a tlakukileko, wa khatalela lava va koramileko; Wa tiva a vamatshanza na va hi kule. Lu. 1:48, 52; 14:11

Tisimu 97:10

Nwina lava mu ranzako Jehova, vengani kubiha; Wa lonzowota a mihefemulo ya vabasileko vakwe, Wa va ponisa mandleni ya vakubiha. Am. 5:14; Joh. 10:28; Rom. 12:9

Eksodusi 1:17

Kanilezi a masungukati ma lo chava Nungungulu; a ma mahangi kota lezi a hosi ya Gipite yi nga va leletele ku maha; kanilezi va lo ponisa vafana.

Mavingu 10:31

A nomu wa a lulamileko wu humesa wutlhari; anilezi a lirimi la kukanganyisa li ta tsemiwa.

Mavingu 15:9

A ndlela ya va kubiha manyala ka Jehova; anilezi wa ranza loyi a lanzelako kululama.

Mavingu 16:18

A matshanza ma rangela kulova; i kutikukumukisa ku rangela kuwa.

Mavingu 16:5

Vontlhe lava va nga ni mbilu ya ku ti kulisa va hi manyalataniso ka Jehova; ima va nga ta pona ku tsayiswa.

Mavingu 16:6

A kugoha ka vinyiwa hi wuxinji ni zinene; i ku chava Jehova a vanhu va huma kubiheni.

Mavingu 3:7

U nga ti hlayi lezaku u tlharihile, hava Jehova, u huma kubiheni. Isa. 5:21; Rom. 12:16

Mavingu 4:24

U ngavi na nomu wa zidomudomu, milomu yi kanganyisako a yive kule na wena.

Mavingu 6:12

I munhu wa mihoni, munhu wo biha, oyi a fambako ni nomu wo kanganyisa.

Isaya 13:11

Nzi ta tsayisa misava hi kota ya kubiha ka yona, Ni vakubiha hi kota ya kugoha kabye, Nzi fuvisa a matshanza ya laʼva ti kulisako, Nzi tsongahata laʼva ti kukumukisako.

Amosi 5:15

Vengani kubiha, mu ranza zinene; mu tiyisa nongameto le hubyeni; kutani Jehova a Nungungulu wa tiyimpi i tava ni wuxinji hi misalela ya ka Josefa. Rom. 12:9

Amosi 6:8

Hosi Jehova i hlambanyile hi wutsumbu gakwe, aku: Jehova a Nungungulu wa tiyimpi i ngalo; Nza swireka hi matshanza ya Jakobe, nza venga a ziluvelo zakwe, hikwalaho nzi ta nyikela kulobyisweni a muti ni zontlhe zi nga ka wona.

Zakaria 8:17

ngha munwe ni munwani a nga hi na xikungo xo vukela muakelane wakwe, mu nga ranzi ku hlambanyela mawunwa, hakuva zontlhe lezo zilo nza zi venga, ku wula Jehova.

Va le Roma 12:9

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15

1 Va le Tesalonika 5:22

Tsikani tixaka tontlhe ta kubiha. Xip. 4:12

2 Timote 2:19

Kanilezi a xiseketelo xi tiyileko xa Nungungulu xi yimile, na xi hi ni xifungo lexi xaku: A Hosi ya va tiva lava va nga va yona; niku: Ngha munwe ni munwani a kumbukako a vito ga Hosi a suka kungalulameni. Nah. 1:7; Mat. 24:24; Rom. 8:35; 1 Joh. 2:19

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

1 Samueli 2:3

Mu nga ha engeti mu wulawula hi matshanza, Ni wuxezi gi nga ha humi nonwini wa nwina; Hakuva Jehova i Nungungulu loyi a tivako zontlhe. Hi yena loyi a ringanyisako zimaho za vanhu.