Mavingu 6:29 - Tshwa Bible

²⁹ Hikwalaho loyi a enghenako ka wasati wa muakelane wakwe, i wihi loyi a mu henyako, a nga ta kuva hava nanzu.

Mavingu 6:29 Mawu Ofanana

Genesisi 20:2

Abrahama i lo wula hi Sara a sati wakwe, lezaku makweru, na Abimeleki a hosi ya le Gerare i lo ruma ku ya teka Sara.

2 Samueli 11:27

Laha a nga gumesile a xirilo, Davida i lo mu vitanisa, a ta mu amukela lomu ndlwini yakwe a maha sati wakwe, a beleka naye a nisanyana. Kanilezi a mhaka leyi Davida a yi mahileko yi wa bihile mahlweni ka Jehova.

2 Samueli 16:21

Ahitofeli i te ngalo ka Absalome; Yana u ya enghena ka mindlukulu ya raru wa wena, leyi a yi siyileko ku hlayisa yindlu, kasi vontlhe va ka Israeli va ta zi tiva lezaku u mahile xikanya ka raru wa wena, zonake a mandla ya vontlhe lava va nga na wena ma ta tiyiswa.

Eksodusi 20:17

U nga naveli a yindlu ya wakelane wa wena. U nga naveli sati wa wakelane wa wena, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xinwanyani xilo xa wakelane wa wena. Rom. 7:7; 13:9

Mavingu 16:5

Vontlhe lava va nga ni mbilu ya ku ti kulisa va hi manyalataniso ka Jehova; ima va nga ta pona ku tsayiswa.

Mavingu 6:28

I kona a zi kotako ku famba hehla ka makhala ya nzilo, mikonzo yakwe yi ngaswi ke?

Ezekieli 18:6

a nga geli le hehla ka zitsunga, ge hambu ku tlakusa a mahlo yakwe a cuwuka a zifananiso za yindlu ya ka Israeli, leyi a nga wisangiko tingana a sati wa muakelane wakwe, ge hambu ku tlhangana ni wasati loyi a nga xikhatini xo tsawuka;

Ezekieli 22:11

Ku mahiwa manyala ni sati wa muakelane, a vanwani va maha kubiha ni vakatamwane, a ka wena va wisa tingana a vamakabye va xisati, a vanhwana vo belekwa hi vararu vabye.

Ezekieli 33:26

Mu ti tiyiseta hi tisupado ta nwina, mu maha manyalataniso, a munwe ni munwani a nyenyezisa a sati wa muakelane; mu ta fumela a tiko ke?

Levi 18:20

U nga etleli ni sati wa wakelane na wena, u ti nyenyezisa zinwe na yena.

Levi 20:10

Ni loku munhu a bhaya ni wasati a tekilweko, a bhaya ni sati wa muakelani wakwe, a wanuna ni wasati lava va bhayileko, vona vambiri va ta dawa. Mat. 5:27; Joh. 8:4

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

1 Va le Korinte 7:1

Xungetano ni timhaka leti mu nga nzi tsalela, nzi ngalo: A wanuna i maha khwatsi loku a nga khumbi wasati,