Mavingu 4:18 - Tshwa Bible

¹⁸ Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Mavingu 4:18 Mawu Ofanana

2 Samueli 23:4

I fanana ni wuronga loku gambo gi tsuwuka, Ni mixo leyi yi nga hiko na marefu; A kuwoninga ka gona anzhako ka kuna ka vula, Ku milisa a byanyi ga misava. Vala. 5:31

Joba 11:17

Ni wutomi ga wena gi ta xwengula ku hunza hlikanhi, Wena u ta ngangamela, u ta fana ni mixo.

Joba 17:9

Kasike loyi a lulamileko i ta khomelela ndleleni yakwe; Ni loyi a mandla ya yena ma basileko i ta enzeleka a tiya mbilu.

Joba 23:10

Yena wa tiva a ndlela leyi nzi fambileko ha yona, Loku a nzi ringa, nzi ta huma nzi basile kukotisa nzalama.

Tisimu 84:7

A ntamu wabye wo enzelekelana, Vona vontlhe va woneka mahlweni ka Nungungulu le Zioni.

Tisimu 97:11

A kuwonekela ku xwanyelwe lava va kululama, Ni kutsaka ka lava va lulamileko timbilu.

Mavingu 13:9

A kuwonekela ka laʼvo lulama hi litsako; anilezi a kandiya ya laʼvo biha yi ta timeka.

Mavingu 15:24

A ka munhu nene a ndlela ya kuhanya yi tlakukela hehla, i mu ponisa Xeole lahasi.

Mavingu 2:20

Lezo u ta famba hi tindlela ta lava va nene, tiya tindleleni ta vakululama.

Mavingu 2:9

Zonake u ta pima kululama ni kulamula, na, ni tindlela tontlhe ta zinene.

Isaya 26:7

A ndlela ya loyi a lulamileko nja nongameto, Wena loyi u hunzeleleko ku lulama u basisa a ndlela ya vabasileko.

Danieli 12:3

Lava va tlharihileko va ta ngangamela ku fanana ni tilo, ni lava va kokelako vanyingi kululameni va ta fanana ni tinyeleti kala kupinzuka ni kupinzuka. Mat. 13:43; 1 Kor. 15:41

Hosea 6:3

A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Mateu 5:14

Nwina mu kuwonekela ka tiko; a muti lowu wu nga hehla ka xitsunga a wu na ku sirelwa. Mav. 4:18; Fil. 2:15

Mateu 5:16

Hizalezo ngha na kuwonekela ka nwina ku woninga mahlweni ka vanhu, kasi va wona mitiro ya nwina yo saseka, va dumisa a Raru wa nwina wa le tilweni. Joh. 15:8; 1 Kor. 14:25; 1 Ped. 2:12

Mateu 5:45

kasi mu fela kuva vana va Raru wa nwina loyi a nga le tilweni; hakuva wa tsuwukisa gambo gakwe hehla ka vobiha ni ka vosaseka, a nisa vula hehla ka valulamileko ni ka va nga lulamangiko.

Johani 8:12

Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

2 Va le Korinte 3:18

Hina hontlhe lava hi cuwukako a kungangamela ka Hosi hi mahlo ma nga fenengetwangiko a ku khwatsi hi laha wonini, ha hunzuluswa a ku fanana zinwe naye, hi longoloka hi kungangamela kunwe hiya ka kunwani, kota lezi yi tirako Hosi leyi, yi nga Moya. Joh. 9:39; Rom. 8:29; Xip. 4:4, 6; Kol. 3:10

Va le Filipi 2:15

kasi ma fela ku kala mu nga hi na kusoleka, mu basa, mu hi vanana va Nungungulu, lava va nga hiko na bala xikari ka xizukulwana xi gombonyekileko ni xi bihileko, lexi mu woningako xikari ka xona khwatsi hi kuwonekela laha misaveni,

2 Pedro 1:19

Makunu ku tiyisilwe nguvu, ka hina a mhaka ya kuprofeta; mu maha khwatsi loku mu yi khatalela, khwatsi hi kandiya leyi yi woningako wutshanwini ga munyama gi kala gica, ni mahlahla a huma timbilwini ta nwina. Tis. 119:105; Joh. 5:35; Kuv. 22:18

2 Pedro 3:18

Kanilezi kutani tipswalweni ni kutiveni ka Hosi ni Muhanyisi wa hina Jesu Kristu. Ka yena a kuve wudzunzo makunu ni kala kupinzuka. Amen. Efe. 4:15; 1 Ped. 2:2; Kuv. 1:6

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17

Valamuli 5:31

Zinghaho Jehova, ngha valala va wena vontlhe va lobyiswa. Kanilezi ngha lava va ku ranzako va fanana ni gambo loku gi tsuwuka hi ntamu wa gona. Tis. 19:6; Mat. 13:43 Zonake a tiko gi lo humula 40 wa malembe.