Mavingu 31:5 - Tshwa Bible

⁵ Hakuva va nga taku loku va nwile va rivakelwa nayo, a nga ha khatali hi ku yimela timhaka ta lava va hlokiswako.

Mavingu 31:5 Mawu Ofanana

1 Tihosi 20:12

Makunu laha Ben-Hadade a ngazwa a gezu legi na a kari anwa zinwe ni tihosana takwe lomu mixaxeni, i te ngalo ka malanza yakwe: Hlomani! Zinghaho va lo hloma va ya vukela a muti.

Eksodusi 23:6

U nga byeketi a mhaka yi lulamileko ya xisiwana xa ka nwina le hubyeni.

Mavingu 17:15

Loyi a yimelako loyi a nga ni nanzu, ni loyi a konako loyi a nga hiko na nanzu, i wumbiri gabye va hi manyalataniso mahlweni ka Jehova. Deut. 25:1; Isa. 5:23

Mavingu 18:5

A zi saseki ku yimela loyi wa kubiha, asi ku vukela loyi a lulamileko kulamuleni. Levi 19:15; Deut. 1:17

Isaya 5:22

Khombo ka vona lava va nga tinhenha kunwani ka vinya, Ni lava va nga ni wurena a ku xanganyeleni ka byala.

Isaya 5:23

Lava va yimelako a wakubiha hi kota ya ku xavelelwa, Va kona loyi a lulamileko.

Levi 10:9

U nganwi a vinya ni byala, wena ni vana va wena, loku mu ta enghena lomu ka tabemakeli ga mutlhangano, mu ngafa. Lowu i nayo wa kala kupinzuka, wa zizukulwana zontlhe. Ezek. 44:21; 1 Tim. 3:3; Tit. 1:7

Habakuka 2:5

Tlhatakumbiri, a vinya gi khohlisa, a wamatshanza a nga na ku tshamiseka mutini. I ahlamisa a nomu wakwe khwatsi Xeole, i na ni mahlokoti khwatsi hi lufo, wa ti tsombanyisela wontihe matiko, a ti hlengeletela tixaka tontlhe.

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.