Mavingu 30:4 - Tshwa Bible

⁴ Himani a nga nga kanziha tilweni a tlhela a chika ke? Himani a nga khomako a moya hi canja gakwe ke? imani a nga hlengeletelako mati ngubyeni yakwe ke? imani a yimisileko wontihe magumo ya misava ke? imani vito gakwe? A vito ga nʼwana wakwe himani, loku u kari u gi tiva?

Mavingu 30:4 Mawu Ofanana

Genesisi 32:29

Jakobe i lo mu wutisa, aku ngalo: Nzi byele a vito ga wena. Yena aku ngalo: U nzi wutisela yini a vito ga mina ke? Yena i lo mu katekisa kwalaho.

Joba 11:7

Wa zi kota ku mu tiva Nungungulu hi ku mu lavisisa ke? Wa zi kota ku pimisisa kumbhelela ka Nyamintamu ke?

Joba 11:8

Ku tlakukile ku fanana ni tilo; u ta maha yini? Ku etile ku hunza Xeole; u nga tiva yini wena ke? Efe. 3:18

Joba 26:8

Yena wa boha a mati marefini yakwe, Ni marefu a ma panzeki lahasi ka wona.

Tisimu 135:7

Wa maha marefu ma tlakukela hehla hi le magunweni ya misava, A humesa zingwalangwanza, a nisa vula, Ni ku humesa mheho hi lomu mabakweni yakwe. Jer. 10:13; 51:16

Tisimu 2:7

Nzi taba nyiwo ya Jehova, Jehova i te ngalo ka mina: Wena u nʼwana wa mina, Nzi ku psweleko nyamutlha.

Tisimu 22:27

Wontihe matlhelo ya misava ma ta alakanya Jehova, ma hunzuluka; Tixaka tontlhe ta vamatiko ti ta khizama mahlweni ka wena.

Tisimu 24:2

Hakuva yena i yi seketele hehla ka mabimbi, Ni ku yi tiyisa hehla ka mintalo.

Tisimu 68:18

Wena u tlakukela hehla, u yisa a vakhomiwa; U amukele a zinyikiwo hi ka vanhu, Ina, ni xikari ka lava va hluwukileko, kasi Jehova Nungungulu wa fela ku tshama xikari ka vona.

Eksodusi 15:10

U lo pupuxa hi moya wa wena: A bimbi gi lo va khubunyeta; Va lo rikha kota xiketse, Lomu nonzweni wa mati yo eta.

Eksodusi 6:3

Nzi ti wonekelisile ka Abrahama, ni ka Isaka, ni ka Jakobe, na nzi hi Nungungulu wa Ntamu-wontlhe, kanilezi a vito ga mina ga Jehova gi wa nga tiveki ka vona.

Isaya 45:18

Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

Isaya 53:8

I susilwe hi kuxanisiwa ni kulamuliwa, Kanilezi a xikari ka vanhu va ka kabye himani a zi alakanyileko Lezaku i lo susiwa misaveni ya vahanyako, A biwa hi kota ya zionho za tiko ga mina?

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Luka 10:22

Na a hunzulukela ka vapizani, aku: Zontlhe zi nyikilwe ka mina hi Dadani. A nga kona a mu tivako Nʼwana lezaku himani, sine Dadani yece; niku himani Dadani, sine. Nʼwana yece, ni wihi loyi Nʼwana a xuvako ku mu wonekelisa ka yena. Mat. 28:18; Joh. 1:18; 3:35; 5:27

Johani 3:13

A ku na munhu a kanzihileko le tilweni, sine loyi a releleko hi le tilweni, a nga Nʼwana wa munhu, loyi a nga hi le tilweni. Mat. 30:4; Miti. 2:34; Efe. 4:9

Va le Roma 10:6

Kanilezi a kululama loku ku nga ka kukholwa ku ngalo: U nga wuli mbilwini ya wena, uku, Himani a ta nga kanziha le tilweni? (hi lezaku, kasi ku relelisa Kristu.) Deut. 30:12

Deuteronome 28:58

Loku u nga cheli kota ku lanzela timhaka tontlhe ta nayo lowu, leti ti tsalilweko ka bhuku legi, ni ku chava a vito legi ga hombe gi chavekako ga Jehova Nungungulu wa wena,

Deuteronome 30:12

A wu le tilweni ko kala uku: Himani a ta nga kanziha tilweni a ya hi tekela wona, a ta hi gonzisa kasi ha fela ku wu maha ke?

Kuvululelwa 19:12

A mahlo yakwe ma kotisa malangavi ya nzilo, ni hlokweni yakwe ku hi ni zidlodlo zinyingi; a hi ni vito gi tsalilweko, legi ku nga hiko kona loyi a gi tivako saseka yena yece. Xip. 2:17, 18; 6:2

Valamuli 13:18

A ngelosi ya Jehova yi te ngalo ka yena: Hikuyini u wutisako a vito ga mina ke? I vito gi hlamalisako!