Mavingu 29:4 - Tshwa Bible

⁴ A hosi yi tiyisa tiko hi kululama; anilezi leyi yi gi hlengisako ya gi hahlula.

Mavingu 29:4 Mawu Ofanana

2 Samueli 8:15

Davida i lo fumela vontlhe va ka Israeli, a lamula ni ku lulamisa timhaka ta vanhu vakwe vontlhe.

1 Tihosi 2:12

Solomoni i lo tshama xitshanwini xa wukosi xa raru wakwe Davida, ni mufumo wakwe wu lo tiyiswa nguvu.

2 Kronekele 9:8

A khesiwe Jehova Nungungulu wa wena, loyi a xaleleko ha wena a ku ku yimisa xitshanwini xa wena xa wuhosi a kuva hosi, u tirela Jehova Nungungulu wa wena! Hakuva Nungungulu i ranzile va ka Israeli a ku va hlayisa kala kupinzuka; hikwalaho i yimisile wena a kuva hosi hehla kabye, kasi wa fela ku lulamisa timhaka ni ku va lamula.

Joba 11:6

I wa ta ku kombisa mifihlakalo ya wutlhari, Legi gi wuyetako ha kambiri lezi u zi tivisako zona. Hikwalaho zi tive lezaku Nungungulu a nga ku tsayisi ku ringana ni kugoha ka wena.

Tisimu 89:14

A kululama ni nongameto ziseketelo za xitshamu xa wena xa wuhosi, A wuxinji ni zinene zi le nghoheni ya wena.

Tisimu 99:4

A hosi ya ranza nongameto ntanwini wa yona. Wena u tiyisa kululama, U tira nongameto ni kulongama ka Jakobe. Isa. 9:7

Mavingu 14:34

A kululama ku kulisa a tiko; anilezi a xionho i nzhukano ni ka gihi tiko.

Mavingu 16:10

A kuvumba ku le milonwini ya hosi, nomu wakwe a wu hoxisi kulamuleni kakwe.

Mavingu 16:12

Manyalataniso ka tihosi a ku maha kubiha; akuva a xitshamu xa wuhosi xi tiyisiwa hi kululama.

Mavingu 20:8

A hosi leyi yi tshamako xitshanwini xa kulamula, i hluta kubiha hi mahlo ya yona.

Mavingu 29:14

A hosi leyi yi lamulako zisiwana hi nongameto, xitshamu xa yona xa wuhosi xi ta tshama kala kupinzuka.

Mavingu 8:15

Hi kota ya mina a tihosi ta fuma, i tihosana ta yimisa nongameto.

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Danieli 11:20

Wutshanwini gakwe ku ta huma munwani loyi, a ta nga ruma mukhupisi a tsemakanya a tlhelo go saseka nguvu ga mufumo wakwe, kanilezi i ta lobyiswa na ku nga taku masiku mangani, na ku nga hi zanga hambu a yimpi.

Mika 7:3

A mandla yabye ma tlharihile ku maha zobiha. Hosana yi kombela, zinyikiwo, ni mulamuli i ranza ku xavelelwa; a wahombe i wulawula a, kumbilukela ka mbilu yakwe, lezo va hlengela ku tlavinyela timhaka.

1 Samueli 13:13

Samueli aku ka Saule: U mahile wupumbu; a ku hlayisangi zileletelo za Jehova Nungungulu wa wena, lezi a nga ku leletele zona. Hakuva Jehova ngha a wa yimisile mufumo wa wena hehla ka va ka Israeli kala kupinzuka.