Mavingu 27:10 - Tshwa Bible

¹⁰ A munghana wa wena ni mughana wa raru wa wena, u nga va tsiki; e hambu ku enghena ndlwini ya nakuloni a siku u nga zikaratweni: oyi a nga muakelane wa wena wa hunza a nakuloni loyi a nga le kule.

Mavingu 27:10 Mawu Ofanana

2 Samueli 19:24

Na Mefiboxete nʼwana Saule i lota ku ta khinga hosi; i lota na a nga ambexangi mikonzo yakwe, hambu ni ku xamula xilevu xakwe, hambu ku hlaza tinguwo takwe kusukela lego siku a hosi yi nga famba ha gona kala lezi a hosi yi wuyileko hi kurula.

2 Samueli 19:28

Hambulezo, maha kota kuranza ka wena, hakuva a yindlu yontlhe ya dadani wa mina, mbanhu va yimelweko hi kufa mahlweni ka hosi ya mina, kasi lezo wena u enghenisile a nanza ga wena xikari ka lava va gako mezeni ya wena! Kusasa muni nzi ta nga ku lava? Nza ha ta rilela yini kambe ka hosi?

2 Samueli 21:7

A hosi yi lo ponisa Mefiboxete nʼwana Jonatani wa Saule, hi kota ya xifungo xakwe ka Jehova, lexi xi nga wa hi kona ka vona, xikari ka Davida na Jonatani wa Saule.

2 Kronekele 24:22

Hosi Joaxi a nga alakanyangi a wutiene legi a mahelweko hi Jehoiada, raru wa Zakaria; kanilezi i lo daya a nʼwana wakwe Zakaria, loyi laha na afa, a ngaku: Jehova a cuwukisise, a tlhelisela:

Mavingu 17:17

A liranzo la munghana la su tsoma xontlhe xikhati, i nakulobye i pswalelwe ku vunetela kuxanisekeni.

Mavingu 18:24

Loyi a hlotako a vanghana vo tala i ti lavela khombo; Kanilezi ku na ni munghana loyi a tsumbekileko ku hunza makabye.

Mavingu 19:7

A xisiwana xi vengiwa hi vontlhe vanakulobye; vanghana vakwe va fambela kule kakwe: a va khongotela, kanilezi vo ti sukela.

Jeremia 2:5

Jehova i ngalo: Xana kubiha muni a vararu va nwina va ku kumileko ka mina ke? Lezi va tshamako va tsawukene na mina, Va lanzela zifananiso zi nga vuniko, Va hunzuka vava lava va nga nyawuliko? 2 Tih. 17:15; Rem. 1:21

Mitiro 23:12

Laha gi nga wa cile, a vaJuda vanwani va lo tsema khungo, va hlambanya vaku va nga taga ni kunwa va kala va mu daya Paule. Xip. 21:30; 25:3

Deuteronome 22:1

Loku u wona a homu ya nakuloni kutani i yivu yakwe na yi lahlekile, u nga yi tsiki; kanilezi yi helekete ka nakuloni. Ekso. 23:4