Mavingu 24:12 - Tshwa Bible

¹² Loku uku: Languta, a hi zi tivangi; oyi a pimako timbilu a nga zi woni ke? oyi a hlayisako muhefemulo wa wena a nga zi tivi ke? nga ta chachazela munwe ni munwani kota mitiro yakwe ke? Jer. 32:19; Rom. 2:6; Kuv. 22:12

Mavingu 24:12 Mawu Ofanana

Joba 34:11

Hakuva i tlhelisela munhu maringano ni ntiro wakwe, A mu nyika maringano ni mahanyela yakwe. Mat. 16:27; 1 Kor. 3:8; 2 Kor. 5:10

Tisimu 121:3

A nga ta vumela a nkonzo wa wena ku retemuka, Loyi a ku hlayisako a nga ta kudzehela.

Tisimu 121:8

Jehova i ta ku hlayisa kuhumeni ka wena ni kuwuyeni ka wena, Kusukela lezi ni kala kupinzuka. Deut. 28:6

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Tisimu 44:21

Xana Nungungulu a wa nga zi tivangi ke? Hakuva wa tiva a mifihlakalo ya mbilu.

Tisimu 62:12

Ni wuxinji kambe gi lumba wena, Hosi; Hakuva u tlhelisela munhu ni munhu maringano ni mitiro yakwe. Rom. 2:6; 1 Kor. 3:8; Kuv. 22:12

Tisimu 66:9

Loyi a hanyisileko mihefemulo ya hina, A nga vumelangi lezaku a mikonzo ya hina yi khuveka.

Tisimu 7:9

Ngha ku mbhela a kubiha ka va nga lulamangiko; Kanilezi u tiyisa laʼvo lulama; Hakuva wena Nungungulu u lulamile, wa hlolisisa timbilu ni tiswa. 1 Sam. 16:7; Joba 7:17; Kuv. 2:23

Tisimu 94:9

Loyi a nga milisa a ndleve a nga tazwa ke? Loyi a nga maha tihlo a nga ta wona ke? Ekso. 4:11; Mav. 20:12

Mavingu 12:14

A munhu i ta eneliswa hi wunene ga mihanzu yi humako nonwini wakwe; munhu i ta tlheliselwa hi ku ringana ni mitiro ya mandla yakwe. Mat. 16:27; 2 Kor. 5:10

Mavingu 16:2

Tontlhe tindlela ta munhu ti basile kuwoneni ka yena nwinyi; anilezi Jehova i pima a mimoya.

Mavingu 21:2

A tindlela tontlhe ta munhu ti lulamile kuwoneni kakwe yena nwinyi; anilezi Jehova hi yena a pimako timbilu.

Mavingu 5:21

Hakuva a tindlela ta munhu ti le kuwoneni ka Jehova, i yena a tivako mafambela yakwe wontihe. Jer. 18:17; Maheb. 4:13

Mavingu 5:22

A wakubiha i ta phasiwa hi kugoha kakwe, ta bohiwa hi magota ya kuonha kakwe wutsumbu.

Mutshawuteli 5:8

Loku u wona kutsimbeketwa ka zisiwana ni kuhambunyetwa ka milayo lomu tikweni, lezo ngha zi nga ku hlamalisi; hakuva loyi a tlakukileko wa cuwukiwa hi loyi a mu hunzako, ni hehla ka vona vontlhe ku na ni vanwani va tlakukileko nguvu.

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Jeremia 32:19

U wa hombe makungwini, u ni ntamu kumaheni; a mahlo ya wena ma wona a mahanyela wontihe ya vana va vanhu, kasi ku nyika ka munwe ni munwani kukotisa a hanyela gakwe, ni kukotisa a mbhanzu wa mitiro yakwe.

Mikosi 3:36

Ni ku kalavela munhu mhakeni yakwe, Xana Hosi a yi zi woni ke?

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mitiro 17:28

Hakuva ka yena ha hanya, ha fambafamba, hi hi ni kuvakona ka hina; kota lezi va wulileko a vanwani va vasimi va nwina va tisimu, vaku: Hinawu kambe hi pswalo wakwe. Kol. 1:17; Maheb. 1:3; Tit. 1:12

Va le Roma 2:16

Zi tava tano hi siku lego Nungungulu a ta nga lamula a zigungu za vanhu ha Jesu Kristu, kotisa lezi yi wulako a ivangeli leyi nzi yi kanelako. Joh. 5:22; Kuv. 20:12

Va le Roma 2:6

loyi a ta nga tlhelisela munwe ni munwani kotisa mitiro yakwe. Mat. 16:27

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Kuvululelwa 1:18

ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9

Kuvululelwa 2:18

Tsalela a ngelosi ya bandla ga le Tiatira, uku: A Nʼwana wa Nungungulu loyi a nga ni mahlo yo khwatsi malangavi ya nzilo, ni mikonzo yo khwatsi i suku wu ngangamelako, i ngalo:

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

Kuvululelwa 22:12

Languta, nzata lokuloku ni nchachazelo wa mina, kasi ku ta nyika munwe ni munwani kotisa lezi wu nga zona ntiro wakwe. Isa. 40:10; 62:11; Xip. 20:12

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34

1 Samueli 2:3

Mu nga ha engeti mu wulawula hi matshanza, Ni wuxezi gi nga ha humi nonwini wa nwina; Hakuva Jehova i Nungungulu loyi a tivako zontlhe. Hi yena loyi a ringanyisako zimaho za vanhu.

1 Samueli 2:6

Jehova wa daya, wa hanyisa, Wa releta vanhu le Xeole, wa va humesa.

1 Samueli 25:29

Hambu loku munhu a suka a hlongolisa, a hlota wutomi ga wena, a wutomi ga hosi ya mina gi ta hlayiswa ha Jehova Nungungulu wa wena, gi bohiwa ka nyanza yinwe ni lava va hanyako; kasike a wutomi ga valala va wena gi ta cukumetiwa kule kota xinziwanziwani. Tis. 6:10; 31:21; 97:10