Mavingu 21:1 - Tshwa Bible

¹ A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Mavingu 21:1 Mawu Ofanana

2 Tihosi 19:33

I ta tlhela hi ndlela leyi a ngata ha yona; cima a nga ta enghena ka lowu muti, ku wula Jehova.

Ezra 1:1

Hi lembe go ranga ga kufuma ka Kurusi a hosi ya le Persia, lezaku kasi a gezu ga Jehova legi a nga gi wula hi nomu wa Jeremia gi fela ku tatiseka, Jehova i lo vuxa a moya wa Kurusi a hosi ya le Persia, aba hungu lomu mufunwini wakwe wontihe ni ku tsala a timhaka, aku: 2 Kro. 36:22; Jer. 25:12; 29:10

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Ezra 6:22

Va lo maha a mubuzo wa zibaba zi nga hiko na comelo, 7 wa masiku na va tsakile; hakuva Jehova i wa va tsakisile, ni ku kucetela a mbilu ya hosi ya Asiria lezaku yi tiyisa a mandla yabye mitirweni ya yindlu ya Nungungulu wa ka Israeli.

Nehemia 1:11

Hosi, nza ku khongotela, panga ndleve ya wena uzwa mukombelo wa nanza ga wena, ni mukombelo wa malanza ya wena, tawa ma tsakelako ku chava a vito ga wena. Nza ku khongotela lezaku u vuvumisa a nanza ga wena nyamutlha, u mu mahela tipswalo kuwoneni ka wanuna loyi. (Makunu nzi wa hi muweleli Wa gombe ga hosi.)

Nehemia 2:4

Zonake a hosi yiku ka mina: Makunu u kombela yini ka mina? Zinghaho nzi lo kombela ka Nungungulu wa le tilweni.

Nehemia 2:8

ni papilo goya ka Asafa, a muhlayisi wa khwati ga hosi, kasi a fela ku nziha a tisinya to maha ha tona a timhanze ta tinyangwa ta khokhola ga yindlu ya Jehova, ni ta ligingisi la muti, ni ta yindlu leyi nzi ta nga tshama ka yona. A hosi yi lo nzi nyika, khwatsi hi lezi a canja ga ginene ga Nungungulu wa mina gi nga hi hehla ka mina.

Estere 2:17

A hosi yi lo ranza Estere ku hunza vontlhe vavasati, a tsakelwa nguvu hi hosi ku hunza vanwani vanhwana; zinghaho i lo mu ambexa a xidlodlo xa wuhosi hlokweni yakwe, a mu maha muzinza xikhundleni xa Vaxti.

Tisimu 105:25

Lava a nga hunzula timbilu tabye lezaku va venga vanhu vakwe; Va maha wumbyori ka malanza yakwe.

Tisimu 106:46

A va maha va zwelwa wusiwana Hi lava va nga va maha tikhumbi.

Tisimu 114:3

A bimbi gi lo zi wona gi tsutsuma, Jordani gi lo tlheliswa nzhako. Ekso. 14:21; Jox. 3:16

Tisimu 114:5

Wena bimbi, xini xi ku mahako u tsutsuma ke? Na wena Jordani, lezi u nga tlhelela nzhako?

Tisimu 74:15

U velisile a zibuka ni micongo, U pswisa a micongo ya ntamu. Ekso. 17:6; Mitse. 20:11; Jox. 3:16

Tisimu 93:4

Ku hunza a magezu ya mamati, Ku hunza mabyandlati ya bimbi, Jehova wa le hehla i na ni ntamu ku hunza zona.

Eksodusi 7:3

Kanilezi mina nzi ta nonohisa a mbilu ya Faro, zonake nzi anzisa a zirewukiso za mina lomu tikweni ga Gipite.

Mavingu 16:1

A munhu i pola makungo mbilwini yakwe, anilezi a hlamulo wa lirimi wuta hi le ka Jehova.

Mavingu 16:9

A mbilu ya munhu yi mu longisela a tindlela takwe, anilezi Jehova wa rangela kufamba kakwe.

Mavingu 20:24

A mafambela ya munhu ma layiwa hi Jehova; munhu a nga zi kotisa kuyini ku pima tindlela takwe wutsumbu?

Isaya 43:19

Langutani, nzi ta maha a xilo xiswa; Xi sina xi woneka, a mu xi woni ke? Nzi ta bhoxa ndlela lomu xiwuleni, Ni micongo lomu ligwangweni,

Isaya 44:27

Hi mina nzi nge ngalo ka kueta ka bimbi, Pswhana! Nzi ta pswhisa a micongo ya wena.

Jeremia 39:12

Mu teke, u mu hlayisa, u nga dzuki u mu mahela kubiha; kanilezi maha kakwe lezo a to ku byela.

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Mitiro 7:10

a mu tlhatlhisa makhombyeni yakwe wontihe, a mu nyika thomo ni kutlhariha mahlweni ka Faro, a hosi ya le Gipite; a hosi yi lo mu yimisa a kuva mufumeli wa le Gipite, ni wa yindlu yakwe yontlhe. Gen. 42:6

Kuvululelwa 16:12

Leʼya wuntlhanu ni yinwe yi lo halata mukhelo wa yona le congweni lowu wa hombe Eufrate; ni mati ya wona ma lopswha, lezaku ku longiselwa ndlela ya tihosi ta le Mutsuwuka-gambo. Isa. 41:2, 25; Xip. 9:14

Kuvululelwa 16:4

Leʼya wunharu yi lo halata mukhelo wa yona micongweni ni lomu tihlobyeni ta mati, ma hunzuka ma maha nkhata.