Mavingu 20:3 - Tshwa Bible

³ Wa dzunzeka a munhu loyi a tsikako timholova; anilezi a zipumbu zontlhe zi ti nyiketela ka tona.

Mavingu 20:3 Mawu Ofanana

Genesisi 13:7

Ku wa hi kona maguwa xikari ka varisi va tihomu ta Abrama, ni varisi va tihomu ta Loti; a maKanani ni maPerezi va wa akile lomu tikweni xikhatini lexo.

Genesisi 13:8

Abrama aku ngalo ka Loti: Ngha ku nga hi kona maguwa xikari ka mina na wena, ni xikari ka varisi va mina ni varisi va wena, hakuva hi vamakabye.

2 Tihosi 14:9

Joaxi a hosi ya ka Israeli i lo rumela mitsumi ka Amazia a hosi ya ka Juda, aku: A muzwa lowu wu nga le Lebanoni wu lo rumela mhaka ka sinya ya sedare lowu wu nga le Lebanoni, wuku: Nyikela a nhanyana wa wena ka nʼwana wa mina a maha sati wakwe! Kanilezi a zihari za khwati lezi zi nga lomo Lebanoni zi lo hunza zi kanzihela muzwa lowo. Vala. 9:8

Mavingu 14:17

Loyi a nga ni xizangazangani i maha zilo zo hunguka hi wupumbu; munhu wa makungo ya kubiha wa vengeka. Mav. 12:16; Jak. 1:20

Mavingu 14:29

Loyi a nonokako ku zangara i na ni kupima; anilezi loyi a hatlisako ku zangara i kulisa wupumbu.

Mavingu 16:32

Loyi a nonokako ku zangara i hunza nhenha; i loyi a fumelako moya wakwe i hunza loyi a tekako muti.

Mavingu 17:14

A kusangula ka timholova ku khwatsi hi loku a mati ma halaka; ikwalaho tsika kukanetisana na ti nga se sangula timholova.

Mavingu 18:6

A nomu wa xipumbu wu xi enghenisa timholoveni, i nomu wakwe wu mu vitanela timbirimbi.

Mavingu 19:11

A munhu a tlharihileko wa nonoka ku zangara; bukosi gakwe a ku tsetselela zihambunyeto.

Mavingu 21:24

Mutseketseli hi vito ga munhu wa matshanza, a ti kukumukisako, oyi a mahako zilo hi zanga ya matshanza.

Mavingu 26:17

A muhunzi loyi a ti enghenisako timholoveni, na ti nga mu henyi, fanana ni loyi a khomako a mbyana hi tindleve.

Va le Efesusi 4:32

Ngha mu hi ni wunene ka munwe ni munwani, mu zwelana wusiwana, ni ku tsetselelana, kota lezi Nungungulu kambe a nga mu tsetselela ha Kristu.

Jakobe 3:14

Kanilezi loku mu hi ni xiluse xa mona ni kuhambana timbilwini ta nwina, mu nga ti kulisi, mu hembela zinene. Rom. 2:17, 23; 13:13

Jakobe 4:1

Kuta hi kwihi a kulwa ni kukanetisana xikari ka nwina ke? Xana a ku humi kumbilukeleni loku ku lwako zirweni za nwina ke? Rom. 7:23; Gal. 5:17