Mavingu 19:21 - Tshwa Bible

²¹ Ku na ni makungo manyingi mbilwini ya munhu; anilezi a wusungukati ga Jehova hi gona gi tiyileko.

Mavingu 19:21 Mawu Ofanana

Genesisi 50:20

Nwina mu wa alakanyile ku nzi mahela kubiha, kanilezi Nungungulu i lo nzi alakanyela kusasa, kasi a fela ku maha lezi zi mahekileko, ni lezaku a ponisa a tiko legi ga hombe.

2 Samueli 17:14

Absalome ni vontlhe vavanuna va ka Israeli va te ngalo: A xikungo xa Huxai a muArke xi sasekile ku hunza xa Ahitofeli. Hakuva Jehova i wa xuvile ku chipisa a xikungo xa xinene xa Ahitofeli, kasi a khombo ga wela Absalome. Joba 5:12

Estere 9:25

Kanilezi laha a mhaka yi nga chikela hosini, Estere i lo rumisa lezaku ku hangalaswa mapapilo yo vukela a xikungo lexi xi nga wa bohelwe vaJuda, ni lezaku xi wela hlokweni yakwe Hamani, yena ni vana vakwe va hayekiwa timhanzeni.

Joba 23:13

Kanilezi i na ni kualakanya kunwe ntsena, himani a nga mu hunzulusako? Ni lezi a zi ranzako wa zi maha. Dan. 4:32

Tisimu 21:11

Hakuva va ku xuvele kubiha, Va boha xikungo, kanilezi a va xi kotangi.

Tisimu 83:4

Vaku ngalo: Ngonani hi ta va lovisa va nga have tiko, Kasi a vito ga Israeli gi nga ha alakanyiwi.

Mavingu 12:2

A munhu nene i kuma thomo hi ka Jehova; anilezi a munhu wa makungo ya kubiha i ta mu kona.

Mavingu 16:1

A munhu i pola makungo mbilwini yakwe, anilezi a hlamulo wa lirimi wuta hi le ka Jehova.

Mavingu 16:9

A mbilu ya munhu yi mu longisela a tindlela takwe, anilezi Jehova wa rangela kufamba kakwe.

Mavingu 19:22

Lexi xi sasekisako munhu hi wunene gakwe; xisiwana xi nene ku hunza a munhu wa wunwa.

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Mavingu 21:30

A gi kona wutlhari, kutani kupima, e hambu wusungukati legi gi hlulako Jehova.

Mutshawuteli 7:29

Languta, lexi nzi xi kumile ntsena: lezaku Nungungulu i, mahile munhu na a lulamile, kanilezi vona va ti polele mikhuwo minyingi.

Isaya 14:24

Jehova wa tiyimpi i hlambanyile, aku: Hizinene, zi ta maheka khwatsi hilezi nzi zi alakanyileko, Khwatsi hilezi nzi zi xuvileko, zi tava lezo.

Isaya 46:10

Nzi tlhatlhambutela a zilo na za hi ku sangula, Nzi vumba ni lezi zi kalako zi nga se ku maheka; Nziku: A makungu ya mina ma ta tatiseka, Nzi tira zontlhe lezi nzi zi ranzako.

Jeremia 44:29

A xikombiso xa nwina xo tiyisa lezaku nzi ta mu tsayisa wutshanwini legi, ku wula Jehova, kasi mu fela ku zi tiva lezaku a timhaka ta mina ti ta tatiseka hi khombo hehla ka nwina, hi lexi:

Ezekieli 20:32

Lezi nwina mu zi alakanyako zi nga ta maheka, lezi mu nge: Hi ta fanana ni yinwani mifumo ni tixaka ta matiko: hi ta khozela a tisinya ni maribye. Deut. 4:28

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17

1 Pedro 2:8

Kambe: A ribye ga xikhunguvanyiso, ni ribye legi gi ta nga va wisa. Va khunguvanyeka ha gona hakuva a mhaka a va yi ingisi; hakuva va wa yimiselwe lezo. Isa. 8:14; Rom. 9:22

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22