Mavingu 19:12 - Tshwa Bible

¹² A zanga ya hosi yi khwatsi i nghonyamo yi dzumadzumako; anilezi a liranzo lakwe li fanana ni nzhokati yi welako byanyini,

Mavingu 19:12 Mawu Ofanana

Genesisi 27:28

Nungungulu a ku nyike za nzhokati ya tilo, Ni kunona ka misava, Ni wunyingi ga mavele ni vinya.

2 Samueli 23:4

I fanana ni wuronga loku gambo gi tsuwuka, Ni mixo leyi yi nga hiko na marefu; A kuwoninga ka gona anzhako ka kuna ka vula, Ku milisa a byanyi ga misava. Vala. 5:31

Estere 1:12

Kanilezi muzinza Vaxti i lo kanyisa kuleletela ka hosi a ngayi. Hikwalaho a hosi yi lo holova, a zanga ya yona yi vindluka.

Estere 7:8

Zonake a hosi yi suka le tsenzeleni wa zinza yi wuya laha va nga nwela kona vinya, Hamani na a wile laha a nga tshamile kona Estere. Zonake a hosi yiku: I kurumeta ni muzinza kuwoneni ka mina lomu ndlwini ya mina! A xikhati a hosi yi nga wa wulawula, va lo fenengeta a nghohe ya Hamani.

Tisimu 133:3

Zi fanana ni nzhokati ya le Hermoni, Leyi yi welako zitsungeni za Zioni; Hakuva hi laho Jehova a rumako makatekwa, A wutomi kala kupinzuka.

Tisimu 72:6

I ta kota vula loku yina lomu magelweni, Kotisa a ti vula ti tsanisako misava.

Mavingu 20:2

A kutshisa ka hosi ku khwatsi kudzumadzuma ka nghonyamo; i wihi loyi a yi zangarisako wa vukela muhefemulo wakwe.

Mavingu 28:15

Khwatsi hi nghala yi dzumako, ni urso legi gi nga ni ndlala, inghaho ni mufumeli wo biha loyi a fumelako zisiwana.

Mutshawuteli 8:4

A gezu ga hosi gi na ni ntamu; Himani a ta ngaku kakwe: U maha yini ke?

Isaya 18:4

Hakuva Jehova i nzi byelile, aku: Nzi ta rula, nzi cuwuka na nzi hi lomu ndlwini ya mina, Khwatsi hi mumu wo hisa loku gambo gi cile, Kukotisa a hunguva ya mbhera xikhatini xa ximumu loku ku tshoveliwa.

Danieli 5:19

Hi kota ya wukulu legi a nga mu nyika gona, a va matiko wontihe ni tixaka ni tirimi va lo chava va rurumela mahlweni kakwe. I wa daya ni wihi a ranzako ku mu daya, a hanyisa ni wihi a ranzako ku mu hanyisa, a tlakusa ni wihi a ranzako ku mu tlakusa, ni ku tsongahata ni wihi a ranzako ku mu tsongahata.

Danieli 6:24

Zonake hi kulayiwa ka hosi ku lo nehiwa a vavanuna lava va nga ranisa Danieli, va ta hoxiwa lomu nkeleni wa tinghala, vona ni vanana vabye ni vasati vabye. Vaku va nga se chikela lehasi ka nkele, a tinghala ti va khamukela ti tshoveletela a marambu yabye wontihe.

Hosea 14:5

Nzi ta ku khwatsi nzi nzhokati ka Israeli; na yena i ta pfepfa ku fanana ni xitsangi, a tlhava mitsu ku fanana ni tisinya ta Lebanoni.

Mika 5:7

A misalela ya ka Jakobe yi tava xikari ka matiko manyingi, khwatsi i nzhokati yi tako hi ka Jehova, ni ku khwatsi madona ya vula laha ka byanyi, leyi yi nga yimiswiko hi munhu, hambu ku rinzela a vana va vanhu.

Deuteronome 33:28

Israeli i akile hi kurula, A hlowo ya Jakobe yi tshameka, A tikweni ga mavele ni vinya; Hakunene a tilo gakwe gi dona a nzhokati. Jer. 23:6; 33:16