Mavingu 18:10 - Tshwa Bible

¹⁰ A vito ga Jehova i khokhola go tiya; oyi a lulamileko wa chavela ka gona a pona.

Mavingu 18:10 Mawu Ofanana

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 32:11

Nzi ponise canjeni ga nakulori, kona canjeni ga Esau; hakuva nza mu chava, ku nga taku a nzi daya zinwe ni vanyine ni vanana.

2 Samueli 22:2

Jehova ribye ga mina, ni khokhola ga mina, ni muponisi wa mina! Deut. 32:4

2 Samueli 22:3

Nungungulu wa mina, a ribye ga mina legi nzi chavelako ka gona, A xitlhangu xa mina, ni limhonzo la kuhanya ka mina, Ni khokhola ga mina gi tlakukileko, ni wuchavelo ga mina! Muhlanguti wa mina, u nzi hanyisako ka lava va nzi hlokisako. Lu. 1:69; Maheb. 2:13

2 Samueli 22:51

Yena i ponisile a hosi yakwe hi kuhanyisa ka hombe, A kombisa wuxinji ka a totilweko wakwe, Ka Davida ni ka pswalo wakwe kala kupinzuka.

Tisimu 144:2

Hi yena tipswalo ta mina ni khokhola ga mina, I khokhola ga mina go tlakuka, tlhelo mutlhatlhisi wa mina, Xitlhangu xa mina, ni wuchavelo ga mina; Loyi a nzi tsongahatelako vanhu va mina.

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 20:2

Ngha a ku rumela kuvunetela kakwe hi le tempeleni, A ku tiyise na a hi le Zioni.

Tisimu 27:1

Jehova hi kuwonekela ka mina ni kuhanyisa ka mina; Nzi ta chava mani ke? Jehova hi khokhola ga wutomi ga mina; Nzi ta rurumela ha mani ke?

Tisimu 91:14

Khwatsi hilezi a nzi ranzako, nzi ta mu tlhatlhisa, Nzi ta mu hlayisa hakuva i tivile a vito ga mina.

Tisimu 91:2

I taku ha Jehova: I wuchavelo ga mina ni khokhola ga mina, Nungungulu wa mina loyi nzi mu tsumbako.

Eksodusi 6:3

Nzi ti wonekelisile ka Abrahama, ni ka Isaka, ni ka Jakobe, na nzi hi Nungungulu wa Ntamu-wontlhe, kanilezi a vito ga mina ga Jehova gi wa nga tiveki ka vona.

Mavingu 14:26

Kuchaveni ka Jehova ku na ni kutsumba; i vana vakwe va tava ni wutshamu ga wuchavelo.

Mavingu 29:25

A ku chava vanhu ku neha ziyo, anilezi loyi a tsumbako Jehova i ta pona. Mat. 10:28

Isaya 26:4

Tsumbani Jehova kala ku pinzuka, Hakuva Jehova Jehova i ribye ga pinzukelwa. Deut. 32:4; Tis. 18:2

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Habakuka 3:19

Hosi Jehova hi yena a ntamu wa mina, I ta hunzula a milenge ya mina yi fanana ni ya timhuti, I ta nzi fambisa zitsungeni za mina. 2 Sam. 22:34 A ka muchuli, ku yimbelelwa ka zitende za mina.

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Kuvululelwa 1:8

Hi mina Alfa na Omega, ku wula Hosi Nungungulu, Loyi a nga kona, Loyi a nga hi kona, Loyi a ta ngata, a Nyamintamu. Isa. 41:4; 44:6

1 Samueli 17:45

Davida aku ka muFilistia: Wena uta ka mina ni supado, ni tlhari, ni hubhula, kanilezi mina nzita ka wena hi vito ga Jehova wa tiyimpi, ni ga Nungungulu wa tiyimpi ta ka Israeli leti wena u ti tlangamelako:

1 Samueli 30:6

Davida i wa hi hlomulweni wa hombe nguvu, hakuva vanyingi va wa alakanya ku mu gandla hi maribye, hakuva a timbilu ta vanhu vontlhe ti wa hi hlomulweni, hilezi loyi ni loyi i wa karatekela a vafana vakwe ni vanhanyana vakwe. Kanilezi Davida i lo ti tiyiseta hi Jehova a Nungungulu wakwe.