Mavingu 17:13 - Tshwa Bible

¹³ A khombo cima gi nga ta huma ndlwini ya munhu oyi a tlheliselako kusaseka hi kubiha. Rom. 12:17; 1 Tes. 5:15; 1 Ped. 3:9

Mavingu 17:13 Mawu Ofanana

2 Samueli 12:10

Hikwalaho a supado cima yi nga ta huma lomu ndlwini ya wena, hambu ni siku ginwe, hakuva u nzi kanyisile hi ku teka a sati wa Uria a muHiti u mu maha wa wena.

1 Tihosi 21:22

a yindlu ya wena nzi ta yi maha khwatsi hi lezi nzi nga maha a yindlu ya Jeroboamu a nʼwana Nebate, ni ku yi maha khwatsi hi lezi nzi nga maha a yindlu ya Baaxa a nʼwana Ahija, hakuva u nzi zangarisile hi ku onhisa va ka Israeli.

Tisimu 35:12

A kusasa ka mina va tlhelisela hi kubiha, Nzi tsikiwa nzoce.

Tisimu 38:20

Lava va tlheliselako kusaseka hi kubiha, Valwa na mina hakuva nzi lanzela kusaseka.

Mavingu 13:21

A kubiha ku hlongolisa vaonhi; anilezi a wunene i nchachazelo wa valulamileko.

Mateu 27:25

A vanhu vontlhe va lo hlamula, vaku: A nkhata wakwe a wuve hehla ka hina, ni hehla ka vana va hina. Deut. 19:10; Jox. 2:19; 2 Sam. 1:16

Mateu 27:5

Lezo i lo hoxa a mali lomo tempeleni; i lo suka, a famba a ya ti sunga. 2 Sam. 17:23; Miti. 1:18

Va le Roma 12:17

Mu nga tlheliseli a munhu kubiha hi kubiha. Chelani kota hi zilo zi nene mahlweni ka vanhu vontlhe.

1 Va le Tesalonika 5:15

Cuwukani lezaku munhu a nga tlheliseli kubiha hi kubiha; kanilezi xontlhe xikhati mahani kusaseka munwe ka munwani ni ka vanhu vontlhe. Levi 19:18; Mav. 24:29

1 Pedro 3:9

Mu nga tlheliseli a kubiha hi kubiha, hambu ku tlhelisela a nzhukano hi nzhukano; kanilezi katekisani vanhu, hakuva mu vitanelwe lezo, lezaku mu taga a tshomba ya kukateka. Mat. 5:39

1 Samueli 19:4

Jonatani i lo Wulawulela Davida ka raru wakwe Saule, aku: Ngha hosi yi nga dzuki yi onha hi ku vukela a nanza ga yena Davida, hakuva a nga ku onhelangi nchumu, kanilezi lezi a mahileko hi lezi zi ku vunako nguvu.

1 Samueli 24:17

I te ngalo ka Davida: Wena u lulamile ku hunza mina, hakuva u nzi tlhelisela hi kusaseka; kanilezi mina nzi ku tlhelisela hi kubiha.

1 Samueli 25:21

Makunu Davida i te ngalo: Hakunene nzi zi hlayisele mahala zontlhe lezi a munhu loyi a nga hi nazo le xiwuleni; cima a ku lahlekangi nchumu ka lezi a fuyileko. Makunu i tlhelisela kusasa hi kubiha.