Mavingu 16:19 - Tshwa Bible

¹⁹ Zi sasekile a ku ti tsongahata ni zisiwana, u hunza ku avelana muphango zinwe ni va matshanza.

Mavingu 16:19 Mawu Ofanana

Tisimu 138:6

Hambu lezi Jehova a tlakukileko, wa khatalela lava va koramileko; Wa tiva a vamatshanza na va hi kule. Lu. 1:48, 52; 14:11

Tisimu 34:18

Jehova i kusuhi ni lava va tshovekileko timbilu; A hanyisa lava va nga ni moya wu panzekileko. Isa. 57:15; 66:2; Lu. 18:13

Eksodusi 15:9

A nala ite: Nzi ta tsutsumisa, nzi khoma, nzi phanga. A muhefemulo wa mina wu ta xuriswa ha vona; Nzi ta hlomula a tlhari ga mina, nzi va daya.

Mavingu 1:13

Hi ta kuma zontlhe zo saseka, i ta tata tiyindlu ta hina hi muphango;

Mavingu 1:14

Ti tlhanganyise zinwe na hina, ina hontlhe hi tava ni nkwama munwe.

Mavingu 25:7

Hakuva zi sasekile ka wena loku vaku: Tshinela leno, ku hunza ku tsongahatiwa mahlweni ka hosi eyi u yi wonako hi mahlo. Lu. 14:8

Mavingu 29:23

A matshanza ya munhu ma ta mu tsongahata; anilezi loyi a nga ni moya wa kutikoramisa, i ta dzunziwa. Lu. 14:11; 1 Ped. 5:5

Mavingu 3:34

Hizinene wa tseketsela vatseketseli, anilezi wa nyika tipswalo ka lava va ti koramisako. Isa. 66:2; 1 Ped. 5:5; Jak. 4:10

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 53:12

Hikwalaho nzi ta mu nyika xiavelo xakwe ni vahombe, I ta avana muphango ni laʼva ntamu, Hakuva i nyikele kuhanya kakwe kufeni, A hlayiwa zinwe ni vahambunyeti, Hambu lezo a nga rwala a zionho za vanyingi, A kombelela vahambunyeti. Lu. 22:37; 23:33; Joh. 17:2, 6

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 9:3

U anzisile a tiko, u kulisile kutsaka kabye; Va tsakile mahlweni ka wena ku khwatsi hi lava va tshovelako, Va hlalela kukotisa vanhu va avelanako muphango.

Mateu 5:3

Va katekile a zisiwana moyeni, hakuva mufumo wa le tilweni ngwabye. Lu. 6:20

Valamuli 5:30

Ina hambu vona a va lo kuma muphango va avelana? A wanuna munwe ni munwani a nga nyikwangi a nhwana kutani vanhwana vambiri ke? Sisera a ngava a nyikilwe tinguwo ta mivala yi hambeneko, A muphango wa tinguwo ta mavalavala ti komelweko, A tinguwo ta mivala yi lukelweko matlhelo mambiri, to bombisa a nhamu ya muhluli.