Mavingu 15:32 - Tshwa Bible

³² Loyi a alako gonziselelo i kanyisa muhefemulo wakwe; anilezi loyi a ingisako ziluleko i kuma kupimisisa.

Mavingu 15:32 Mawu Ofanana

Tisimu 50:17

Wena loyi u nga ranziko ku layiwa, U hoxako a magezu ya mina lenzhako ka wena.

Mavingu 1:7

A ku chava Jehova hi masangulo ya wutivi: anilezi a zipumbu zi kanyisa wutlhari ni gonziselelo. Joba 28:28

Mavingu 10:17

Loyi a hlayisako gonziselelo i lomu ndleleni ya wutomi; anilezi loyi a alako ku lulekwa wa lahleka.

Mavingu 13:18

A wusiwana ni tingana zi tava ka loyi a alako ziluleko; anilezi loyi a amukeleko kukawukwa i ta dzunziwa.

Mavingu 15:14

A mbilu ya loyi a nga ni kupimisisa yi hlota wutivi; anilezi a milomu ya zipumbu yiga wupumbu.

Mavingu 15:21

A wupumbu litsako ka loyi a nga hiko na wutlhari; anilezi a munhu wa kupima i famba hi kululama.

Mavingu 15:31

Loye a ndleve yakwe yi ingisako ziluleko zi yisako kuhanyeni, ta tshama xikari ka lava vo tlhariha.

Mavingu 15:33

A ku chava Jehova i gonziselelo ya wutlhari; kutitsongahata ku rangela wudzunzo. Miti. 14:22; 1 Ped. 1:6

Mavingu 15:5

A xipumbu a xi khatali hi ziluleko za raru wa xona; anilezi loyi a ingisako ziluleko i tlharihile.

Mavingu 17:16

Zi vuna yini a kuva a xipumbu xi hi ni mali ya ku xava wutlhari, aha a mbilu ya xona yi nga gi khataleliko ke?

Mavingu 18:15

A mbilu ya munhu a tlharihileko ya kuma wutivi; i ndleve ya tlhari yi hlota wutivi.

Mavingu 19:20

Zwana wusungukati, u amukela ku layiwa, asi a masiku ma ha tako u fela ku tlhariha.

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Mutshawuteli 7:5

I chukwana a ku ingisela a ziluleko za tlhari, ku hunza ku ingisela lisimu la zipumbu.

Isaya 1:5

Hi yini mu ta nga nonohisa mu biwa, hi ku anzisa a kuhluwuka ka nwina? A hloko yontlhe ya babya, a mbilu yontlhe yi bayiseka.

Isaya 3:9

A tinghohe tabye ta va kona; va fanana ni vanhu va Sodoma, va maha zionho zabye kubaseni, a va zi fihli. Khombo ka mihefemulo yabye, hakuva va ti mahele kubiha vona wutsumbu. Gen. 13:13; Jer. 2:17

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Deuteronome 21:18

Loku munhu a hi ni mufana a nga ni kanu, loyi a nga ingisiko a gezu ga raru wakwe, ni ga mamani wakwe; loyi waku hambu loku va mu laya, kanilezi a nga ingisi;

Deuteronome 21:20

va ta ku ngalo ka masingalakati ya muti wabye: A nʼwana loyi wa hina; i na ni kanu, a nga ingisi a gezu ga hina, xifelembu, ni xidakwa.

Maheberu 12:15

Ti woneleni lezaku ku ngavi kona munhu a kiyelelwako hi tipswalo ta Nungungulu; lezaku ku nga dzuki ku mila a mutsu wa kubava wu mu karata, ni lezaku a vanyingi va nyenyeziswa ha wona. 2 Kor. 6:1

Jakobe 1:22

Kanilezi ngha mu hi vamahi va mhaka, mu nga hi vazwi ntsena, mu ti kanganyisa. Mat. 7:21; Rom. 2:13

Kuvululelwa 3:19

Nzi kawuka ni ku tsayisa vontlhe lava nzi va ranzako; hikwalaho pinyama u hunzuluka. Mav. 3:11; Maheb. 12:5