Mavingu 15:27 - Tshwa Bible

²⁷ Loyi, a navelako a bhinzu i karata yindlu yakwe; anilezi loyi a alako ku rengelelwa i ta hanya.

Mavingu 15:27 Mawu Ofanana

1 Tihosi 2:40

Zonake Ximei i lo suka a gabhatsela a mbongola yakwe, aya le Gati ka Akixi, a ku ya lava malanza yakwe. Lexo Ximei i lo ya teka malanza yakwe le Gati a wuya nawo.

2 Tihosi 5:27

A hlokonho ya Namani yi ta namarela ka wena ni vana va wena kala kupinzuka. Zonake Gehazi i lo suka mahlweni kakwe na a tele hi hlokonho leyi yi fananako ni gapongo. Ekso. 4:6; Mitse. 12:10

Tisimu 15:5

Loyi a nga pembisiko mali yakwe kasi ku bhinzula, Ge hambu ku rengelelwa kasi ku kumisa nanzu munhu a nga hiko na nanzu. Loyi a mahako lezo cima a nga ta tsekatsekiswa. Ekso. 22:25; Levi 25:36; Deut. 16:19

Eksodusi 18:21

Kanilezi hlawula xikari ka vanhu vontlhe a vavanuna lava va va nene, lava va chavako Nungungulu, a vavanuna lava va lulamileko, lava va vengako bhinzu legi gi nga lulamangiko; u va yimisa a kuva tinduna ta mazanazana, ni ta zana, ni ta ntlhanu wa makume, ni ta makume; Mitse. 11:16; Deut. 1:13

Eksodusi 23:8

U nga amukeli a zinyikiwo, hakuva zi vala a mahlo ya lava va wonako, kambe zi byeketa a timhaka ta lava va lulamileko le hubyeni.

Mavingu 1:19

Ti nghaho tindlela ta vontlhelele lava va na nga ni mahlomi kuphangeni, akuva ku khoma wutomi ga vona venyi. 1 Tim. 6:10

Mavingu 11:19

Loyi a tiyileko kululameni wa bhinzula wutomi; ilezo, loyi a lanzelako kubiha i ti yisa kufeni.

Mavingu 11:29

Loyi a vangako hlomulo mutini wakwe, a mheho yi tava tshomba yakwe; i xipumbu xi tava nanza ga loyi a nga ni mbilu ya wutlhari.

Mavingu 15:26

A maalakanyo ya wa kubiha manyala ka Jehova; anilezi a timhaka ti nene ta mu tsakisa.

Mavingu 20:21

A tshomba leyi yi kumiwako hi xihatla kusanguleni, ugumeseni ka yona yi nga tava ni zikatekiso.

Mavingu 23:4

U nga karatekeli kuva u fuma; nga tsumbi wutlhari ga wena wutsumbu.

Mavingu 28:16

Ni hosi leyi yi nga hiko na kupimisisa yonawu mutsimbeketi wa hombe; anilezi loyi a vengako ku navela mali i ta lehisa masiku yakwe.

Mavingu 28:25

Loyi a nga ni mbilu ya matshanza wa vuxa mazunga; anilezi loyi a tsumbako Jehova i ta xura.

Mavingu 29:4

A hosi yi tiyisa tiko hi kululama; anilezi leyi yi gi hlengisako ya gi hahlula.

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

Deuteronome 7:26

Na wena u nga enghenisi xinyenyeko lomu ndlwini ya wena, ku nga taku u nyenyezawu kota zilo lezo; u ta zi nyenya nguvunguvu, mava manyala ka wena, hakuva za yila.

1 Timote 6:10

Hakuva a ku ranza mali hi mutsu wa tixaka tontlhe ta kubiha; a vanwani hi ku yi navela va pengile kukholweni, va ti phoroketile hi kuxaniseka kunyingi. Ekso. 23:8

1 Timote 6:9

Kanilezi lava va ranzako a ku ngha va fuma, va wela kuringweni ni maphanyeni, ni kumbilukeleni kunyingi ka wupumbu ku bayisako, lezi zi nyupetako vanhu kulobyisweni ni kulahlekeni. Mat. 13:22

Joxua 6:18

Kanilezi nwina ti hlayiseni ka lezi zi yilako, ku nga taku mu ti nyenyezisa hi ku teka a zilo zo yila mu zi yisa wugovelweni ga ka Israeli, mu gi nehela khombo.

1 Samueli 12:3

Hi mina loyi; nzi kustumunyeleni mahlweni ka Jehova ni mahlweni ka a totilweko wakwe. I nkavi ya mani nzi tekileko? I mbongola ya mani nzi tekileko? Himani nzi mu phangileko? Himani nzi mu xanisileko? Kutani ku ngava mani nzi amukeleko hi kakwe a nchumu wo nzi rengelela ke? Nzi ta mu tlhelisela. Miti. 20:33