Mavingu 14:29 - Tshwa Bible

²⁹ Loyi a nonokako ku zangara i na ni kupima; anilezi loyi a hatlisako ku zangara i kulisa wupumbu.

Mavingu 14:29 Mawu Ofanana

Mavingu 14:17

Loyi a nga ni xizangazangani i maha zilo zo hunguka hi wupumbu; munhu wa makungo ya kubiha wa vengeka. Mav. 12:16; Jak. 1:20

Mavingu 14:28

A wudzunzo ga hosi hi kutala ka vanhu; anilezi a wutsongwani ga vanhu gi lovisa a hosi.

Mavingu 15:18

A munhu wa xizangazangani i vuxa kukanetisana; anilezi loyi a nonokako ku zangara i rengisa timholova.

Mavingu 16:32

Loyi a nonokako ku zangara i hunza nhenha; i loyi a fumelako moya wakwe i hunza loyi a tekako muti.

Mavingu 17:27

Loyi a tlharihileko wa ti khoma kuwulawuleni kakwe; i loyi a nga ni kupimisisa i na ni moya wa kurula.

Mavingu 19:11

A munhu a tlharihileko wa nonoka ku zangara; bukosi gakwe a ku tsetselela zihambunyeto.

Mavingu 25:28

Loyi a nga fumeliko muhefemulo wakwe, fanana ni muti lowu wu wileko, wu nga hiko na ligingisi.

Mavingu 25:8

U nga tsutsumeli ku ti enghenisa kukanetisaneni, nga tsanzeka ku ti hlamulela hi magumo, aha a muakelane wa wena na ku wisa tingana.

Mavingu 4:8

Gi kulise, gi ta ku kulisa; oku u gi angarela gi ta ku nehela wudzunzo.

Mutshawuteli 10:6

A wupumbu gi vekiwa wutshanwini gi tlakukileko, a vadzunzekileko va tshama lahasi.

Mutshawuteli 7:8

A magumo ya mhaka i chukwana ku hunza masangulo ya yona; a munhu a nga ni lihlazambilu wa hunza loye a nga ni matshanza. Ekso. 23:8; Deut. 16:19

Mutshawuteli 7:9

U ngave ni moya wa ku hatlisela ku zangara, hakuva a zanga yi tshama timbilwini ta zipumbu.

Mitsengo 12:3

Kanilezi inaloyi Mosi i wa hi munhu wo rula nguvu ku hunza vanhu vontlhe va nga laha misaveni.

Mateu 11:29

Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21

Mateu 2:16

Zonake Herodi laha na a wonile lezaku i kanganyisilwe hi titlhari, i lo zangara nguvu; i lo rumela ku ya daya a zihlangana zontlhe za vavanuna za lomu Betlehema ni tiko ga kona, a ku sukela ka va malembe mambiri nf kuya hasi, hi ku pima xikhati lexi a nga wutisisa ha xona a titlhari.

Jakobe 1:19

Nwina ma zi tiva lezi vamakabye va mina va ranzekako. Kanilezi ngha munwe ni munwani a hatlisa kuzwa, a nonoka ku wulawulela nonoka ku zangara; Mav. 16:32; Kutsa. 5:1, 2