Mavingu 14:2 - Tshwa Bible

² Loyi a fambako hi kululama wa chava Jehova; anilezi loyi a nga tindleleni to gombonyeka wa mu nyenya.

Mavingu 14:2 Mawu Ofanana

2 Samueli 12:9

Hi kuyini u xanza a mhaka ya Jehova hi ku maha lezi zi bihileko mahlweni kakwe ke? U dele Uria a muHiti hi tlhari, u tlhela u mu tekela ni sati wakwe a maha wa wena; u mu daya ni tlhari ga vanana va ka Amoni.

1 Tihosi 3:6

Solomoni i lo hlamula, aku: U kombisile tipswalo ta hombe ka nanza ga wena Davida, a dadani wa mina, hi lezi a fambileko hi zinene mahlweni ka wena, ni kululama, ni nongameto ya mbilu; u mu hlayisele a tipswalo leti ta hombe, zonake u mu nyikile u nwanana loyi a tshamileko xitshanwini xa yena xa wuhosi kota lezi zi nga zona nyamutlha.

2 Tihosi 17:34

Ni nyamutlha lezi va ha lanzela mikhuwo yabye yo sangula, a va chavi Jehova; ni kambe a va lanzeli milayo ni mikhuwo yakwe, hambu ni zileletelo lezi Jehova a leleteleko a vanana va Jakobe loyi a chulilweko vito ga Israeli. Gen. 32:28; 35:10; 1 Tih. 18:31

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

Joba 12:4

Mina loyi nzi nga vitana Nungungulu a nzi hlamula, Nzi mahile xihlekiso ka vaakelane va mina; A munhu wa zinene ni wa kululama, wa tseketselwa!

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Tisimu 112:1

Dumisani Jehova! I katekile a munhu loyi a chavako Jehova, Loyi a tsakelako nguvu milayo yakwe.

Tisimu 25:21

Ngha a wunene ni kululama zi nzi lonzowota, Hakuva mina nza ku langutela.

Mavingu 11:12

Loyi a kanyisako muakelane wakwe a nga na wutlhari; anilezi a munhu wa kupimisisa wa ti miyelela.

Mavingu 16:17

A gonzo ga valulamileko hi ku huma kubiheni; oyi a hlayisako ndlela yakwe wa lonzowota muhefemulo wakwe.

Mavingu 16:6

A kugoha ka vinyiwa hi wuxinji ni zinene; i ku chava Jehova a vanhu va huma kubiheni.

Mavingu 19:1

A xisiwana lexi xi fambako hi kululama ka xona i hunza a munhu loyi a nga ni milomu ya kukanganyisa, a nga xipumbu,

Mavingu 2:15

Lava tindlela tabye ti gombonyekileko, a mahako kubiha tindleleni tabye;

Mavingu 28:6

I chukwana a xisiwana lexi xi fambako hi tindlela ta xona to lulama, u hunza loyi a fambako hi tidlela takwe ta kubiha na fumile.

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Luka 16:14

A vaFarisi lava va nga hi ziranzi za mali, va lozwa tontlhe leti timhaka; va mu tseketsela. Mat. 23:14

Mitiro 10:22

Vaku ngalo: Korneliu, a nga nduna ya zana, a munhu a lulamileko loyi a chavako Nungungulu, loyi a khesiwako hi vaJuda vontlhe, i lo layiwa hi Nungungulu hi nomu wa ngelosi yo basa ku ku vitana ndlwini yakwe, lezaku a yazwa lezi u ta nga mu byela zona. Vesi 1, 2; Xip. 22:12

Mitiro 10:35

kanilezi ka tixaka tontlhe loyi a mu chavako, ni ku maha kululama, wa amukeleka ka yena. Xip. 15:9; Rom. 2:13; 3:22

Mitiro 9:31

Lezo a handla gi wa hi ni kurula a Judia gontlhe, ni le Galilea, ni le Samaria; gi lo akiswa gi famba kuchaveni ka Hosi ni kutangalisweni ka Moya wa ku Basa. Tis. 119:165