Mavingu 13:7 - Tshwa Bible

⁷ I kona loyi a ti fumisako na a nga hi na nchumu; kona loyi a ti mahako xisiwana kasi i fumile.

Mavingu 13:7 Mawu Ofanana

Mavingu 11:24

I kona loyi a nyikako hi matsenya, kasi wa engeteliwa; i loyi a tsonako ku hunza mpimo, kanilezi a maha xisiwana.

Mavingu 12:9

Loyi a kanyiswako na a hi ni nanza, hunza loyi a ti dzunzako na a nga hi na xibaba.

Mavingu 13:11

A kufuma loku ku kumiwako hi xihatla ku ta mbhela; anilezi loyi a hlengeletelako hi ku ti tirela i ta enzeleka.

Mavingu 13:8

A nzhiho wa wutomi ga munhu hi kufuma kakwe; anilezi a xisiwana a xizwi kukawukwa.

Luka 12:20

Kanilezi Nungungulu aku ngalo kakwe: Phuphulu nzi wena, a wusiku legi a muhefemulo wa wena wu ta vitaniwa wu suka ka wena, zonake a zilo lezi u zi veketeleko zi ta lumba mani ke? Joba 20:22; Tis. 52:7; Jak. 4:14

Luka 12:21

Zinghaho ni loyi a ti veketelelako a tshomba, na a nga fumangi hi ka Nungungulu. Mat. 6:20; 1 Tim. 6:18, 19

Luka 12:33

Xavisani lezi mu nga nazo, mu nyika zisiwana; ti maheleni a zikhwama zi nga hlakaliko, a tshomba le tilweni leyi yi nga mbheliko; laho a khamba gi nga bhoxiko, hambu ni sumba yi nga giko. Mat. 6:20; 19:21; Miti. 2:45; 4:34

1 Va le Korinte 4:8

Nweno mu sina mu xurile, nweno mu sina mu fuyile, mu fumile hi handle ka hina. Ina, nzi ngha na mu fuma, kasi hinawu hi fela ku fuma na nwina. Kuv. 3:17

2 Va le Korinte 4:7

Kanilezi a tshomba leyi hi nga nayo, yi hlayiswa lomu ka zibya za wumba, kasi ku woneka lezaku a ntamu lowu wa hombe ngwa Nungungulu, wu nga hi wa hina wutsumbu. 1 Kor. 2:5; Xip. 5:1

2 Va le Korinte 6:10

a ku khwatsi hi xanisekile, kasi lezo ha tsaka xikhati xontlhe; a ku khwatsi hi lava va vumalako, kasi lezo hi fumisa votala; a ku khwatsi a hi na nchumu, kasi lezo hi na ni zilo zontlhe.

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

2 Pedro 2:19

va va tsumbisa a kutlhatlheka, kasi vona wutsumbu tikhumbi ta kubola; hakuva a munhu i khumbi ya lezi a hlulwako ha zona. Joh. 8:34; Rom. 6:16; Gal. 5:13

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9

Kuvululelwa 3:17

Lezi u nge ngalo: Nzi fumile, nzi ti kumele wukosi, a nzi vumali nchumu; kasi a ku zi tivi lezaku u loyi a xanisekako, ni nyakeke, ni muvumali, ni xikhumu, loyi u nga ni wuna. Hos. 12:8; 1 Kor. 4:8